സാംസങിൻറെ ഏറ്റവും വിലകുറഞ്ഞ സ്മാർട്ട്‌ഫോൺ ഗാലക്‌സി എ 42 5G അവതരിപ്പിച്ചു; സവിശേഷതകൾ

എന്നാൽ, ഗാലക്‌സി എ 42 5 ജിക്ക് സാംസങ് ഗാലക്‌സി എ 51 5 ജി സ്മാർട്ട്‌ഫോണിനേക്കാൾ വില കുറവായിരിക്കുമെന്ന് റിപ്പോർട്ടുകൾ സൂചിപ്പിക്കുന്നു. ഗാലക്‌സി എ 42 5 ജിക്ക് ഏകദേശം 25,000 രൂപയാണ് വില വരുന്നത്. ഈ 5 ജി സ്മാർട്ട്ഫോൺ വൺപ്ലസ് നോർഡ്, റിയൽമി വി 3 തുടങ്ങിയ ഡിവൈസുകളുമായി മത്സരിക്കും. സാംസങ് ഗാലക്സി എ 42 5 ജി നവംബറിൽ യൂറോപ്പിൽ ബ്ലാക്ക്, വൈറ്റ്, ഗ്രേ നിറങ്ങളിൽ 369 ഡോളറിന് (ഏകദേശം 27,100 രൂപ) ലഭ്യമാകുമെന്ന് വ്യക്തമാക്കി.

സാംസങ് ഗാലക്‌സി എ 42 5 ജി: സവിശേഷതകൾ

ഗാലക്‌സി എ 42 5 ജിയിൽ 6.6 ഇഞ്ച് സൂപ്പർ അമോലെഡ് ഡിസ്‌പ്ലേ പാനൽ വരുന്നു. സ്‌ക്രീനിന് ഫ്രണ്ട് ക്യാമറയുള്ള വാട്ടർ ഡ്രോപ്പ് നോച്ച് ലഭിക്കുന്നു. ഈ സ്മാർട്ട്ഫോണിൽ ഏത് പ്രോസസറാണ് വരുവാൻ പോകുന്നത് എന്നതിനെക്കുറിച്ച് ഇപ്പോഴും ഉറപ്പില്ല. പക്ഷേ ഇത് മിക്കവാറും ഒക്ടാകോർ എക്‌സിനോസ് അല്ലെങ്കിൽ പുതിയ സ്‌നാപ്ഡ്രാഗൺ 600 സീരീസ് ചിപ്‌സെറ്റുകളിൽ ഒന്നായിരിക്കാം. കമ്പനി വെബ്‌സൈറ്റിൽ ലഭ്യമായ ചിത്രം അനുസരിച്ച്, ഈ സ്മാർട്ട്ഫോൺ ഒരു ക്വാഡ് റിയർ ക്യാമറ സെറ്റപ്പുമായി വരുന്നു. പ്രൈമറി ക്യാമറ 48 മെഗാപിക്സൽ സെൻസർ അവതരിപ്പിക്കുമെന്ന് പറയുന്നു.

ഇൻ-ഡിസ്‌പ്ലേ ഫിംഗർപ്രിന്റ് സെൻസർ ഈ ഹാൻഡ്സെറ്റിനെ മറ്റൊരു സവിശേഷതയാണ്. ഫാസ്റ്റ് ചാർജിംഗ് സവിശേഷതയെ പിന്തുണയ്ക്കുന്ന 5,000 എംഎഎച്ച് ബാറ്ററിയാണ് സാംസങ് ഗാലക്‌സി എ 42 5 ജിൽ വരുന്നത്. 5 ജി സ്മാർട്ട്ഫോൺ രംഗത്ത് വളരെയധികം പ്രവർത്തനങ്ങൾക്ക് നേതൃത്വം നൽകുകയാണ് സാംസങ്. വൺപ്ലസിനും റിയൽമിനും ശേഷം, സാംസങ് പുതിയ സ്മാർട്ഫോണുമായി മത്സരരംഗത്തേക്ക് പ്രവേശിക്കാനുള്ള തയ്യാറെടുപ്പിലാണ്. വരും ആഴ്ചകളിലും ഷവോമിയുടെ റെഡ്മി അല്ലെങ്കിൽ പോക്കോ 5 ജി സ്മാർട്ട്ഫോൺ അവതരിപ്പിച്ചേക്കും.

സാംസങ് ഗാലക്‌സി ഫിറ്റ് 2 അവതരിപ്പിച്ചു

ഈ വെർച്വൽ ഇവന്റിൽ വിയറബിൾ ഗാഡ്ജെറ്റായ ഗാലക്‌സി ഫിറ്റ് 2 സാംസങ് പുറത്തിറക്കി. കമ്പനിയുടെ സ്മാർട്ട് വാച്ചുകൾക്കുള്ള സ്ലിമെർ ആൾട്ടർനേറ്റീവ് എന്ന് ഗാലക്സി ഫിറ്റ് 2 അറിയപ്പെടുന്നു. ഈ സമയത്തെ ഏറ്റവും വലിയ സവിശേഷയതയെന്നത് ഇതിന്റെ ബാറ്ററി ലൈഫാണ്. ഒരൊറ്റ ചാർജിൽ ഗാലക്‌സി ഫിറ്റ് 2 15 ദിവസം വരെ നീണ്ടുനിൽക്കുമെന്നും ക്രമീകരണങ്ങളും വ്യവസ്ഥകളും അനുസരിച്ച് 3 ആഴ്ച വരെ പോകാമെന്നും സാംസങ് പറയുന്നു. മുൻഗാമിയെപ്പോലെ ചതുരാകൃതിയിലുള്ള അമോലെഡ് ടച്ച് സ്‌ക്രീനും ഇത് അവതരിപ്പിക്കുന്നു. എന്നിരുന്നാലും, ഫിറ്റ് 2 ഒരു മെറ്റൽ ഫ്രെയിമിനേക്കാൾ സിലിക്കൺ ബാൻഡിനുള്ളിൽ വരുന്നു.