പുതിയ ഫോൾഡബിൾ കിങ്! 200MP ക്യാമറ സഹിതം സാംസങ് ഗാലക്സി Z ഫോൾഡ് 7 ലോഞ്ച് ചെയ്തു

ന്യൂയോർക്കിലെ ബ്രൂക്ലിനിൽ നടന്ന ഗാലക്‌സി അൺപാക്ക്ഡ് ഇവന്റിൽ ഗാലക്‌സി ഇസഡ് ഫ്ലിപ്പ് 7, ഗാലക്‌സി ഇസഡ് ഫ്ലിപ്പ് 7 എഫ്ഇ എന്നീ സ്മാർട്ട്ഫോണുകൾക്കും ഗാലക്സി വാച്ച് 8, ഗാലക്സി വാച്ച് 8 ക്ലാസിക് എന്നീ സ്മാർട്ട്ഫോണുകൾക്കുമൊപ്പം സാംസങ്ങിന്റെ ഏറ്റവും പുതിയ ഫോൾഡബിൾ സ്മാർട്ട്ഫോണായി ഗാലക്‌സി ഇസഡ് ഫോൾഡ് 7 (Samsung Galaxy Z Fold 7) ലോഞ്ച് ചെയ്തു. ഫോൾഡബിൾ ഫോണുകളുടെ പുതിയ രാജാവ് എന്ന് വിശേഷിപ്പിക്കാൻ കഴിയും വിധം 200MP ക്യാമറ അ‌ടക്കം മികച്ച ഫീച്ചറുകളുമായാണ് ഗാലക്സി z ഫോൾഡ് 7 എത്തിയിരിക്കുന്നത്.

സാംസങ് ഗാലക്‌സി ഇസഡ് ഫോൾഡ് 7 ന്റെ പ്രധാന ഫീച്ചറുകൾ: 8-ഇഞ്ച് (2184 x 1968 പിക്സലുകൾ) QXGA+ 20.9:18 ഡൈനാമിക് AMOLED 2X മെയിൻ സ്ക്രീൻ, 368ppi, 1~120Hz അഡാപ്റ്റീവ് റിഫ്രഷ് റേറ്റ്, HDR10+, 2600 nits വരെ പീക്ക് ബ്രൈറ്റ്നസ് എന്നിവ ഇതിനുണ്ട്.

ഇതോടൊപ്പം 6.5-ഇഞ്ച് (2520 x 1080 പിക്സലുകൾ) 21:9 FHD+ ഡൈനാമിക് AMOLED 2X കവർ ഡിസ്പ്ലേയും എത്തുന്നു. ഇത് 422ppi, 1~120Hz അഡാപ്റ്റീവ് റിഫ്രഷ് റേറ്റ്, 2600 nits വരെ പീക്ക് ബ്രൈറ്റ്നസ്, കോർണിംഗ് ഗൊറില്ല ഗ്ലാസ് സെറാമിക് 2 പ്രൊട്ടക്ഷൻ എന്നിവ സഹിതമാണ് എത്തിയിരിക്കുന്നത്.

4.47 GHz ഒക്ട-കോർ ​​ക്വാൽകോം സ്‌നാപ്ഡ്രാഗൺ 8 എലൈറ്റ് 3nm ചിപ്സെറ്റ് കരുത്തിലാണ് ഫോൾഡ് 7 എത്തിയിരിക്കുന്നത്. അഡ്രിനോ 830 GPU, 12GB / 16GB LPDDR5X റാം, 256GB / 512GB / 1TB (UFS 4.0) സ്റ്റോറേജ് എന്നിവയും ഈ ഫോൾഡബിൾ ഫോണിന് കരുത്ത് പകരുന്നു.

ശക്തമായ ട്രിപ്പിൾ റിയർ ക്യാമറ സജ്ജീകരണം ഗാലക്സി z ഫോൾഡ് 7ൽ ഉണ്ട്. 200MP (f/1.7, 0.6μm, OIS, ഡ്യുവൽ പിക്സൽ AF) മെയിൻ ക്യാമറയും 12MP 120˚ അൾട്രാ-വൈഡ് (f/2.2, 1.4 μm) ക്യാമറയും 10MP ടെലിഫോട്ടോ (f/2.4 1.0 μm, OIS, PDAF, 3x ഒപ്റ്റിക്കൽ സൂം), 30X സ്പേസ് സൂം ക്യാമറയും ഇതിൽ ഉൾപ്പെടുന്നു.

ഇത് കൂടാതെ 10MP കവർ, ഫ്രണ്ട് ക്യാമറകളും (f/2.2, 2.0μm, FOV: 100˚(കവർ) / 85˚(ഫ്രണ്ട്) ഗാലക്സി z ഫോൾഡ് 7ൽ ഉണ്ട്. ആൻഡ്രോയിഡ് 16 അ‌ടിസ്ഥാനമാക്കിയുള്ള വൺ UI 8ൽ ആണ് ഈ ഫോണിന്റെ പ്രവർത്തനം. ​​സൈഡ് മൗണ്ട് ഫിംഗർപ്രിന്റ് സെൻസർ ആണ് ഇതിലുള്ളത്.

ഡ്യുവൽ സിം (നാനോ + നാനോ / eSIM), 5G, ഡ്യുവൽ 4G VoLTE, Wi-Fi 7 802.11 be (2.4/5GHz), ബ്ലൂടൂത്ത് 5.4, GLONASS ഉള്ള GPS, USB ടൈപ്പ്-C, NFC, IP48 റേറ്റിങ്, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഡോൾബി അറ്റ്‌മോസ് എന്നിവയും ഇതിലുണ്ട്.

25W വയർഡ്, 15W വയർലെസ് (WPC, PMA) ചാർജിംഗ് ഉള്ള 4400mAh ബാറ്ററി, 4.5W റിവേഴ്‌സ് വയർലെസ് ചാർജിംഗ് സഹിതം ഫോൾഡ് 7ൽ ഉണ്ട്. 158.4×72.8×8.9mm (ഫോൾഡഡ്), 143.2 x 158.4 x 4.2mm (അ‌ൺഫോൾഡഡ്) വലിപ്പവും 215 ഗ്രാം ഭാരവും ഈ ഫോണിന് ഉണ്ട്. ബ്ലൂ ഷാഡോ, സിൽവർ ഷാഡോ, ജെറ്റ്ബ്ലാക്ക്, മിന്റ് (ഓൺലൈൻ എക്‌സ്‌ക്ലൂസീവ്) കളർ ഓപ്ഷനുകളിൽ ഇത് ലഭ്യമാണ്.

സാംസങ് ഗാലക്‌സി ഇസഡ് ഫോൾഡ് 7 ന്റെ 12GB + 256GB മോഡലിന് 1999.99 യുഎസ് ഡോളറും (ഏകദേശം 1,71,385 രൂപ), 12GB + 512GB മോഡലിന് 2119.99 യുഎസ് ഡോളറും (ഏകദേശം 1,81,670 രൂപ), 16GB + 1TB മോഡലിന് 1,88,745 യുഎസ് ഡോളറും (ഏകദേശം 1,88,745 രൂപ) ആണ് വില. ജൂലൈ 25 മുതൽ വിൽപ്പന ആരംഭിക്കും.

ഇന്ത്യയിൽ ഗാലക്‌സി ഇസഡ് ഫോൾഡ്7 12ജിബി+512ജിബി അ‌ടിസ്ഥാന വേരിയന്റിന് 1,86,999 രൂപയും 16ജിബി+1TB വേരിയന്റിന് 2,10,999 രൂപയുമാണ് വില. പ്രീബുക്കിങ് ആരംഭിച്ചിട്ടുണ്ട്. ഇപ്പോൾ പ്രീ ബുക്ക് ചെയ്യുന്നവർക്ക് 256ജിബി മോഡലിന്റെ വിലയിൽ 512ജിബി മോഡൽ സ്വന്തമാക്കാം. കൂടാതെ 24 മാസം വരെ നോ കോസ്റ്റ് ഇഎംഐ സൗകര്യവുമുണ്ട്.