സാംസങ് ഗാലക്‌സി എസ് 21 കളർ വേരിയന്റുകളിൽ വരുന്നു; സാംസങ് ഗാലക്‌സി എസ് 21 അൾട്രയിൽ എസ് പെൻ വരുന്നു

ലീക്കിൽ നിന്നും ലഭിച്ച വിവരമനുസരിച്ച്, ഈ സീരീസിൽ നിന്നുള്ള മൂന്ന് ഡിവൈസുകളും 128 ജിബി, 256 ജിബി എന്നിവയുൾപ്പെടെ രണ്ട് സ്റ്റോറേജ് വേരിയന്റുകളിൽ വിപണിയിലേക്ക് വരും. നിറങ്ങളെ സംബന്ധിച്ചിടത്തോളം, ഗാലക്സി എസ് 21, എസ് 21 പ്ലസ് വൈറ്റ്, പിങ്ക്, പർപ്പിൾ ഷെയ്ഡുകളിൽ ലഭ്യമാകും, അൾട്രാ വേരിയന്റ് സിൽവർ, ബ്ലാക്ക് കളർ വേരിയന്റുകളിൽ പുറത്തിറങ്ങും.

എസ് പെൻ സപ്പോർട്ടുമായി വരുന്ന ഗാലക്‌സി എസ് 21 അൾട്രാ 5 ജി വരുമെന്ന് ലീക്ക് അവകാശപ്പെടുന്നു. എന്നാൽ, സ്റ്റൈലസ് നിലനിർത്തുന്നതിന് ഇതിന് ഒരു പ്രത്യേക സ്ലോട്ട് ഉണ്ടാകില്ല. ഉപയോക്താക്കൾ ഒരു ഓപ്ഷണൽ ആക്സസറിയായി അൾട്രാ മോഡലിനായി എസ് പെൻ വാങ്ങേണ്ടതുണ്ട്. മാത്രമല്ല, ഗാലക്‌സി എസ് 21 5 ജിയുടെ ചോർന്ന വീഡിയോയും അതിന്റെ എഡ്ജ്-ടു-എഡ്ജ് ഡിസ്‌പ്ലേയും പുനർരൂപകൽപ്പന ചെയ്ത പിൻ ക്യാമറ സെറ്റപ്പും കാണിക്കുന്നു. കൂടാതെ, ഈ ഡിവൈസിൻറെ പിൻഭാഗം മാറ്റ് ഫിനിഷുള്ള പോളികാർബണേറ്റ് മെറ്റീരിയലിൽ വരുമെന്ന് പറയുന്നു.

സാംസങ് ഗാലക്‌സി എസ് 21 അൾട്രാ: പ്രതീക്ഷിക്കുന്ന സവിശേഷതകൾ

അൾട്രാ വേരിയൻറ് 6.8 ഇഞ്ച് ഡബ്ല്യുക്യുഎച്ച്ഡി + ഡിസ്പ്ലേ 120Hz വരെ റിഫ്രഷ് റേറ്റിനൊപ്പം വരുമെന്ന് പ്രതീക്ഷിക്കുന്നു. ക്വാൽകോം സ്‌നാപ്ഡ്രാഗൺ 875 SoC പ്രോസസർ ഈ ഹാൻഡ്‌സെറ്റിന് കരുത്തേകുമെന്ന് പറയുന്നു. അതേസമയം ഇന്ത്യൻ വേരിയൻറ് എക്‌സിനോസ് 2100 പ്രോസസറുമായി എത്തുമെന്ന് പറയുന്നു. 108 എംപി പ്രൈമറി ക്യാമറ, 12 എംപി അൾട്രാവൈഡ് ലെൻസ്, 3x ഒപ്റ്റിക്കൽ സൂമിനുള്ള സപ്പോർട്ടുള്ള ടെലിഫോട്ടോ സെൻസർ, മറ്റൊരു 10x ഒപ്റ്റിക്കൽ ടെലിഫോട്ടോ ലെൻസ് എന്നിവ വാഗ്ദാനം ചെയ്യുന്നു. മുൻവശത്ത്, ഗാലക്‌സി എസ് 21 ന് 40 എംപി മുൻ ക്യാമറയുണ്ട്. 65W ഫാസ്റ്റ് ചാർജിംഗ് സാങ്കേതികവിദ്യയെ സപ്പോർട്ട് ചെയ്യുന്ന 5,000 mAh ബാറ്ററിയാണ് ഇതിൽ വരുന്നത്.