സാംസങ് ഗാലക്‌സി എക്‌സ്‌കവർ 5 റഗ്ഗ്ഡ് സ്മാർട്ട്‌ഫോൺ അവതരിപ്പിച്ചു: വില, സവിശേഷതകൾ

സാംസങ് ഗാലക്‌സി എക്‌സ്‌കവർ 5 വില

സാംസങിൽ നിന്നുള്ള ഗാലക്‌സി എക്‌സ്‌കവർ 5 വില ജിബിപി 329 (ഏകദേശം 33,300 രൂപ) വില വരുന്നു. മാർച്ച് 12 മുതൽ യൂറോപ്യൻ വിപണിയിൽ ഈ ഹാൻഡ്‌സെറ്റ് വിൽപ്പനയ്‌ക്കെത്തും. ഇത് ഒരൊറ്റ ബ്ലാക്ക് കളർ ഓപ്ഷനിലാണ് വിപണിയിൽ വരുന്നത്. അന്താരാഷ്ട്ര ലഭ്യതയെ കുറിച്ച് കമ്പനി വിശദാംശങ്ങളൊന്നും ഇതുവരെ വ്യക്തമാക്കിയിട്ടില്ല.

ഐഫോൺ എക്സ് പൊട്ടിത്തെറിച്ച് ഉപയോക്താവിന് പൊള്ളലേറ്റ സംഭവത്തിൽ ആപ്പിളിനെതിരെ കേസ്

സാംസങ് ഗാലക്‌സി എക്‌സ്‌കവർ 5 സവിശേഷതകൾ

സാംസങ് ഗാലക്‌സി എക്‌സ്‌കവർ 5 ആൻഡ്രോയിഡ് 11 ഓപ്പറേറ്റിംഗ് സിസ്ടത്തിലാണ് പ്രവർത്തിപ്പിക്കുന്നത്. ഒപ്പം 5.3 ഇഞ്ച് എച്ച്ഡി + ടിഎഫ്ടി ഡിസ്‌പ്ലേയും ചുറ്റും കട്ടിയുള്ള ബെസലുകളുമുണ്ട്. ഒക്ടാകോർ എക്‌സിനോസ് 850 SoC പ്രോസസറാണ് ഈ ഹാൻഡ്‌സെറ്റിന് മികച്ച പ്രവർത്തനക്ഷമത നൽകുന്നത്. 4 ജിബി റാമും 64 ജിബി സ്റ്റോറേജുമായാണ് ഇത് വിപണിയിൽ വരുന്നത്. എഫ് / 1.8 ലെൻസുള്ള 16 മെഗാപിക്സൽ സിംഗിൾ ക്യാമറ പിന്നിലുണ്ട്. മുൻവശത്ത്, ഗാലക്സി എക്സ്കവർ 5 ന് എഫ് / 2.2 ലെൻസ് വരുന്ന 5 മെഗാപിക്സൽ സെൻസറും വരുന്നു. ടോപ്പ് ബെസലിൽ സെൽഫി ക്യാമറ നൽകിയിട്ടുണ്ട്.

കണക്റ്റിവിറ്റിക്കായു വേഗത്തിലുള്ള ചാർജിംഗിനും എൻ‌എഫ്‌സിക്കും പോഗോ പിൻ കണക്റ്ററുകളുള്ള യുഎസ്ബി ടൈപ്പ്-സി പോർട്ട് നിങ്ങൾക്ക് ലഭിക്കും. ആക്‌സിലറോമീറ്റർ, പ്രോക്‌സിമിറ്റി സെൻസർ, ജിയോ മാഗ്നറ്റിക് സെൻസർ, ആംബിയന്റ് ലൈറ്റ് സെൻസർ, ഗൈറോ സെൻസർ എന്നിവ ബോർഡിലെ സെൻസറുകളിൽ ഉൾപ്പെടുന്നു. ഇതിന് അന്തർനിർമ്മിതമായി നൽകിയിരിക്കുന്ന ഫേസ് റെക്കഗ്‌നിഷനുമുണ്ട്. മാറ്റിസ്ഥാപിക്കാവുന്ന 3,000 എംഎഎച്ച് ബാറ്ററിയുണ്ട്. എക്സ്കവർ കീ എന്ന് വിളിക്കുന്ന ഒരു ഹോട്ട്കീയും ഇതിൽ ഉൾപ്പെടുത്തിയിരിക്കുന്നു. ഇത് വിവിധ ജോലികൾ ചെയ്യുവാനുള്ള പ്രോഗ്രാം ചെയ്യാൻ കഴിയും. ഇത് ഐപി 68 വാട്ടർ, ഡസ്റ്റ് റെസിസ്റ്റൻസ് എന്നിവയുള്ള സാംസങ് ഗാലക്‌സി എക്‌സ്‌കവർ 5, MIL-STD810H സർട്ടിഫൈഡ് ആണ്.

ആമസോൺ ഇന്ത്യ വെബ്സൈറ്റിൽ ഏറ്റവും റേറ്റിങുള്ള സാംസങ് സ്മാർട്ട്‌ഫോണുകൾ