സിമ്മട്രോണിക്‌സ് Xപാഡ് ഫ്രീഡം ടാബ്ലറ്റ് ലോഞ്ച് ചെയ്തു; വില 13999 രൂപ

ഡല്‍ഹി ആസ്ഥാനമായുള്ള സിമ്മട്രോണിക്‌സ് കമ്പനി പുതിയ വോയിസ് കോളിംഗ് ടാബ്ലറ്റ് ലോഞ്ച് ചെയ്തു. Xപാഡ് സീരിസിലുള്ള ടാബ്ലറ്റിന് X പാഡ് ഫ്രീഡം എന്നാണ് പേരിട്ടിരിക്കുന്നത്. 13999 രൂപയാണ് വിലയിട്ടിരിക്കുന്നത്. ഉടന്‍തന്നെ ഓണ്‍ലൈന്‍ സ്‌റ്റോറുകളില്‍ ടാബ്ലറ്റ് വില്‍പനയ്‌ക്കെത്തും.

ഈ വര്‍ഷം ആദ്യം സിമ്മട്രോണിക്‌സ് X പാഡ് മിനി ടാബ്ലറ്റ് ലോഞ്ച് ചെയ്തിരിന്നു. ആന്‍ഡ്രോയ്ഡ് 4.2 ഒ.എസില്‍ പ്രവര്‍ത്തിക്കുന്ന ടാബ്ലറ്റിന് 9999 രൂപയായിരുന്നു വല. അതിന്റെ തുടര്‍ച്ചയായാണ് പുതിയ ടാബ്ലറ്റ് ഇറക്കിയിരിക്കുന്നത്.

ടാബ്ലറ്റ് ഗാലറിക്കായി ഇവിടെ ക്ലിക് ചെയ്യുക

Xപാഡ് ഫ്രീഡം ടാബ്ലറ്റിന്റെ പ്രത്യേകതകള്‍

1024-768 പിക്‌സല്‍ റെസല്യൂഷനോടു കൂടിയ 7.8 ഇഞ്ച് കപ്പാസിറ്റീവ് ടച്ച് സ്‌ക്രീന്‍ IPS ഡിസ്‌പ്ലെയുള്ള ടാബ്ലറ്റിന് 1.2 GHz ക്വാഡ്‌കോര്‍ പ്രൊസസറും 1 ജി.ബി. റാമും സാമാന്യം നല്ല വേഗത നല്‍കും. ആന്‍ഡ്രോയ്ഡ് 4.2.2 ജെല്ലിബീന്‍ ആണ് ഒ.എസ്. 8 ജി.ബി. ഇന്‍ബില്‍റ്റ് മെമ്മറി മൈക്രോ എസ്.ഡി. കാര്‍ഡ് ഉപയോഗിച്ച് 32 ജി.ബി. വരെ വികസിപ്പിക്കാം.

ഗാഡ്ജറ്റ് ഫൈന്‍ഡറിനായി ഇവിടെ ക്ലിക് ചെയ്യുക

ക്യാമറയും കണക്റ്റിവിറ്റിയും

5 എം.പി. പ്രൈമറി ക്യാമറയും 2 എം.പി. ഫ്രണ്ട് ക്യാമറയുമുണ്ട്. ഡ്യുവല്‍ സിം സപ്പോര്‍ട് ചെയ്യുന്ന ടാബ്ലറ്റിന്റെ കണക്റ്റിവിറ്റി പരിശോധിച്ചാല്‍ വൈ-ഫൈ, മൈക്രോ യു.എസ്.ബി, മൈക്രോ HDMI 3 ജി എന്നിവയെല്ലാമുണ്ട്.

ബാറ്ററി

5000 mAh ബാറ്ററി 5 മണിക്കൂര്‍ വെബ്ബ്രൗസിഗഗ് സമയവും 6 മണിക്കൂര്‍ വീടിയോ ബ്രൗസിംഗ് സമയവും നല്‍കുമെന്നാണ് കമ്പനി അവകാശപ്പെടുന്നത്. സ്‌കൈപ്, ബിഗ്ഫ് ളിക്‌സ്, യുട്യൂബ് തുടങ്ങിയ ആപ്ലിക്കേഷനുകള്‍ പ്രീലോഡഡായിതന്നെ ലഭിക്കും.

Xപാഡ് ഫ്രീഡം വാങ്ങുമ്പോള്‍ 1999 രൂപ വിലവരുന്ന ടാബ്ലറ്റ് കവര്‍ സൗജന്യമായി നല്‍കുമെന്നും സിമ്മട്രോണിക്‌സ് അറിയിച്ചു.