ആഘോഷങ്ങളില്ലാതെ സാംസങ്ങ് ഗാലക്‌സി ട്രെന്‍ഡ് പുറത്തിറക്കി; വില: 8700

By Bijesh

| Updated: Monday, September 23, 2013, 19:51 [IST]

സാധാരണയായി കൊട്ടിഘോഷിച്ചാണ് സാംസങ്ങ് ഉത്പന്നങ്ങള്‍ പുറത്തിറക്കാറ്. ഏറ്റവും ഒടുവില്‍ ഗാലക്‌സി നോട് 3-യും ഗാലക്‌സി ഗിയറും ഐ.എഫ്.എയില്‍ ലോഞ്ച് ചെയ്തതും ഈ രീതിയില്‍ തന്നെയായാിരുന്നു.

എന്നാല്‍ പതിവിനു വിപരീതമായി, ഇടത്തരം ശ്രേണിയില്‍ പെട്ട ഗാലക്‌സി ട്രെന്‍ഡ് കൊട്ടും കുരവയുമില്ലാതെയാണ് സാംസങ്ങ് പുറത്തിറക്കിയത്. കഴിഞ്ഞ ദിവസം സാംസങ്ങ് ഇന്ത്യ ഇ -സ്‌റ്റോറിലും മറ്റു ഓണ്‍ലൈന്‍ സ്‌റ്റോറുകളിലും ഫോണ്‍ ലിസ്റ്റ് ചെയ്യപ്പെട്ടു.

സാംസങ്ങ് സ്‌റ്റോറിലും സ്‌നാപ് ഡീല്‍, ഫ് ളിപ് കാര്‍ട്ട് എന്നിവയിലും 8700 രൂപയാണ് ഹാന്‍ഡ്‌സെറ്റിന് വിലയിട്ടിരിക്കുന്നത്. 3 ദിവസത്തിനുള്ളില്‍ ഡെലിവറി നടത്തുമെന്നും അറിയിച്ചിട്ടുണ്ട്.

സ്മാര്‍ട്‌ഫോണ്‍ ഗാലറിക്കായി ഇവിടെ ക്ലിക് ചെയ്യുക

ഗാലക്‌സി ഡ്രെന്‍ഡിന്റെ പ്രത്യേകതകള്‍ പരിശോധിക്കാം.

4 ഇഞ്ച് WVGA (480-800) TFT ഡിസ്‌പ്ലെയാണ് ഫോണിനുള്ളത്. 1 GHz പ്രൊസസര്‍, 512 എം.ബി. റാം, 4 ജി.ബി. ഇന്റേണല്‍ മെമ്മറി 32 ജി.ബി. വരെ വികസിപ്പിക്കാവുന്ന മെമ്മറി സ്ലോട്ട് എന്നിവയുമുണ്ട്. 126 ഗ്രാം ഭാരമുള്ള ഫോണ്‍ ഡ്യുവല്‍ സിം ആണ്. 3 മെഗാപിക്‌സല്‍ പ്രൈമറി കാമറയുണ്ടെങ്കിലും ഫ് ളാഷ് ഇല്ല.

കണക്റ്റിവിറ്റിയുടെ കാര്യമെടുത്താല്‍ വൈ-ഫൈ, ബ്ലു ടൂത്ത്, EDGE, GPRS, 3 ജി എന്നിവയുണ്ട്. 1500 mAh ബാറ്ററി 8 മണിക്കൂര്‍ ടോക് ടൈമും 350 മണിക്കൂര്‍ സ്റ്റാന്‍ഡ് ബൈ സമയവും നല്‍കുമെന്നാണ് കമ്പനി അവകാശപ്പെടുന്നത്. ആന്‍ഡ്രോയ്ഡ് 4.0 ആണ് ഓപ്പറേറ്റിംഗ് സിസ്റ്റം.

സാംസങ്ങ് ഗാലക്‌സി ട്രെന്‍ഡിന്റെ ചിത്രങ്ങള്‍ക്കായി താഴേക്കു സ്‌ക്രോള്‍ ചെയ്യുക.

ഗാഡ്ജറ്റ് ഫൈന്‍ഡറിനായി ഇവിടെ ക്ലിക് ചെയ്യുക