സാംസങ് ഗാലക്‌സി അൺപാക്ക്ഡ്: ഗാലക്‌സി ഇസഡ് ഫോൾഡ് 3, ഗാലക്‌സി ഇസഡ് ഫ്ലിപ്പ് 3 അവതരിപ്പിച്ചു

സാംസങ് ഗാലക്‌സി ഇസഡ് ഫോൾഡ് 3 ന് 1,799.99 ഡോളർ (ഏകദേശം 1.34 ലക്ഷം രൂപ), ഗാലക്‌സി ഇസഡ് ഫ്ലിപ്പ് 3 ന് 999.99 ഡോളർ (ഏകദേശം 74,250) വില വരുന്നു. ഗാലക്‌സി ബഡ് 2 ന് 149.99 ഡോളർ (ഏകദേശം 11,100) വില വരുന്നു. ഗാലക്‌സി ഇസഡ് ഫോൾഡ് 3, ഇസഡ് ഫ്ലിപ്പ് 3 എന്നിവ ആഗസ്റ്റ് 11 മുതൽ പ്രീ-ഓർഡറിന് ലഭ്യമാകും, യുഎസ്, യൂറോപ്പ്, കൊറിയ എന്നിവയുൾപ്പെടെ തിരഞ്ഞെടുത്ത വിപണികളിൽ നിന്ന് ഓഗസ്റ്റ് 27 ന് ആരംഭിക്കും. സാംസങ് ഗാലക്‌സി ഇസഡ് ഫോൾഡ് 3 ഡിസ്പ്ലേയ്ക്ക് കീഴിൽ ഒരു മുൻ ക്യാമറയാണ് വരുന്നത്.

ഗാലക്‌സി ഇസഡ് ഫ്ലിപ്പ് 3യിൽ ഉയർന്ന റിഫ്രഷ് റേറ്റിൽ 6.7 ഇഞ്ച് ഡൈനാമിക് അമോലെഡ് ഫോൾഡബിൾ ഡിസ്പ്ലേ വരുന്നു. വേഗതയേറിയതും വയർലെസ് ചാർജിംഗ് സപ്പോർട്ട് വരുന്ന 3,300 എംഎഎച്ച് ബാറ്ററിയാണ് ഈ സ്മാർട്ട്ഫോൺ നൽകുന്നത്. 8 ജിബി റാമും 256 ജിബി ഇന്റേണൽ സ്റ്റോറേജുമായി ജോടിയാക്കിയ ക്വാൽകോം സ്‌നാപ്ഡ്രാഗൺ 888 SoC പ്രോസസറാണ് കരുത്തേകുന്നത്. ഇതിന് 12 എംപി ഡ്യുവൽ റിയർ ക്യാമറ സംവിധാനവും സെൽഫികൾക്കും വീഡിയോ കോളുകൾക്കുമായി 10 എംപി സ്നാപ്പറുമുണ്ട്.

ഗാലക്‌സി ഇസഡ് ഫോൾഡ് 3 ൽ രണ്ട് അമോലെഡ് ഡിസ്പ്ലേകൾ ഉണ്ടാകും. പുറംഭാഗം 6.2 ഇഞ്ച് ആയിരിക്കും, രണ്ടാമത്തേത് 7.6 ഇഞ്ച് സ്‌ക്രീൻ ആയിരിക്കും. ഈ ഫോൾഡബിൾ സ്മാർട്ഫോണിന് ഒരു സ്നാപ്ഡ്രാഗൺ 888 ചിപ്‌സെറ്റും 12 ജിബി റാമും 512 ജിബി ഇൻബിൽറ്റ് സ്റ്റോറേജുമുണ്ട്. ഫോട്ടോകൾ പകർത്തുവാൻ 12 എംപി ട്രിപ്പിൾ റിയർ ക്യാമറകളും പുറം ഡിസ്പ്ലേയിൽ 10 എംപി ലെൻസും 4 എംപി അണ്ടർ ഡിസ്പ്ലേ ഷൂട്ടറുമുണ്ട്. കമ്പനിയുടെ നോട്ട് സീരീസിൽ നിന്ന് കടമെടുത്ത എസ് പെൻ ഗാലക്‌സി ഇസഡ് സീരീസിന് ലഭിക്കും.

ഉപയോക്താക്കൾക്ക് അവരുടെ ഫോൾഡബിൾ സ്ക്രീനിൽ പൂർണ്ണമായും ഒപ്റ്റിമൈസ് ചെയ്ത എസ് പെൻ സവിശേഷതകൾ പ്രയോജനപ്പെടുത്താം. ഇസഡ് ഫോൾഡ് 3 യ്ക്കുള്ള എസ് പെൻ രണ്ട് ഓപ്ഷനുകളിലാണ് വരുന്നത്: എസ് പെൻ ഫോൾഡ് എഡിഷൻ, എസ് പെൻ പ്രോ. ഇസഡ് ഫോൾഡ് 3 മെയിൻ സ്‌ക്രീൻ സുരക്ഷയ്ക്കായി ഫോഴ്സ് ലിമിറ്റ് സാങ്കേതികവിദ്യ ഉപയോഗിച്ച് പ്രത്യേകം രൂപകൽപ്പന ചെയ്ത പിൻവലിക്കാവുന്ന പ്രോ ടിപ്പ് രണ്ടും ഫീച്ചർ ചെയ്യുന്നുണ്ട്.