സാംസങ് ഗാലക്‌സി ഇസഡ് ഫോൾഡ് 2 പ്രീ-ബുക്കിംഗ് സെപ്റ്റംബർ 14 മുതൽ: വില, സവിശേഷതകൾ

ഇന്ത്യയിൽ സാംസങ് ഗാലക്‌സി ഇസഡ് ഫോൾഡ് 2: വില

ഗാലക്‌സി ഇസഡ് ഫോൾഡ് 2 ന് ഇന്ത്യയിൽ 1,49,999 രൂപയ്ക്കാണ് വിപണിയിൽ വരുന്നത്. പ്രീ-ഓർഡറുകൾക്കായി സെപ്റ്റംബർ 14 ന് ഉച്ചയ്ക്ക് 12 മണി മുതൽ ആരംഭിക്കും. ഇത് സാംസങ്.കോമിലും പ്രമുഖ റീട്ടെയിൽ സ്റ്റോറുകളിലും മിസ്റ്റിക് ബ്ലാക്ക്, മിസ്റ്റിക് ബ്രോൺസ് എന്നീ രണ്ട് കളർ ഓപ്ഷനുകളിലുമായി ലഭ്യമാകും. മുൻകൂട്ടി ഓർഡർ ചെയ്യുന്ന ഉപയോക്താക്കൾക്ക് സാംസങ് എക്സ്പീരിയൻസ് സ്റ്റോറിലും സാംസങ് ഡോട്ട് കോമിലും 12 മാസത്തേക്ക് നോ കോസ്റ്റ് ഇഎംഐ ലഭിക്കും. കൂടാതെ, 4 മാസത്തേക്ക് സൗജന്യ യൂട്യൂബ് പ്രീമിയം അംഗത്വവും 22 ശതമാനം കിഴിവിൽ മൈക്രോസോഫ്റ്റ് ഓഫീസ് 365 വും നിങ്ങൾക്ക് ലഭിക്കുന്നതാണ്. സാംസങ് ഗാലക്‌സി ഇസഡ് ഫോൾഡ് 2 യു.എസിൽ 1,999 ഡോളറിന് (ഏകദേശം 1.47 ലക്ഷം രൂപ) വിപണിയിലെത്തിച്ചു.

സാംസങ് ഗാലക്‌സി ഇസഡ് ഫോൾഡ് 2: സവിശേഷതകൾ

സാംസങ് ഗാലക്‌സി ഇസഡ് ഫോൾഡ് 2 ആൻഡ്രോയിഡ് 10 ഓപ്പറേറ്റിംഗ് സിസ്റ്റം യുഐ 2.5 യുമായി ചേർന്ന് പ്രവർത്തിക്കുന്നു. 7.6 ഇഞ്ച് ഫുൾ എച്ച്ഡി + (1,768x2,208 പിക്‌സൽ) ഫോൾഡബിൾ സ്ക്രീൻ, 120 ഹെർട്സ് റിഫ്രഷ് റേറ്റിനൊപ്പം ഡൈനാമിക് അമോലെഡ് ഇൻഫിനിറ്റി-ഒ ഡിസ്‌പ്ലേ വരുന്നു. 816x2,260 പിക്‌സൽ റെസല്യൂഷനോടുകൂടിയ 6.2 ഇഞ്ച് സൂപ്പർ അമോലെഡ് ഇൻഫിനിറ്റി ഫ്ലെക്‌സ് ഡിസ്‌പ്ലേയുമുണ്ട്. 12 ജിബി എൽപിഡിഡിആർ 5 റാമിനൊപ്പം ഒക്ടാ-കോർ ക്വാൽകോം സ്‌നാപ്ഡ്രാഗൺ 865+ SoC പ്രോസസറാണ് ഈ ഡിവൈസിന്റെ കരുത്ത്.

സാംസങ് ഗാലക്‌സി ഇസഡ് ഫോൾഡ് 2: ക്യാമറ

എഫ് / 1.8 ലെൻസുള്ള 12 മെഗാപിക്സൽ സെൻസർ, എഫ് / 2.2 അൾട്രാ വൈഡ് ആംഗിൾ ലെൻസുള്ള 12 മെഗാപിക്സൽ സെൻസർ, ട്രിപ്പിൾ റിയർ ക്യാമറ സെറ്റപ്പ് എന്നിവയാണ് സാംസങ് ഗാലക്‌സി ഇസഡ് ഫോൾഡ് 2ൽ ഫോട്ടോകളും വീഡിയോകളും പകർത്തുന്നതിനായി നൽകിയിരിക്കുന്നത്. സെൽഫികൾക്കായി എഫ് / 2.4 ടെലിഫോട്ടോ ലെൻസുള്ള 12 മെഗാപിക്സൽ സെൻസർ ഈ ഹാൻഡ്‌സെറ്റിൽ നൽകിയിരിക്കുന്നു. കവർ സ്ക്രീനുകളിൽ 10 മെഗാപിക്സൽ ക്യാമറകളും എഫ് / 2.2 ലെൻസുള്ള പ്രധാന ഡിസ്പ്ലേയും ഉണ്ട്.

മൈക്രോ എസ്ഡി കാർഡ് വഴി വികസിപ്പിക്കാൻ കഴിയാത്ത 256 ജിബി യുഎഫ്എസ് 3.1 സ്റ്റോറേജാണ് ഈ ഫോൾഡബിൾ സ്മാർട്ട്‌ഫോണിന്റെ സവിശേഷത. 5 ജി, 4 ജി എൽടിഇ, വൈ-ഫൈ 6, ബ്ലൂടൂത്ത് വി 5.0, ജിപിഎസ് / എ-ജിപിഎസ്, യുഡബ്ല്യുബി (അൾട്രാ-വൈഡ് ബാൻഡ്), യുഎസ്ബി ടൈപ്പ്-സി പോർട്ട് എന്നിവ സാംസങ് ഗാലക്‌സി ഇസഡ് ഫോൾഡ് 2 ലെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഒരു വശത്ത് ഫിംഗർപ്രിന്റ് സെൻസറും കൊടുത്തിരിക്കുന്നു. ഫാസ്റ്റ് ചാർജിംഗ്, വയർലെസ് ചാർജിംഗ്, വയർലെസ് പവർഷെയർ എന്നിവ പിന്തുണയ്ക്കുന്ന 4,500 എംഎഎച്ച് ബാറ്ററിയാണ് ഇതിൽ കമ്പനി നൽകിയിരിക്കുന്നത്. ഈ ഡിവൈസിന് 159.2x128.2x6.9 മിമി നീളവും 279 ഗ്രാം ഭാരവും വരുന്നു.