സാംസങ് ഗാലക്സി ​Z ഫോൾഡ് 5, സാംസങ് ഗാലക്സി Z ഫ്ലിപ്പ് 5 എന്നിവയുടെ ഇന്ത്യൻ വില പുറത്തുവിട്ടു

കഴിഞ്ഞ ദിവസം പുറത്തിറങ്ങിയ സാംസങ് ഗാലക്സി ​Z ഫോൾഡ് 5, സാംസങ് ഗാലക്സി Z ഫ്ലിപ്പ് 5 എന്നിവയുടെ ഇന്ത്യൻ മാർക്കറ്റിലെ വില പുറത്തുവിട്ടു. ഇവക്ക് പുറമെ ഗാലക്സി ടാബ് എസ് 9 സീരീസിലെ മൂന്ന് ടാബുകൾ, ഗാലക്സി 6 വാച്ച് എന്നിവയുടെ വിലയും സാംസങ് പുറത്ത് വിട്ടിട്ടുണ്ട്.

മടക്കി ഉപയോ​ഗിക്കാവുന്ന ഫോൾഡിംഗ് സ്മാർട്ട്‌ഫോൺ ആയിട്ടാണ് ഗാലക്സി ​Z ഫോൾഡ് 5, സാംസങ് ഗാലക്സി Z ഫ്ലിപ്പ് 5 എന്നിവ രൂപകൽപന ചെയ്തിരിക്കുന്നത്. ഇവയുടെ ഡിസൈൻ തന്നെയാണ് ഏറ്റവും ഹൈലേറ്റ് ആയി എടുത്തുപറയേണ്ടത്. സ്‌നാപ്ഡ്രാഗൺ 8 Gen 2 SoC പ്രൊസസറിലാണ് ഫോണുകൾ പുറത്തിറക്കിയിരിക്കുന്നത്. റാം സ്റ്റോറേജ് എന്നിവ അനുസരിച്ച് 5 വേരിയന്റുകളിലാണ് സാംസങ് ഗാലക്സി Z ഫ്ലിപ്പ് 5 തരംതിരിച്ചിരിക്കുന്നത്.

ഇതിൽ 8GB + 256GB റാം സ്റ്റോറേജ് വേരിയന്റിന്റെ വില 99,999 രൂപയാണ്. 8GB + 512GB വേരിയന്റിനാക്കട്ടെ 1,09,999 രൂപയും 12GB + 256GB വേരിയന്റിന് 1,54,999 രൂപയും ആണ് മുതലാക്കുക. ഇതിന് പുറമെ രണ്ട് വേരിയന്റുകൾ കൂടിയുണ്ട്. 12GB + 512GB വേരിയന്റിന്റെ വില 1,64,999 ആണ് 12GB + 1TBക്ക് 1,84,999 രൂപയും ആണ് വിലയായി നിശ്ചയിച്ചിരിക്കുന്നത്.

ഇന്ത്യയിൽ ഫോണുകൾ പ്രീ ബുക്കിം​ഗ് ചെയ്യുന്നവർക്ക് 23,000 രൂപ വരെ കിഴിവ് ലഭിക്കുമെന്ന് സാംസങ് പറയുന്നു. അപ്​ഗ്രേഡ് ബോണസ്, ക്യാഷ്ബാക്ക്, മറ്റ് ഓഫറുകൾ എല്ലാം ഉൾപ്പെട്ടതാണ് ഈ കിഴിവ്. ജൂലൈ 27 മുതൽ ആ​ഗസ്ത് 17 വരെയാണ് പ്രീ ബുക്കിം​ഗ് നടക്കുക. ഇന്നലെ സാംസങ് പുറത്തിറക്കിയ ഉത്പന്നങ്ങൾ ശ്രദ്ധേയമായ മറ്റൊരു ഉത്പന്നമാണ് ​ഗാലക്സി ടാബ് എസ് 9 സീരീസ് ടാബുകൾ. മൂന്ന് ടാബുകളാണ് ഇന്നലെ പുറത്തിറക്കിയത്.

ഗാലക്സി ടാബ് എസ് 9, ഗാലക്സി ടാബ് എസ് 9 പ്ലസ്, ഗാലക്സി ടാബ് എസ് 9 അൾട്രാ എന്നിവയാണ് പുതിയ മോഡലുകൾ. ഡിസ്‌പ്ലേ വലുപ്പം, ബാറ്ററി, ക്യാമറകൾ എന്നിവയുടെ കാര്യത്തിൽ ഈ ടാബുകൾ തമ്മിൽ പരസ്പരം വ്യത്യാസപ്പെട്ടിട്ടുണ്ട്. എന്നാൽ മുഴുവൻ ടാബിലും സ്‌നാപ്ഡ്രാഗൺ 8 Gen 2 ചിപ്‌സെറ്റ് ആണ് ഉപയോ​ഗിച്ചിരിക്കുന്നത്. മൂന്ന് ടാബുകളുടേയും ഡിസ്പ്ലേകൾക്ക് 120Hz പിന്തുണയുണ്ട്.

ഗാലക്സി ടാബ് എസ് 9 പ്ലസിന്റെ ഡിസ്പ്ലേ 12.4 ഇഞ്ച് ആണ്. സ്റ്റാൻഡേർഡ് മോഡൽ ആകട്ടെ 11 ഇഞ്ചിലാണ് ഡിസ്പ്ലേ ഒരുക്കിയിരിക്കുന്നത്. ടാബ് എസ് 9 അൾട്രാക്ക് 14.6 ഇഞ്ച് സ്ക്രീൻ അവകാശപ്പെടുന്നുണ്ട്. ഗാലക്സി ടാബ് എസ് 9ന്റെ 128GB, Wi-Fi and 5G വേരിയന്റിന് 72,999 മുതൽ 85,999 രൂപയായിരിക്കും ഇന്ത്യയിൽ വില.

ഇതിന്റെ 256GB, Wi-Fi and 5G വേരിയന്റിന് ആകട്ടെ 83,999 മുതൽ 96,999 രൂപയും മുതലാക്കും. ഗാലക്സി ടാബ് എസ് 9 പ്ലസിന്റെ വില വിവരങ്ങളിലേക്ക് കടന്നാൽ 256GB, Wi-Fi and 5G വിഭാ​ഗത്തിൽ വരുന്ന ടാബുകൾക്ക് 90. 999 മുതൽ 1,04,999 രൂപയാണ് ചിലവഴിക്കേണ്ടി വരുക. 9 അൾട്രയുടെ കാര്യത്തിൽ രണ്ട് വേരിയന്റുകൾ പുറത്തിറങ്ങുന്നുണ്ട്.

256GB, Wi-Fi and 5G വിഭാ​ഗത്തിൽ പെടുന്ന ടാബുകൾക്ക് 1,08,999 രുപ മുതൽ 1,22,999 രൂപയും 512GB, Wi-Fi and 5G വിഭാ​ഗത്തിൽ പെടുന്ന ടാബുകൾക്ക് 1,19,999 മുതൽ 1,33,999 രൂപയും ആണ് വരുന്നത്. പുതിയ ടാബ് ഉത്പന്നങ്ങൾക്ക് 12,000 രൂപവരെ ക്യാഷ്ബാക്ക് ഓഫറുകൾ സാംസങ് വാ​ഗ്ദാനം ചെയ്യുന്നുണ്ട്. ​ഗാലക്സി വാച്ച് 6ന്റെ വില വിവരങ്ങളിലേക്ക് കടന്നാൽ വാച്ചിന് രണ്ട് മോഡലുകൾ ആണ് ഉള്ളത്.

വാച്ച് 6, വാച്ച് 6 ക്ലാസിക്ക് ഇവയിൽ തന്നെ ഇവയുടെ കാര്യക്ഷമത അനുസരിച്ച് നാല് വേരിയന്റുകളാക്കി തിരിച്ചാണ് വിൽപന നടത്തുക. 40mm ബ്ലൂട്ടുത്ത്, 40mm LTE, 44mm ബ്ലൂട്ടുത്ത്, 44mm LTE എന്നിങ്ങനെയാണ് ​ഗാലക്സി വാച്ച് 6 പുറത്തിറങ്ങിയിരിക്കുന്നത്. ഇതിന്റെ വില യഥാക്രമം 29,999 രൂപ, 33,999 രൂപ, 32,999 രൂപ, 36,999 രൂപ എന്നിങ്ങനെയാണ്.

വാച്ച് 6 ക്ലാസിക്കിനും സമാനാമായി നാല് വേരിയന്റുകളാണ് ഉള്ളത് 43mm ബ്ലൂട്ടുത്ത്, 43mm LTE, 47mm ബ്ലൂട്ടുത്ത്, 47mm LTE എന്നിങ്ങനെയാണ് 6 ക്ലാസിക്കിന്റെ വേരിയന്റുകൾ ഇതിന്റെ വിലയാകട്ടെ യഥാക്രമം 36,999 രൂപ, 40,999 രൂപ, 39,999 രൂപ, 43,999 രൂപ എന്നിങ്ങനെയാണ്. വാച്ചുകളിൽ 6,000 രൂപ വരെ ക്യാഷ്ബാക്ക് ഓഫറും 4,000 രൂപയുടെ അപ്‌ഗ്രേഡ് ബോണസും സാംസങ് വാ​ഗ്ദാനം ചെയ്യുന്നുണ്ട്.