5000എംഎഎച്ച് ബാറ്ററി, 50 ജിബി ഫ്രീ ഡാറ്റ, ഫോണ്‍ വിപണിയില്‍ എത്തി!

ആരേയും ആകര്‍ഷിക്കുന്ന രീതിയില്‍ മറ്റൊരു സ്മാര്‍ട്ട്‌ഫോണ്‍ കൂടി വിപണിയില്‍ എത്തിക്കഴിഞ്ഞു. മൈക്രോമാക്‌സ് കമ്പനി തങ്ങളുടെ ഭാരത് സീരീസിലെ ഏറ്റവും പുതിയ സ്മാര്‍ട്ട്‌ഫോണായ-മൈക്രോമാക്‌സ് ഭാരത് 5 ഫോണ്‍ 5,555 രൂപയ്ക്ക് ഇന്ത്യയില്‍ ഇറക്കി. കറുപ്പ് നിറത്തില്‍ എത്തിയ ഈ ഫോണ്‍ ഡിസംബര്‍ ഏഴു മുതല്‍ ഇന്ത്യയിലെ എല്ലാ ഓഫ്‌ലൈന്‍ റീട്ടെയില്‍ സ്റ്റോറുകളിലും ലഭ്യമായി തുടങ്ങും.

മൈക്രോമാക്‌സ് വോഡാഫോണുമായി ചേര്‍ന്ന് 50ജിബി ഡാറ്റ (അതായത് പ്രതി മാസം 10ജിബി ഡാറ്റ അഞ്ച് മാസത്തേക്ക്) നല്‍കുന്നു. ഫോണ്‍ വാങ്ങുന്ന എല്ലാ ഉപഭോക്താക്കള്‍ക്കും ഈ ഓഫര്‍ ബാധകമാണ്. മൈക്രോമാക്‌സ് ഭാരത് 5, മൈക്രോമാക്‌സ് ഭാരത് 4ന്റെ പിന്‍ഗാമിയാണ്. ഇതിനു മുന്‍പ് ഇറങ്ങിയ മൈക്രോമാക്‌സ് ഭാരത് 4ന്റെ പ്രധാന ഹൈലൈറ്റും 5000എംഎഎച്ച് ബാറ്ററി ആയിരുന്നു.

മൈക്രോമാക്‌സ് ഭാരത് 5ന്റെ സവിശേഷതകള്‍

5.2 ഇഞ്ച് എച്ച്ഡി ഡിസ്‌പ്ലേയോടു കൂടി എത്തിയ ഈ ഫോണിന് 1280X720 പിക്‌സല്‍ റസൊല്യൂഷനാണ്. 1.3GHz ക്വാഡ്-കോര്‍ മീഡിയാടെക് 6737 പ്രോസസറില്‍ 1ജിബി റാം പെയര്‍ ചെയ്തിരിക്കുന്നു. ആന്‍ഡ്രോയിഡ് 7.1 ന്യുഗട്ടിലാണ് ഈ ഫോണ്‍ റണ്‍ ചെയ്യുന്നത്. 16ജിബി ഇന്റേര്‍ണല്‍ സ്‌റ്റോറേജുളള ഈ ഫോണില്‍ മൈക്രോ എസ്ഡി കാര്‍ഡ് ഉപയോഗിച്ച് 64ജിബി വരെ സ്‌റ്റോറേജ് സ്‌പേസ് കൂട്ടാം.

ക്യാമറ

എല്‍ഇഡി ഫ്‌ളാഷുളള 5എംപി റിയര്‍ ക്യാമറയാണ്. അതു പോലെ തന്നെ സെല്‍ഫിക്കും വീഡിയോ-കോളിങ്ങിനുമായി 5എംപി ക്യാമറ മുന്നിലും നല്‍കിയിട്ടുണ്ട്.

സിം/ കണക്ടിവിറ്റി

ഡ്യുവല്‍ സിം പിന്തുണയ്ക്കുന്ന മൈക്രമാക്‌സ് ഭാരത് 5ന് 4ജി വോള്‍ട്ട്, വൈഫൈ 802 b/g/n, ബ്ലൂട്ടൂത്ത് 4.0, ജിപിഎസ് എന്നിവ കണക്ടിവിറ്റികളാണ്.

ബാറ്ററി

5000എംഎഎച്ച് ബാറ്ററിയാണ് ഈ ഫോണില്‍ നല്‍കിയിരിക്കുന്നത്. കമ്പനി പറഞ്ഞിരിക്കുന്നത് രണ്ടു ദിവസം വരെ ബാറ്ററി നിലനില്‍ക്കും എന്നാണ്, കൂടാതെ സ്റ്റാന്‍ഡ്‌ബൈ മൂന്ന് ആഴ്ചയും.