സാംസങ് ഗാലക്‌സി എസ് 20 എഫ്ഇ 5 ജി സ്മാർട്ഫോൺ ഇന്ത്യയിൽ ലോഞ്ച് ചെയ്‌തേക്കും

പ്രൈസ്ബാബയിൽ നിന്നുള്ള ഒരു റിപ്പോർട്ട് അനുസരിച്ച്, സാംസങ് ഇന്ത്യയുടെ വെബ്‌സൈറ്റിലെ ഗാലക്സി എസ് 20 എഫ്ഇ 5 ജി യുടെ സപ്പോർട്ടിങ് പേജ് കണ്ടെത്തി. ഏറ്റവും പുതിയ ബി‌ഐ‌എസ് സർ‌ട്ടിഫിക്കേഷൻ‌ ഈ ഹാൻഡ്‌സെറ്റിന് ലഭിക്കുന്നതായും കണ്ടെത്തിയിരുന്നു. അതുവഴി ഒരു ലോഞ്ച് നടക്കുന്നതിനെ കുറിച്ചുള്ള സൂചനകൾ നൽകുന്നു. എക്‌സിനോസ് 990 പ്രോസസറിന് പകരമായി സ്‌നാപ്ഡ്രാഗൺ 865 ചിപ്പ്സെറ്റ് ഉപയോഗിച്ച അന്താരാഷ്ട്ര വേരിയന്റിന് സമാനമാണ് 5 ജി വേരിയൻറ്.

ഗാലക്സി എസ് 20 എഫ്ഇ 5 ജി ഇന്ത്യയിലേക്ക് വരുന്നു

ഇന്ത്യയ്ക്ക് ലഭിച്ച ഗാലക്‌സി എസ് 20 എഫ്ഇ മൊത്തത്തിൽ മികച്ച ഫോണാണെങ്കിലും നിലവാരമില്ലാത്ത എക്‌സിനോസ് 990 ചിപ്‌സെറ്റുമായി ഇത് മാറി നിൽക്കുന്നു. ഈ ഫോൺ‌ അമിതമായി ചൂടാകുന്നതും ചില സമയങ്ങളിൽ‌ റിസോഴ്സ്-ഇന്റൻസീവ് ഗെയിമുകളുമായി യോജിക്കാൻ സാധിക്കാത്തതായും കണ്ടെത്തി. ഈ സ്മാർട്ട്ഫോണിനും 5 ജിയുടെ സപ്പോർട്ട് വരുന്നില്ല. എക്‌സിനോസ് വേരിയന്റിലെ എല്ലാ പ്രശ്‌നങ്ങളും പരിഹരിക്കുന്ന സ്‌നാപ്ഡ്രാഗൺ 865 വേരിയന്റാണ് ഈ ഇന്റർനാഷണൽ വേരിയന്റിന് ലഭിച്ചത്.

ഇന്ത്യയിൽ ഗാലക്‌സി എസ് 20 എഫ്ഇ 5 ജിക്ക് ചിപ്‌സെറ്റ് ഒഴികെ 4 ജി വേരിയന്റിന് സമാനമായ 95 ശതമാനം സവിശേഷതകൾ നിലനിർത്താനാകും. അഞ്ച് കളർ പാലറ്റിനൊപ്പം ഒരേ പ്ലാസ്റ്റിക് യൂണിബോഡി ഡിസൈൻ നിങ്ങൾക്ക് ലഭിക്കാൻ പോകുന്നു എന്നാണ് ഇതിനർത്ഥം. 6.5 ഇഞ്ച് ഡിസ്‌പ്ലേ അതേപടി ഈ ഹാൻഡ്‌സെറ്റിൽ നിലനിൽക്കുന്നു ഒപ്പം 120Hz റിഫ്രഷ് റേറ്റിനൊപ്പം അതേ സൂപ്പർ അമോലെഡ് എക്സ്‌പീരിയൻസ് നൽകും. മെച്ചപ്പെട്ട ബാറ്ററി ലൈഫ്, മികച്ച ഇമേജ് പ്രോസസ്സിംഗ്, വേഗതയേറിയ പ്രകടനം എന്നിവ സ്നാപ്ഡ്രാഗൺ 865 പ്രോസസർ നൽകുന്നു.

4 ജി വേരിയൻറ് ഇതിനകം തന്നെ 49,999 രൂപയ്ക്ക് വിൽപന നടത്തുന്നതിനാൽ സാംസങ് ഗാലക്സി എസ് 20 എഫ്ഇ 5 ജിക്ക് ഇന്ത്യയിൽ എന്ത് വില നൽകുന്നുവെന്നത് ഇതുവരെ വ്യക്തമല്ല. എക്‌സിനോസ് വേരിയൻറ് നിർത്തലാക്കാനും സമാന വിലയ്ക്ക് 5 ജി എഡിഷൻ കൊണ്ടുവരാനും സാധ്യതയുണ്ട്. സാംസങ്ങിന് 4 ജി വേരിയന്റിന്റെ വില കുറയ്‌ക്കാനും സ്‌നാപ്ഡ്രാഗൺ എഡിഷന് ഉയർന്ന വില നൽകാനും കഴിയും. നിലവിൽ, സ്നാപ്ഡ്രാഗൺ 865 ചിപ്പ് ഉപയോഗിക്കുന്ന ഇന്ത്യയിലെ ഏക സാംസങ് ഫോൺ അൾട്രാ പ്രീമിയം ഗാലക്സി ഇസഡ് ഫോൾഡ് 2 5 ജി ആണ്. നിലവിലെ ജെൻ ഗാലക്‌സി എസ് 21 സീരീസിൽ എക്‌സിനോസ് 2100 ചിപ്‌സെറ്റ് സീരീസ് ഉപയോഗിക്കുന്നു.