സാംസങിന്റെ ആദ്യ ടൈസന്‍ ഫോണ്‍ 5,700 രൂപയ്ക്ക്...!

സാംസങിന്റെ ടൈസന്‍ ഓപ്പറേറ്റിങ് സിസ്റ്റത്തില്‍ ഇറങ്ങുന്ന ആദ്യത്തെ ഫോണ്‍ ഇസഡ്1 ഇന്ത്യന്‍ വിപണിയിലെത്തി. 4 ഇന്‍ഞ്ച് ഡബ്യൂവിജിഎ ഡിസ്‌പ്ലേയുളള ഫോണിന്റെ വില 5,700 രൂപയാണ്.

3.1 ക്യാമറ, വിജിഎ സവിശേഷതയുളള മുന്‍ ക്യാമറ, 1.2 ഗിഗാഹെര്‍ട്ടസ്് ഡ്യുവല്‍ കോര്‍ പ്രോസസ്സര്‍, 768 എംബി റാം എന്നിവ കൊണ്ട് സമ്പന്നമാണ് ഈ ഫോണ്‍. 4ജിബി ഇന്റേണല്‍ മെമ്മറിയാണ് ഫോണിനുള്ളത്. മെമ്മറി 68 ജിബിവരെ വര്‍ദ്ധിപ്പിക്കാം.

ടൈസന്റെ 2.3 പതിപ്പിലാണ് ഫോണ്‍ പ്രവര്‍ത്തിക്കുന്നത്. 112 ഗ്രാം ഭാരമുള്ള ഫോണിന് 1500 എംഎഎച്ചാണ് ബാറ്ററി ശേഷി. വൈഫേ, ബ്ലൂടൂത്ത്, ജിപിഎസ് എന്നിവയും ഈ ഫോണിനുണ്ട്.

ലിനക്‌സിനെ അടിസ്ഥാനമാക്കിയുളള ഓപ്പറേറ്റിങ് സിസ്റ്റമാണ് ടൈസന്‍, അതേസമയം ടൈസന്‍ അടിസ്ഥാനാമാക്കി പ്രവര്‍ത്തിക്കുന്ന ആപുകള്‍ കുറവാണെന്നത് ഫോണിന്റെ ചെറിയൊരു ന്യൂനതയാണ്.