ആമസോണിൽ നിന്നും ഇപ്പോൾ സാംസങ് ഗാലക്‌സി എസ് 21, എസ് 21 പ്ലസ്, എസ് 21 അൾട്രാ സ്മാർട്ഫോണുകൾ സ്വന്തമാക്കാം

സാംസങ് ഗാലക്‌സി എസ് 21: ഇന്ത്യയിൽ വില

ബേസിക് സാംസങ് ഗാലക്‌സി എസ് 21 ഹാൻഡ്‌സെറ്റിൻറെ വില ആരംഭിക്കുന്നത് 69,999 രൂപ മുതലാണ്. 8 ജിബി റാമിനും 128 ജിബി സ്റ്റോറേജ് മോഡലിനുമാണ് ഈ വില വരുന്നത്. ഗാലക്‌സി എസ് 21 ന്റെ ടോപ്പ് എൻഡ് 8 ജിബി റാമും 256 ജിബി സ്റ്റോറേജ് മോഡലിനും 73,999 രൂപയാണ് വില വരുന്നത്. 128 ജിബി മോഡൽ ഫാന്റം വയലറ്റ്, വൈറ്റ്, പിങ്ക്, ഗ്രേ എന്നീ നിറങ്ങളിൽ വരുന്നു. ഈ ഹാൻഡ്‌സെറ്റിൻറെ 256 ജിബി എഡിഷൻ ഫാന്റം വയലറ്റ്, വൈറ്റ്, ഗ്രേ എന്നിങ്ങനെ മൂന്ന് കളർ ഓപ്ഷനുകളിൽ ലഭ്യമാണ്.

സാംസങ് ഗാലക്‌സി എസ് 21 +: ഇന്ത്യയിൽ വില

8 ജിബി റാം / 128 ജിബി സ്റ്റോറേജ്, 8 ജിബി റാം / 256 ജിബി സ്റ്റോറേജ് എന്നിവയുൾപ്പെടെ രണ്ട് മോഡലുകളിലാണ് ഗാലക്‌സി എസ് 21 + വരുന്നത്. ബേസിക് മോഡലിന് 81,999 രൂപയും ടോപ്പ് എൻഡ് മോഡലിന് 85,999 രൂപയുമാണ് വില വരുന്നത്. ഫാന്റം വയലറ്റ്, സിൽവർ, ബ്ലാക്ക് എന്നിവയുൾപ്പെടെ മൂന്ന് കളർ ഓപ്ഷനുകളിലാണ് ഈ രണ്ട് മോഡലുകളും വിപണിയിൽ വരുന്നത്.

സാംസങ് ഗാലക്‌സി എസ് 21 അൾട്രാ: ഇന്ത്യയിൽ വില

ഗാലക്‌സി എസ് 21 അൾട്രാ 5 ജി എന്ന് വിളിക്കപ്പെടുന്ന സീരീസിന്റെ ടോപ്പ് എൻഡ് മോഡലുകളുടെ 12 ജിബി റാം / 256 ജിബി സ്റ്റോറേജ് ഉൾപ്പെടെ 1,05,999 രൂപ വിലയിൽ ഫാന്റം ബ്ലാക്ക്, സിൽവർ നിറങ്ങളിൽ ലഭ്യമാണ്. ഈ ഹാൻഡ്സെറ്റിൻറെ ടോപ്പ് എൻഡ് മോഡലിൽ 16 ജിബി റാമും 512 ജിബി ഇന്റേണൽ സ്റ്റോറേജും ഉണ്ട്. 1,16,999 രൂപ വിലയുള്ള ഈ മോഡലിന് ഫാന്റം ബ്ലാക്ക് ഉൾപ്പെടെ സിംഗിൾ കളർ മോഡലിലാണ് വിപണിയിൽ വരുന്നത്.

പ്രീ-ഓർഡറുകൾക്ക് കിഴിവ്

സാംസങ് ഗാലക്‌സി എസ് 21 സീരീസിന് കീഴിൽ വരുന്ന മൂന്ന് മോഡലുകളും നിങ്ങൾക്ക് ഇന്ത്യയിൽ നിന്നും മുൻകൂട്ടി ഓർഡർ ചെയ്യുവാൻ സാധിക്കുന്നതാണ്. ദക്ഷിണ കൊറിയൻ സ്മാർട്ട്‌ഫോൺ നിർമ്മാതാവ് ഗാലക്‌സി എസ് 21 അൾട്രയിൽ 10,000 രൂപയും ഗാലക്‌സി എസ് 21 + ന് 7,000 രൂപ ക്യാഷ്ബാക്കും ഗാലക്‌സി എസ് 21 ന് 5,000 രൂപയും ക്യാഷ്ബാക്ക് നൽകുന്നു.