256 ജിബി ഒക്കെ എന്ത്.. ഇത് R1; ലോകത്തിലെ ആദ്യ 1 TB മെമ്മറിയുള്ള ഫോൺ

By Ishaque A P

Updated: Monday, May 21, 2018, 12:25 [IST]

ഇത് 32 ജിബിയോ 64 ജിബിയോ അല്ല, 128ഉം 256ഉം അല്ല. ഒരു ടിബി. അതായത് 1024 ജിബി ഫോൺ മെമ്മറിയുമായാണ് ഈ ഫോൺ എത്തുന്നത്. സ്മാർട്ടിസൻ ആർ 1 ന്റെ വിശേഷങ്ങളിലേക്ക്.

256 ജിബി ഒക്കെ എന്ത്.. ഇത് R1; ലോകത്തിലെ ആദ്യ 1 TB മെമ്മറിയുള്ള ഫോൺ

ചൈനീസ് ഇലക്ട്രോണിക്സ് കമ്പനിയായ സ്മാർട്ടിസനാണ് ലോകത്തിലെ ആദ്യ 1 ടിബി സ്മാർട്ട്ഫോൺ പുറത്തിറക്കിയത്. ഈ ഫോണുകൾ നാല് വേരിയന്റുകളിലാണ് ലഭിക്കുന്നത്.

1 ടിബി ഇൻബിൽറ്റ് മെമ്മറി

ഏറ്റവും ഉയർന്ന സ്റ്റോറേജ് വേരിയന്റാണ് ഇത്. 1TB- യുടെ ഒരു ഓൺ ബോർഡ് സ്റ്റോറേജ്, മെലിഞ്ഞ നിലയിൽ തുടരുന്നതിനായി SSD- കൾ ഉപയോഗിക്കുന്ന സംവിധാനം തന്നെയാണ് ഇവിടെയും ഉപയോഗിച്ചിരിക്കുന്നത്. എന്നാൽ ഹൈ എൻഡ് ലാപ്ടോപ്പുകൾക്ക് പോലുമില്ലാത്ത സാങ്കേതിക വിദ്യയാണ് ഇവിടെ കാണാൻ പറ്റുന്നത്.

സ്മാർട്ടൈസൺ R1- ന്റെ 8GB + 1TB വേരിയന്റ് CNY 8488 (ഏകദേശം 95,000 രൂപ) ആണ് വില വരുന്നത്. ഒരു നോച് ഡിസ്‌പ്ലെയോട് കൂടിയെത്തുന്ന ഫോൺ ഡിസൈനും ആരെയും ആകർശിക്കുന്നതാണ്. എല്ലാത്തിലുമുപരി 1 ടിബി എന്ന ഇന്നുള്ള ഏതൊരു ഫോണിലും ലഭ്യമല്ലാത്ത സവിശേഷത തന്നെയാണ് പ്രധാന പ്രത്യേകത. ലെനോവോ z5 മോഡൽ 4 ടിബിയിൽ ഇറക്കുന്നുണ്ട് എങ്കിലും അതിറങ്ങാൻ ഇനിയും കത്തിരിക്കേണ്ടതുണ്ട്.

ഹാർഡ്‌വെയർ

സ്നാപ്ഡ്രാഗൺ 845 പ്രോസസർ പിസി-ലെവൽ കമ്പ്യൂട്ടിംഗ് അനുഭവം നൽകാൻ കഴിയും. ഗാലക്സി എസ് 8 അല്ലെങ്കിൽ എസ് 9 പോലെ സാംസങ് ഡെക്സ് സ്റ്റേഷനിൽ പ്ലഗിൻ പിസി ആയി ഫോൺ ഉപയോഗിക്കാൻ കഴിയും, Smartisan R1 ഒരു ഒരു ഡോക്കിംഗ് സ്റ്റേഷന്റെ സഹായത്തോടെ കമ്പ്യൂട്ടർ അനുഭവവും സാധ്യമാക്കും.

സോഫ്ട്‍വെയർ, ഡിസ്‌പ്ലെ

ആൻഡ്രോയ്ഡ് അടിസ്ഥാനമാക്കിയുള്ള സ്മാർട്ടൈസൺ ഒഎസ് 6.66 ആണ് പ്രവർത്തിക്കുന്നത്. മാക്ഓഎസ് പോലുള്ള ഹോം സ്ക്രീനിന് സമാനമായ രീതിയിലാണ് ഇത് പ്രവർത്തിക്കുന്നത്.6.7 ഇഞ്ച് സെൻസിറ്റീവ് ഡിസ്പ്ലേയാണ് സ്മാർട്ടൈസൺ R1 ഉള്ളത്. 18.7: 9 എന്ന അനുപാതവും മുകളിലുള്ള വശങ്ങളും നന്നേ കുറച്ച ബെസെലുകളും ആണ് ഇവ.

ക്യാമറ

പിൻവശത്ത് ഡ്യുവൽ ക്യാമറ സെറ്റപ്പ് നമുക്ക് കാണാം. 20 മെഗാപിക്സൽ IMX 363, 12 മെഗാപിക്സൽ IMX350 സെൻസർ, 4-ആക്സിസ് OIS, ഡ്യുവൽ PDAF, f / 1.8 അപ്പെർച്ചർ എന്നിവ പ്രധാന ക്യാമറ ലെന്സിൽ ഉണ്ട്. ഫ്രണ്ട് ക്യാമറ 24 മെഗാപിക്സൽ സെൻസർ ഉള്ള എഫ് / 2.0 അപ്പെർച്ചർ ആൻഡ് 4K റെക്കോർഡിംഗ് സൗകര്യങ്ങളോട് കൂടിയാണ് എത്തുന്നത്. സ്മാർട്വിസാൻ R1 ഡ്യുവൽ സിം 4 ജി പിന്തുണയ്ക്കുന്നു എന്നതും എടുത്തുപറയേണ്ടതാണ്. 3600mAh ബാറ്ററി, സ്പീഡ് ചാർജ് 4 പിന്തുണ എന്നിവയും ഫോണിലുണ്ട്.

ഇന്ത്യയിൽ?

ഈ ഉപകരണത്തിന്റെ ഇന്ത്യയിലുള്ള അല്ലെങ്കിൽ ആഗോള തലത്തിലുള്ള ലഭ്യതയെക്കുറിച്ച് യാതൊരു സൂചനയും നിലവിൽ ഇല്ല. നിലവിൽ മൊബൈൽ ബാറ്ററികൾ, പവർ ബാങ്കുകൾ, വി.ആർ ഹെഡ്സെറ്റുകൾ, സ്മാർട്ട്ഫോൺ പാർട്സുകൾ എന്നിവ ഉണ്ടാക്കുന്ന സ്മാർട്ടൈസേഷന് ഇന്ത്യയിൽ നിർമാണ യൂണിറ്റുകളിൽ പ്രവർത്തിക്കുന്നുണ്ട് എന്നതിനാൽ ഫോണും വൈകാതെ എത്തും എന്ന് പ്രതീക്ഷിക്കാം.