ഫോട്ടോഗ്രാഫി പഠിപ്പിക്കാൻ പറ്റില്ല... പക്ഷേ, സാംസങ് എസ്25 അ‌ൾട്ര ക്യാമറ പുതിയ പലതും പഠിപ്പിക്കും!

സാംസങ്ങിൻ്റെ ഗാലക്‌സി എസ് 25 സീരീസിൻ്റെ ലോഞ്ച് വളരെ അകലെയാണെങ്കിലും, കിംവദന്തികൾ ഇതിനകം തന്നെ ഇൻ്റർനെറ്റിൽ അലയടിക്കാൻ തുടങ്ങി. ഇപ്പോൾ, ഏറ്റവും പുതിയ റിപ്പോർട്ടുകൾ ഗാലക്‌സി എസ് 25 അൾട്രായുടെ ക്യാമറ വിശദാംശങ്ങലെ കുറിച്ച് ഉള്ളതാണ്. വരാനിരിക്കുന്ന പ്രീമിയം മോഡലിൽ നിന്ന് എന്താണ് പ്രതീക്ഷിക്കേണ്ടതെന്ന് പുറത്ത് വന്ന റിപ്പോട്ടുകൾ പ്രകാരമുള്ള എല്ലാ വിശദാംശങ്ങളും ഈ ലേഖനത്തിൽ ഉണ്ട്. ടിപ്‌സ്റ്റർ ഐസ് യൂണിവേഴ്സ് റിപ്പോർട്ട് പറയുന്നതനുസരിച്ച്, ഗാലക്‌സി എസ് 25 അൾട്രാ അതിൻ്റെ മുൻഗാമികളുടെ അതേ ക്വാഡ് ക്യാമറ സജ്ജീരണം പാക്ക് ചെയ്യും.

അൾട്രാ-വൈഡ്, ടെലിഫോട്ടോ ലെൻസുകളിലേക്കുള്ള വലിയ അപ്ഗ്രേഡ് ആണ് എടുത്ത് പറയേണ്ട ഫീച്ചർ. 200 എംപി പ്രൈമറി ക്യാമറ, 50 എംപി അൾട്രാ വൈഡ് സെൻസർ, 3x ഒപ്റ്റിക്കൽ സൂം ഉള്ള 50 എംപി ടെലിഫോട്ടോ ലെൻസ്, 5x ഒപ്റ്റിക്കൽ സൂമുള്ള 50എംപി സൂപ്പർ ടെലിഫോട്ടോ ലെൻസ് എന്നിവ ഈ ഫോണിലുണ്ടാകും.

12 എംപി അൾട്രാ വൈഡ് ലെൻസും 3x ഒപ്റ്റിക്കൽ സൂമോട് കൂടിയ 10 എംപി ടെലിഫോട്ടോ ലെൻസും ഫീച്ചർ ചെയ്ത ഗാലക്സി എസ് 24 അൾട്രായുമായി താരതമ്യപ്പെടുത്തുമ്പോൾ, ഇത് ഗണ്യമായ പുരോഗതിയെ പ്രതിനിധീകരിക്കുന്നു. പ്രൈമറി, സൂപ്പർ ടെലിഫോട്ടോ സെൻസറുകൾ യഥാക്രമം 200 എംപിയിലും 50 എംപിയിലും ആണ് ഉള്ളത്.

എസ് 25 അൾട്രായിൽ ട്രിപ്പിൾ റിയർ ക്യാമറ സജ്ജീകരണം സാംസങ് തിരഞ്ഞെടുത്തേക്കുമെന്ന് നേരത്തെ അഭ്യൂഹങ്ങൾ ഉണ്ടായിരുന്നു. എന്നിരുന്നാലും, ഗാലക്‌സി എസ്25 അൾട്രാ അതേ ക്വാഡ്-ക്യാമറ സജ്ജീകരണം നിലനിർത്തുമെന്ന് ഐസ് യൂണിവേഴ്‌സിൽ നിന്നുള്ള ഏറ്റവും പുതിയ ലീക്ക് റിപ്പോർട്ട് സ്ഥിരീകരിക്കുന്നു. മാത്രമല്ല, ഗാലക്‌സി എസ്25 അൾട്രാ പുതിയ സ്നാപ്ഡ്രാഗൺ 8 Gen 4 ചിപ്‌സെറ്റ് നൽകുമെന്നും OneUI 7നൊപ്പം ആൻഡ്രോയിഡ് 15ൽ പ്രവർത്തിക്കുമെന്നും പ്രതീക്ഷിക്കുന്നു.

എസ് 24 അൾട്രായുമായി താരതമ്യപ്പെടുത്തുമ്പോൾ ഡിസൈൻ മാറ്റങ്ങൾ വളരെ കുറവായിരിക്കും. സാംസങ്ങിൻ്റെ അടുത്ത അൺപാക്ക്ഡ് ഇവൻ്റ് ജൂലൈ 10ന് നടക്കുമെന്ന് പ്രതീക്ഷിക്കുന്നു. നേരത്തെ പല ലേഖനങ്ങളിലും സൂചിപ്പിച്ചത് പോലെ, സാംസങ്ങിൻ്റെ പുതിയ ഫോൾഡബിൾ സ്മാർട്ട്‌ഫോണുകളായ ഗാലക്‌സി ഇസഡ് ഫോൾഡ് 6, ഗാലക്‌സി ഇസഡ് ഫ്ലിപ്പ് 6 എന്നിവയുടെ ലോഞ്ചിന് സാക്ഷ്യം വഹിക്കാൻ പോകുന്ന ഇവന്റ് ആയിരിക്കും ഇതെന്ന് പ്രതീക്ഷിക്കുന്നു.

ഈ വർഷം, സാംസങ് മൂന്ന് ഫോൾഡബിൾ ഫോണുകൾ അവതരിപ്പിക്കുമെന്ന് പ്രതീക്ഷിക്കുന്നു. കമ്പനി സാധാരണയായി രണ്ട് ഫോൾഡബിൾ ഫോണുകൾ മാത്രമേ പുറത്തിറക്കുകയുള്ളൂ എങ്കിലും, ക്ലാംഷെൽ-സ്റ്റൈൽ ഗാലക്‌സി ഇസഡ് ഫ്ലിപ്പ് 6നൊപ്പം ബുക്ക്-സ്റ്റൈൽ ഫോൾഡിംഗ് മെക്കാനിസമുള്ള രണ്ട് ഗാലക്‌സി ഇസഡ് ഫോൾഡ് മോഡലുകൾ പുറത്തിറങ്ങുമെന്ന് പ്രതീക്ഷിക്കുന്നു.

പ്രപഞ്ചം ഇളക്കി മറിച്ച് ലോഞ്ച് ചെയ്യപ്പെട്ട സാംസങ് എസ്24 സീരീസിലെ സ്റ്റാ​ന്റേർഡ് മോഡലായ സാംസങ് ഗാലക്സി എസ് 24 (Samsung Galaxy S24) ന്റെ പുതിയ സ്റ്റോറേജ് വേരിയന്റ് ഇന്ത്യയിൽ ഈ മാസമാണ് ലോഞ്ച് ചെയ്തത്. പുതിയതായി ലോഞ്ച് ചെയ്തിരിക്കുന്നതിനാൽ സാംസങ് ഗാലക്സി എസ് 24ന്റെ 128ജിബി സ്റ്റോറേജ് മോഡലിന് ബാങ്ക് ഓഫറും ലഭ്യമാക്കിയിട്ടുണ്ട്.

സാംസങ് ഗാലക്സി എസ് 24 സീരീസ് ഈ വർഷം ആദ്യം ലോഞ്ച് ചെയ്യുമ്പോൾ അ‌തിലെ എസ് 24 മോഡൽ 256 ജിബി, 512 ജിബി എന്നിങ്ങനെ രണ്ട് സ്റ്റോറേജ് വേരിയന്റുകളിൽ ആണ് ലഭ്യമായിരുന്നത്. ഇതിൽ 256ജിബി വേരിയന്റിന് 79,999 രൂപയും 512ജിബി വേരിയന്റിന് 89,999 രൂപയുമായിരുന്നു വില.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ഫോൺ ലോഞ്ചുകൾ എന്നിവ എല്ലാം അറിയാൻ gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.