കുട്ടീടെ പേര് മല...! കൺഫ്യൂഷൻ ആകുമോ? ഗാലക്‌സി എസ് 26 പേര് മാറ്റാൻ ഒരുങ്ങുന്നു?

സാംസങ്ങിൻ്റെ ഗാലക്‌സി എസ് സീരീസ് വളരെ കാലമായി ആൻഡ്രോയിഡ് സ്‌മാർട്ട്‌ഫോൺ വിപണിയിലെ ഒരു പ്രധാന സ്‌റ്റേയാണ്. ഇത് വ്യക്തവും സ്ഥിരവുമായ നെയിമിങ് സ്കീം വാഗ്ദാനം ചെയ്യുന്നു. എന്നിരുന്നാലും, സമീപകാല റൂമറുകൾ സൂചിപ്പിക്കുന്നത് ദക്ഷിണ കൊറിയൻ ഭീമൻ ആയ സാംസങ് വരാനിരിക്കുന്ന ഗാലക്‌സി എസ് 26 ലൈനപ്പിനായി ഒരു റീബ്രാൻഡിങ് പരിഗണിക്കുന്നുണ്ടാകാം എന്നാണ്. എക്‌സ് (മുമ്പ് ട്വിറ്റർ) പ്ലാറ്റ്‌ഫോമിലെ ടിപ്‌സ്റ്റർ പറയുന്നത് അനുസരിച്ച്, മുൻനിര ഗാലക്‌സി എസ് 26 അൾട്രായ്‌ക്ക് ഗാലക്‌സി എസ് 26 നോട്ടിലേക്ക് പേര് മാറ്റം ഉണ്ടാകാൻ സാധ്യത ഉണ്ട്.

ഇപ്പോൾ നിർത്തലാക്കപ്പെട്ട ഗാലക്‌സി നോട്ട് സീരീസിൻ്റെ മുഖമുദ്രയായ ബിൽറ്റ്-ഇൻ എസ്-പെൻ ഫീച്ചറിന് ഊന്നൽ നൽകാനാണ് ഇങ്ങനെയൊരു നീക്കം. മിഡ്-ടയർ ഗാലക്‌സി എസ് 26+ നെ ഗാലക്‌സി എസ് 26 പ്രോ എന്ന് പുനർനാമകരണം ചെയ്യാമെന്നും റൂമറുകൾ സൂചിപ്പിക്കുന്നു. പല ബ്രാൻഡുകളുടെയും പോർട്ട്‌ഫോളിയോകളിൽ "പ്രോ" മോഡലുകൾ ഒരു സാധാരണ പദമായി മാറുന്നതോടെ, സാംസങ്ങും ഇത് നഷ്‌ടപ്പെടുത്താൻ ആഗ്രഹിക്കുന്നില്ലെന്ന് തോന്നുന്നു.

ഭാഗ്യവശാൽ, അടിസ്ഥാന മോഡലിന് അത്തരമൊരു വാക്കും ഇല്ല. അതിനർത്ഥം ഇത് ഗാലക്‌സി എസ് 26 എന്ന പേര് നിലനിർത്തും എന്നാണ്. ഇത് ഇപ്പോഴും ഒരു റൂമർ മാത്രമാണ് എന്ന് ഓർക്കേണ്ടത് പ്രധാനമാണ്. പേര് മാറ്റങ്ങൾ മാത്രമാണ് സാംസങ് പരിഗണിക്കുന്നതെന്ന് ഉറവിടം സൂചിപ്പിക്കുന്നു. അവ ഔദ്യോഗികമായ വിവരം അല്ല.

പേര് മാറ്റുന്നത് നല്ലതിനേക്കാൾ ദോഷം ചെയ്യുമെന്ന് ആണ് കരുതുന്നത്. "അൾട്രാ" മോണിക്കർ ഗാലക്‌സി എസ് ലൈനിന് ഉള്ളിൽ ഒരു നിശ്ചിത ഭാരം വഹിക്കുന്നു. ഇത് സാംസങ്ങിൽ നിന്ന് നിങ്ങൾക്ക് ലഭിക്കുന്ന ഏറ്റവും മികച്ച ഒന്നാണെന്ന് സൂചിപ്പിക്കുന്നു. ഇത് "നോട്ട്" എന്നതിലേക്ക് മാറുകയാണെങ്കിൽ, ആളുകൾ അതിനെമറ്റൊരു സീരീസ് ആയി തെറ്റിദ്ധരിച്ചാൽ അതിശയിക്കാനില്ല.

ഗാലക്‌സി എസ് 26 ലൈനപ്പ് 2026ൽ സാംസങ്ങിൻ്റെ മുൻനിര ആയിരിക്കുമെന്നതിനാൽ, ലോഞ്ച് ചെയ്യുന്നതിന് മുമ്പ് കാര്യങ്ങൾ മാറാൻ ധാരാളം സമയമുണ്ട്. നിലവിൽ, ഗാലക്‌സി എസ് 25 ലൈനിലാണ് ശ്രദ്ധ കേന്ദ്രീകരിക്കുന്നത്. പേര് മാറ്റമല്ല, എന്നാൽ ഏറ്റവും മികച്ച എസ് 25 അൾട്രായ്ക്ക് സൂക്ഷ്മമായ ഡിസൈൻ ട്വീക്കുകൾ ഉണ്ടായിരിക്കാം.

പുറത്ത് വന്ന റിപ്പോർട്ട് അനുസരിച്ച്, ഗാലക്‌സി എസ് 24 അൾട്രായുടെ ഷാർപ്പ് ആയ കോണുകളുമായി താരതമ്യപ്പെടുത്തുമ്പോൾ എസ് 25 അൾട്രായ്ക്ക് കൂടുതൽ ചതുരാകൃതിയിലുള്ള അരികുകൾ ഉണ്ടായിരിക്കുമെന്ന് പ്രതീക്ഷിക്കുന്നു. സാധാരണയായി വിശ്വസനീയമായ ഒരു ടിപ്‌സ്റ്റർ എസ് 25 അൾട്രായെ അതിൻ്റെ മുൻഗാമിയുമായി താരതമ്യപ്പെടുത്തുന്ന ഒരു മോക്കപ്പ് പങ്കിട്ടു. അതിൽ വ്യത്യാസം വളരെ ശ്രദ്ധേയമാണ്. എന്നിരുന്നാലും, ഫ്രണ്ട് ഡിസൈനിൽ വലിയ മാറ്റമില്ല. മിനിമം ബെസലുകളും മധ്യഭാഗത്ത് ഒരു ചെറിയ പഞ്ച്-ഹോൾ കട്ട്ഔട്ടും ഉണ്ട്.

നിലവിൽ എസ് സീരീസിലെ ഏറ്റവും ഉയർന്ന സ്‌പെക്ക് മോഡലായ ഗാലക്‌സി എസ് 26 അൾട്രാ ഗാലക്‌സി എസ് 26 നോട്ട് ആയി പുനർനാമകരണം ചെയ്യപ്പെടുമെന്ന റൂമറുകളിൽ മറ്റൊന്ന് കൂടി സൂചിപ്പിച്ചിട്ടുണ്ട്. ഈ ഷിഫ്റ്റ് ഫോണിൻ്റെ ബിൽറ്റ്-ഇൻ എസ് പെൻ സ്റ്റൈലസിന് ഊന്നൽ നൽകിയേക്കാം.

ഇത് നിർത്തലാക്കപ്പെട്ട ഗാലക്‌സി നോട്ട് സീരീസിൻ്റെ സിഗ്നേച്ചർ സവിശേഷതയാണ്. സമീപകാല എസ് സീരീസ് ഫോണുകളിൽ എസ് പെന്നിൻ്റെ പ്രവർത്തനക്ഷമത നഷ്ടപ്പെട്ട നോട്ട് ആരാധകർ ഈ സാധ്യതയുള്ള മാറ്റത്തിൽ ആവേശഭരിതരായേക്കാം. എന്നിരുന്നാലും, നേരത്തെ പറഞ്ഞത് പോലെ ഈ പേരുമാറ്റങ്ങൾ ഉപഭോക്താക്കൾക്ക് ആശയക്കുഴപ്പം സൃഷ്ടിച്ചേക്കാം.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.