സാംസങ് ഗാലക്‌സി എസ് 20 എഫ്ഇ ഇന്ന് ഇന്ത്യയിൽ അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

സാംസങ് ഗാലക്‌സി എസ് 20 എഫ്ഇ: വിശദാംശങ്ങൾ

സാംസങ് ഗാലക്‌സി എസ് 20 എഫ്ഇ 4 ജി പിന്തുണയോടെ ഇന്ത്യയിൽ വിപണിയിലെത്തും. ആഗോള വേരിയന്റ് 4 ജി, 5 ജി ഓപ്ഷനുകളിലാണ് വരുന്നത്. ഗാലക്‌സി എസ് 20 എഫ്ഇയുടെ ഇന്ത്യൻ വേരിയന്റിന് ഒരു കോൺഫിഗറേഷൻ മാത്രമേയുള്ളൂ - 8 ജിബി റാം + 128 ജിബി സ്റ്റോറേജ്. ക്ലൗഡ് റെഡ്, ക്ലൗഡ് ലാവെൻഡർ, ക്ലൗഡ് മിന്റ്, ക്ലൗഡ് നേവി, ക്ലൗഡ് വൈറ്റ് എന്നിങ്ങനെ അഞ്ച് കളർ ഓപ്ഷനുകളിലാണ് ഇവ വരുന്നത്. 6 ജിബി റാം + 128 ജിബി, 8 ജിബി + 128 ജിബി, 8 ജിബി + 256 ജിബി പതിപ്പുകളുള്ള ആഗോള മോഡലിൽ നിന്ന് വ്യത്യസ്തമാണിത്. ഇന്ത്യൻ വിപണിയിൽ വരാത്ത ക്ലൗഡ് ഓറഞ്ച് ഉൾപ്പെടെ ആറ് കളർ ഓപ്ഷനുകളിലാണ് ഈ സ്മാർട്ഫോൺ വിപണിയിൽ വരുന്നത്. ഗാലക്‌സി എസ് 20 എഫ്ഇയുടെ വില സാംസങ് സ്ഥിരീകരിച്ചിട്ടില്ല. എന്നാൽ, ആഗോള വിപണികൾക്കായുള്ള 5 ജി മോഡലിന്റെ ആരംഭ വില 699 ഡോളറാണ് (ഏകദേശം 51,200 രൂപ).

സാംസങ് ഗാലക്‌സി എസ് 20 എഫ്ഇ: സവിശേഷതകൾ

യുഐ 2.0 വരുന്ന ആൻഡ്രോയിഡ് 10 ഓപ്പറേറ്റിങ് സിസ്റ്റത്തിൽ പ്രവർത്തിക്കുന്ന സാംസങ് ഗാലക്‌സി എസ് 20 എഫ്ഇ 6.5 ഇഞ്ച് ഫുൾ എച്ച്ഡി + (1,080x2,400 പിക്‌സൽ) സൂപ്പർ അമോലെഡ് ഇൻഫിനിറ്റി ഒ ഡിസ്‌പ്ലേ 20: 9 ആസ്പെക്ടറ്റ് റേഷിയോയും 120 ഹെർട്സ് റിഫ്രഷ് റേറ്റുമായി വരുന്നു. മുകളിൽ കോർണിംഗ് ഗോറില്ല ഗ്ലാസ് 3 പ്രൊട്ടക്ഷനും വരുന്നു. 8 ജിബി റാമുമായി ജോടിയാക്കിയ ഒക്ടാകോർ എക്‌സിനോസ് 990 SoC പ്രോസസറാണ് ഈ ഫോണിന്റെ കരുത്ത്.

സാംസങ് ഗാലക്‌സി എസ് 20 എഫ്ഇ: ക്യാമറ

ട്രിപ്പിൾ റിയർ ക്യാമറ സെറ്റപ്പ് വരുന്ന ഗാലക്‌സി എസ് 20 എഫ്ഇയിൽ 12 മെഗാപിക്സൽ പ്രൈമറി സെൻസറും എഫ് / 1.8 വൈഡ് ആംഗിൾ ലെൻസും ഒപ്റ്റിക്കൽ ഇമേജ് സ്റ്റെബിലൈസേഷൻ (ഒഐഎസ്) പിന്തുണയുമുണ്ട്. ക്യാമറ സെറ്റപ്പിൽ 12 മെഗാപിക്സൽ സെക്കൻഡറി സെൻസറും അൾട്രാ വൈഡ് ആംഗിൾ എഫ് / 2.2 ലെൻസും ഉൾപ്പെടുന്നു, അതിൽ 123 മെഗാപിക്സൽ ഫീൽഡ് ഓഫ് വ്യൂ (എഫ്ഒവി), 8 മെഗാപിക്സൽ ടെലിഫോട്ടോ ഷൂട്ടർ എന്നിവയുണ്ട്. സെൽഫികൾ പകർത്തുന്നതിനായി സാംസങ് ഗാലക്‌സി എസ് 20 എഫ്ഇ മുൻവശത്ത് എഫ് / 2.0 ലെൻസുമായി വരുന്ന 32 മെഗാപിക്സൽ സെൽഫി ക്യാമറ സെൻസർ വാഗ്ദാനം ചെയ്യുന്നു. മുൻപിൽ വരുന്ന ക്യാമറയിൽ ഓട്ടോഫോക്കസ് പിന്തുണയുമുണ്ട്.

128 ജിബി ഓൺബോർഡ് സ്റ്റോറേജുമായി സാംസങ് ഗാലക്‌സി എസ് 20 എഫ്ഇ വരുന്നു. 4 ജി എൽടിഇ, വൈ-ഫൈ, ബ്ലൂടൂത്ത് വി 5.0, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഇൻ-ഡിസ്പ്ലേ ഫിംഗർപ്രിന്റ് സെൻസറും ഫോണിലുണ്ട്. കൂടാതെ, 15W ഫാസ്റ്റ് ചാർജിംഗും വയർലെസ് ചാർജിംഗും പിന്തുണയ്ക്കുന്ന 4,500 എംഎഎച്ച് ബാറ്ററിയും ഇതിൽ കമ്പനി നൽകിയിരിക്കുന്നു.