TRENDING ON ONEINDIA
-
രണ്ട് വര്ഷത്തിനിടെ സര്ക്കാര് സ്കൂളില് എത്തിയത് രണ്ടര ലക്ഷം വിദ്യാര്ത്ഥികള്
-
ആയിരം കോടിയുടെ മഹാഭാരതം! അവസാന ഘട്ടത്തിലെന്ന അറിയിപ്പുമായി ജോമോന് പുത്തന് പുരയ്ക്കല്!
-
ഇന്ത്യന് ബാറ്റ്സ്മാന്മാര്ക്ക് അക്കാര്യം ഇഷ്ടമല്ല,വെറുതയല്ല അവര് ജയിക്കുന്നത്'; ന്യൂസിലന്ഡ് താരം
-
വെള്ളി വര പിഴുത് കളയുമ്പോള് ജാഗ്രത
-
പ്രവാസികളുടെ ക്ഷേമത്തിന് പദ്ധതികൾ
-
ആരും തിരിഞ്ഞു നോക്കാനില്ല, ഏറ്റവും വില്പ്പന കുറഞ്ഞ 10 കാറുകള്
സാംസങ് തങ്ങളുടെ പുതിയ രണ്ട് ഗാലക്സി ഫോണുകൾ അവതരിപ്പിച്ചു. ഗാലക്സി ജെ 4 പ്ലസ്, ജെ 6 പ്ലസ് എന്നീ മോഡലുകളാണ് കമ്പനി അവതരിപ്പിച്ചിരിക്കുന്നത്. ഗാലക്സി ജെ സീരീസിലെ ഏറ്റവും പുതിയ മോഡലുകളാണ് ഇവ രണ്ടും. കുറച്ചു ദിവസങ്ങളായി ഇന്റർനെറ്റിൽ ഫോണിന്റെ ചിത്രങ്ങളും സവിശേഷതകളും ചുറ്റിത്തിരിയുന്നുണ്ടായിരുന്നു. അങ്ങനെയിരിക്കെയാണ് കമ്പനി ഔദ്യോഗികമായി ഈ മോഡലുകൾ പ്രഖ്യാപിച്ചത്.
ഗാലക്സി ജെ 4 പ്ലസ്, ജെ 6 പ്ലസ്
രണ്ടു മോഡലുകൾക്കും 6 ഇഞ്ചിന്റെ എച്ച്ഡി ഇൻഫിനിറ്റി ഡിസ്പ്ളേ ആണുള്ളത്. 3300 mAh ബാറ്ററി, ആൻഡ്രോയിഡ് 8.1 ഓറിയോ, ഡ്യൂവൽ സിം കാർഡ് പിന്തുണ എന്നിവയാണ് ഇരു മോഡലുകളുടെയും പ്രധാന സവിശേഷതകൾ. ഇവ കൂടാതെ ജെ 6 പ്ലസ് മോഡലിന് സൈഡ് മൗണ്ടഡ് ഫിംഗർപ്രിന്റ് സെൻസറും ഉണ്ട്. എന്തൊക്കെയാണ് രണ്ടു മോഡലുകളുടെ പ്രധാന സവിശേഷതകൾ എന്ന് നോക്കാം.
ഗാലക്സി ജെ 4 പ്ലസ് പ്രധാന സവിശേഷതകൾ
6 ഇഞ്ചിന്റെ 720*1480 പിക്സൽ റെസൊല്യൂഷൻ ഉള്ള 18:5:9 അനുപാതത്തിലുള്ള എച്ച്ഡി ഇൻഫിനിറ്റി ഡിസ്പ്ളേ, 3300 mAh ബാറ്ററി, ആൻഡ്രോയിഡ് 8.1 ഓറിയോ, ഡ്യൂവൽ സിം കാർഡ് പിന്തുണ, ക്വാഡ് കോർ പ്രൊസസർ, 2 ജിബി അല്ലെങ്കിൽ 3 ജിബി റാം ഓപ്ഷൻ, 16 ജിബി, 32 ജിബി ഇന്ബില്റ്റ് മെമ്മറി, 13 മെഗാപിക്സൽ പിൻക്യാമറ, 5 മെഗാപിക്സൽ സെൽഫി ക്യാമറ എന്നിവയാണ് പ്രധാന സവിശേഷതകൾ.
ജെ 6 പ്ലസ് പ്രധാന സവിശേഷതകൾ
ഏകദേശം സമാന സവിശേഷതകൾ തന്നെയാണ് ജെ 6 പ്ലസ് മോഡലിലും ഉള്ളത് എങ്കിലും സൈഡ് മൗണ്ടഡ് ഫിംഗർപ്രിന്റ് സെൻസർ ഉണ്ട് എന്നതും അധികം റാം ഉണ്ട് എന്നതും ജെ 6 പ്ലസിന്റെ എടുത്തുപറയേണ്ട സവിശേഷതകൾ ആണ്. 6 ഇഞ്ചിന്റെ 720*1480 പിക്സൽ റെസൊല്യൂഷൻ ഉള്ള 18:5:9 അനുപാതത്തിലുള്ള എച്ച്ഡി ഇൻഫിനിറ്റി ഡിസ്പ്ളേ, 3300 mAh ബാറ്ററി, ആൻഡ്രോയിഡ് 8.1 ഓറിയോ, ഡ്യൂവൽ സിം കാർഡ് പിന്തുണ, ക്വാഡ് കോർ പ്രൊസസർ, 3 ജിബി അല്ലെങ്കിൽ 4 ജിബി റാം ഓപ്ഷൻ, 32 ജിബി, 64 ജിബി ഇന്ബില്റ്റ് മെമ്മറി, പിറകിൽ 13 മെഗാപിക്സലിന്റേയും 5 മെഗാപിക്സലിന്റേയും ഇരട്ട ക്യാമറ സെറ്റപ്പ്, 8 മെഗാപിക്സൽ സെൽഫി ക്യാമറ എന്നിവയാണ് പ്രധാന സവിശേഷതകൾ.
വിലയും ലഭ്യതയും
ഇതുവരെ നമ്മുടെ നാട്ടിൽ ഈ രണ്ടു മോഡലുകൾ എത്തുന്നതിനെ കുറിച്ച് വിവരങ്ങളൊന്നുമില്ല. അതിനാൽ തന്നെ വിലയെ കുറിച്ചും കൃത്യമായ വിവരങ്ങൾ ലഭ്യമല്ല. എന്നാൽ ഏകദേശം ഒരു 10000-20000 രൂപയ്ക്ക് ഇടയിലായിരിക്കും എന്ന നിഗമനത്തിൽ മാത്രമേ നമുക്കിപ്പോൾ ഏതാണ് കഴിയുകയുള്ളൂ.
ഷവോമി മി 8 യൂത്ത് എഡിഷൻ, സ്ക്രീൻ ഫിംഗർപ്രിന്റ് എഡിഷൻ എന്നിവ എത്തി!