വരുന്നു... സാംസങ്ങ് ഗാലക്‌സി S5; അടുത്ത വര്‍ഷം പുറത്തിറങ്ങിയേക്കും

Posted By:
    X

    ഐഫോണ്‍ 5-നു പിന്‍തുടര്‍ച്ചക്കാരനായാണ് ആപ്പിള്‍ ഐ ഫോണ്‍ 5 എസ് ഇറക്കിയത്. അപ്പോള്‍ പിന്നെ സാംസങ്ങിന് വെറുതെ ഇരിക്കാന്‍ പറ്റുമോ. സാംസങ്ങും വരുന്നു, ഗാലക്‌സി S4-ന്റെ അടുത്ത തലമുറയുമായി. അതായത് ഗാലക്‌സി S5. അടുത്ത വര്‍ഷം ഈ ഫോണ്‍ പുറത്തിറങ്ങുമെന്നാണ് അറിയുന്നത്.

    ഇതുവരെയുള്ള ഗാലക്‌സി ഫോണുകളെ അപേക്ഷിച്ച് പ്രകടമായ മാറ്റങ്ങള്‍ ഗാലക്‌സി S5-ല്‍ ഉണ്ടാവും. വിലകുറഞ്ഞ പോളി കാര്‍ബണേറ്റ് പ്ലാസ്റ്റികിനു പകരം ലോഹമായിരിക്കും പുതിയ ഗാലക്‌സിയില്‍ ഉപയോഗിക്കുക എന്നും പറഞ്ഞുകേള്‍ക്കുന്നുണ്ട്.

    ആപ്പിള്‍ ഐ ഫോണിനു സമാനമായി ഗാലക്‌സി S5-ല്‍ 64-ബിറ്റ് പ്രൊസസറാണ് ഉണ്ടാവുക എന്ന് കഴിഞ്ഞ ദിവസം സാംസങ്ങ് മൊബൈല്‍ ചീഫ് ഷിന്‍ ജോംഗ് -ക്യുന്‍ പറഞ്ഞിരുന്നു. അതായത് ഐ ഫോണിനെ മറികടക്കുക തന്നെയാണ് സാംസങ്ങിന്റെ ലക്ഷ്യം.

    സാംസങ്ങ് ഗാലക്‌സി സ്മാര്‍ട്‌ഫോണ്‍ ഗാലറിക്കായി ഇവിടെ ക്ലിക് ചെയ്യുക

    തായ്‌പെയ് ടൈംസ് റിപ്പോര്‍ട് ചെയ്തതനുസരിച്ച് കാച്ചര്‍ ടെക്‌നോളജി എന്ന കമ്പനിയുമായി ഫോണിന്റെ നിര്‍മാണം സംബന്ധിച്ച് സാംസങ്ങ് ചര്‍ച്ചകള്‍ നടത്തിക്കഴിഞ്ഞു. ആപ്പിളിന്റെ മാക് ബുക് എയര്‍, ഐ പാഡ് മിനി എന്നിവയുടെ പ്രൊഡക്ഷനും ഈ കമ്പനിതന്നെയാണ് നിര്‍വഹിച്ചത്.

    അടുത്തവര്‍ഷം ആദ്യത്തോടെ മാത്രമെ ഇതു സംബന്ധിച്ച് കരാര്‍ ഉണ്ടാവു എന്നാണ് അറിയുന്നത്. നിലവിലെ സാഹചര്യത്തില്‍ ഫോണിന്റെ കൂടുതല്‍ പ്രത്യേകതകള്‍ അറിവായിട്ടില്ലെങ്കിലും അഭ്യൂഹങ്ങള്‍ ധാരാളം പ്രചരിക്കുന്നുണ്ട്.

    വിവിധ റിപ്പോര്‍ട്ടുകള്‍ പ്രകാരം സാംസങ്ങ് ഗാലക്‌സി S5-ന് ഉണ്ടായിരിക്കുമെന്നു കരുതുന്ന ഏതാനും സ്‌പെഷ്യല്‍ ഫീച്ചറുകള്‍ ചുവടെ കൊടുക്കുന്നു. കാണുക.

    ഗാഡ്ജറ്റ് ഫൈന്‍ഡറിനായി ഇവിടെ ക്ലിക് ചെയ്യുക

    കൂടുതല്‍ ടെക്നോളജി വാര്‍ത്തകള്‍ക്ക് ഗിസ്ബോട്ട്

    സാംസങ്ങ് ഗാലക്‌സി S5

    കൊറിയന്‍ ടൈംസ് റിപ്പോര്‍ട് ചെയ്തതനുസരിച്ച് ഗാലക്‌സി എസ്. 5-ല്‍ 64-ബിറ്റ് പ്രൊസസറാണ് ഉണ്ടായിരിക്കുക.

     

    സാംസങ്ങ് ഗാലക്‌സി S5

    സ്‌ക്രീന്‍ സൈസ് എത്രയാണെന്ന് കൃത്യമായി അറിവായിട്ടില്ലെങ്കിലും എസ് 4-നേക്കാള്‍ വലുതായിരിക്കുമെന്നാണ് കരുതുന്നത്. അതോടൊപ്പം IGZO സ്‌ക്രീന്‍ ടെക്‌നോളജിയും 4 കെ. റെസല്യൂഷനുമുണ്ടാകും.

     

    സാംസങ്ങ് ഗാലക്‌സി S5

    ഒപ്റ്റിക്കല്‍ ഇമേജ് സ്‌റ്റെബിലൈസേഷനോടു കൂടിയ 16 എം.പി. കാമറ ആയിരിക്കും ഗാലക്‌സി S5-ല്‍ ഉണ്ടായിരിക്കുക എന്നാണ് കേള്‍ക്കുന്നത്.

     

    സാംസങ്ങ് ഗാലക്‌സി S5

    ഇപ്പോള്‍ പുറത്തിറങ്ങിയ ഗാലക്‌സി നോട് 3 ക്കു സമാനമായി 3 ജി.ബി. റാം ആയിരിക്കും എസ്-5-ല്‍ ഉണ്ടാവുക.

     

    സാംസങ്ങ് ഗാലക്‌സി S5

    ഒക്‌ടോബറില്‍ പുറത്തിറങ്ങാന്‍ പോകുന്ന ആന്‍ഡ്രോയ്ഡിന്റെ ഏറ്റവും പുതിയ വേര്‍ഷനായ കിറ്റ്കാറ്റ് ആയിരിക്കും ഗാലക്‌സി എസ് 5-ലെ ഓപ്പറേറ്റിംഗ് സിസ്റ്റം എന്ന കാര്യത്തില്‍ തര്‍ക്കമില്ല.

     

    സാംസങ്ങ് ഗാലക്‌സി S5

    ഗാലക്‌സി S4-ല്‍ 2600 mAh ബാറ്ററിയാണ് ഉണ്ടായിരുന്നതെങ്കില്‍ S 5-ല്‍ 4000 mAh ബാറ്ററിയായിരിക്കും ഉണ്ടാവുക എന്നാണ് സൂചന.

     

    സാംസങ്ങ് ഗാലക്‌സി S5

    ഉപഭോക്താക്കളുടെ താല്‍പര്യം മാനിച്ച് ഗാലക്‌സി S5-ല്‍ എഫ്.എം. റേഡിയോഉണ്ടായിരിക്കുമെന്നുതന്നെയാണ് കരുതുന്നത്. അടുത്ത വര്‍ഷം ഏപ്രില്‍ മെയ് മാസങ്ങളിലായി ഫോണ്‍ പുറത്തിറക്കുമെന്നാണ് കരുതുന്നത്.

     

    കൂടുതല്‍ ടെക്നോളജി വാര്‍ത്തകള്‍ക്ക് ഗിസ്ബോട്ട്
    വരുന്നു... സാംസങ്ങ് ഗാലക്‌സി S5;  അടുത്ത വര്‍ഷം പുറത്തിറങ്ങിയേക്കും

    ബ്രേക്ക് ന്യൂസ് അറിയിപ്പുകള് നേടൂ. - Malayalam Gizbot

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more