ഇതിൽ ആരാണ് കേമൻ? 2024 സെപ്റ്റംബറിൽ ലോഞ്ച് ചെയ്ത മിഡ് റേഞ്ച് സ്മാർട്ട്ഫോണുകൾ ഇതാ...

സ്മാർട്ട്ഫോൺ പ്രേമികൾക്കും ടെക്ക് പ്രേമികൾക്കും വളരെ ആവേശകരമായിരുന്നു കഴിഞ്ഞ് പോയ മാസം. കാരണവും നിരവധി സ്‌മാർട്ട്‌ഫോൺ ലോഞ്ചുകളുള്ള മാസമായിരുന്നു സെപ്‌റ്റംബർ. ആപ്പിൾ ഉൾപ്പെടെയുള്ള നിരവധി കമ്പനികൾ തങ്ങളുടെ ഏറ്റവും പുതിയ സ്മാർട്ട്‌ഫോണുകൾ, ഫ്ലാഗ്ഷിപ്പുകൾ മുതൽ ബജറ്റ് ഉപകരണങ്ങൾ വരെ ഈ മാസം പുറത്തിറക്കി. പട്ടികയിൽ ഐഫോൺ 16 സീരീസ്, മോട്ടറോള എഡ്ജ് 50 നിയോ, റിയൽമി P2 പ്രോ എന്നിവയും മറ്റും ഉൾപ്പെടുന്നു. 2024 സെപ്റ്റംബറിൽ ഇന്ത്യയിൽ ലോഞ്ച് ചെയ്ത ചില ഫോണുകളുടെ സവിശേഷതകളും വിലകളും മറ്റ് വിശദാംശങ്ങളും നമുക്ക് പരിശോധിക്കാം.

ഐഫോൺ 16 സീരീസ്: ഐഫോൺ 16 , ഐഫോൺ 16 പ്ലസ് , ഐഫോൺ 16 പ്രോ , ഐഫോൺ 16 പ്രോ മാക്‌സ് എന്നീ നാല് മോഡലുകൾ ഉൾക്കൊള്ളുന്ന ഐഫോൺ 16 സീരീസ് ഇന്ത്യ ഉൾപ്പെടെ ആഗോളതലത്തിൽ ആപ്പിൾ അവതരിപ്പിച്ചു.

നോൺ-പ്രോ വേരിയൻ്റുകൾക്ക് ഒരു പുതിയ ആക്ഷൻ ബട്ടൺ, ആപ്പിൾ ഇൻ്റലിജൻസ് സപ്പോർട്ട്, മുൻഗാമികളെ അപേക്ഷിച്ച് രണ്ട് തലമുറ ചിപ്പ് അപ്‌ഗ്രേഡ് എന്നിവയുണ്ട്. മറുവശത്ത്, പ്രോ മോഡലുകൾക്ക് പുനർരൂപകൽപ്പന ചെയ്ത ക്യാമറ ക്യാപ്‌ചർ ബട്ടണും വലിയ ഡിസ്‌പ്ലേയും പുതിയ എ18 പ്രോ ചിപ്‌സെറ്റും ഉണ്ട്.

ഐഫോൺ 16ന് 128 ജിബിക്ക് 79,900 രൂപ, 256 ജിബിക്ക് 89,900 രൂപ, 512 ജിബിക്ക് 1,09,900 രൂപ എന്നിങ്ങനെ ആണ് വില. ഐഫോൺ 16 പ്ലസ്സിന്128 ജിബിക്ക് 89,900 രൂപ, 256 ജിബിക്ക് 99,900 രൂപ, 512 ജിബിക്ക് 1,19,900 രൂപ ആണ് വില.

ഐഫോൺ 16 പ്രോയിലേക്ക് വരുമ്പോൾ 128 ജിബിക്ക് 1,19,900 രൂപ, 256 ജിബിക്ക് 1,29,900 രൂപ, 512 ജിബിക്ക് 1,49,900 രൂപ, 1 ടിബിക്ക് 1,69,900 രൂപ വില വരും. ഐഫോൺ 16 പ്രോ മാക്സിന് 256 ജിബിക്ക് 1,44,900 രൂപ, 512 ജിബിക്ക് 1,64,900 രൂപ, 1 ടിബിക്ക് 1,84,900 രൂപ ആണ് വില.

ഇന്ത്യയിൽ അരങ്ങേറുന്ന എഡ്ജ് 50 സീരീസിലെ അഞ്ചാമത്തെ ഫോണാണ് മോട്ടറോള എഡ്ജ് 50 നിയോ. വെള്ളത്തിൽ നിന്നും കഠിനമായ കാലാവസ്ഥയിൽ നിന്നും സംരക്ഷണം ഉറപ്പാക്കുന്ന MIL-STD 810H സർട്ടിഫിക്കേഷൻ ഇതിന് ഉണ്ട്. 25,000 രൂപയ്ക്ക് താഴെയുള്ള വിഭാഗത്തിലെ ഏറ്റവും ദൈർഘ്യമേറിയ സോഫ്‌റ്റ്‌വെയർ അപ്‌ഡേറ്റ് പോളിസി ഈ ഉപകരണം അവതരിപ്പിക്കുന്നു. 8 ജിബി+ 256 ജിബി വേരിയെന്റിന് 23,999 രൂപ ആണ് വില.

വിവോ ടി3 കുടുംബത്തിലെ അഞ്ചാമത്തെ അംഗമായാണ് വിവോ ടി3 അൾട്രാ ഇന്ത്യയിൽ അവതരിപ്പിച്ചത്. ടി3 അൾട്രാ ഹാൻഡ്‌സെറ്റ് കമ്പനിയുടെ മുൻനിര V സീരീസിൻ്റെ അതേ വില ബ്രാക്കറ്റിൽ വരുന്നു. എന്നാൽ ZEISS ഒപ്‌റ്റിക്‌സ് ഇല്ലാതെ ആണ് ഇത് വരുന്നത്. വിവോ ടി3 അൾട്രായുടെ 8 ജിബി+128 ജിബി വേരിയെന്റിന് 31,999 രൂപയും 8 ജിബി+256 ജിബി വേരിയെന്റിന് 33,999 രൂപയും,12 ജിബി+256 ജിബി വേരിയെന്റിന് 35,999 രൂപയുമാണ് വില.

വിവോ വി40 സീരീസിലെ മൂന്നാമത്തെ ഫോണായാണ് വിവോ വി40ഇ ഇന്ത്യയിൽ ഇറങ്ങിയത്. ലൈനപ്പിലെ ഏറ്റവും താങ്ങാനാവുന്ന ഫോണാണിത്. മറ്റ് വി40 ഫോണുകളുടെ അതേ സുഗമവും നൂതനവുമായ ഡിസൈൻ ഇത് അവതരിപ്പിക്കുന്നു, എന്നാൽ ZEISS ലെൻസുകൾ ഇല്ല. ഇതിന്റെ 8 ജിബി+128 ജിബി വേരിയെന്റിന് 28,999 രൂപയും 8 ജിബി+256 ജിബി വേരിയെന്റിന് 30,999 രൂപയുമാണ് വില.

പുതിയ ഡിസൈൻ, മികച്ച മുൻ ക്യാമറ, വേഗമേറിയ ചാർജിംഗ് ശേഷിയുള്ള വലിയ ബാറ്ററി എന്നിവയോടെ പി1 പ്രോയുടെ പിൻഗാമിയായി റിയൽമി പി2 പ്രോ ഇന്ത്യയിൽ അരങ്ങേറ്റം കുറിച്ചു. മെച്ചപ്പെടുത്തിയ ഗെയിമിംഗ് അനുഭവത്തിനായി ഇതിന് ജിടി മോഡ് നൽകിയിട്ടുണ്ട്. റിയൽമി പി2 പ്രോയുടെ 8 ജിബി+ 128 ജിബിക്ക് 21,999 രൂപയും, 12 ജിബി+ 256 ജിബിക്ക് 24,999 രൂപയും, 12 ജിബി+ 512 ജിബിക്ക് 27,999 രൂപയുമാണ് വില.

ഇത് കൂടാതെ, മെലിഞ്ഞതും പ്രീമിയം രൂപകൽപ്പനയും ശ്രദ്ധേയമായ സവിശേഷതകളും ഉള്ള മുൻനിര എസ് സീരീസിലെ നാലാമത്തെ അംഗമായി സാംസങ് ഗാലക്‌സി എസ് 24 എഫ്ഇ ഇന്ത്യയിൽ ഇറങ്ങി. ഹോണർ 200 ലൈറ്റ്, ഹോണർ 200 കുടുംബത്തിൽ താങ്ങാനാവുന്ന ഫോണായി അരങ്ങേറ്റം കുറിച്ചു.

മാജിക് ക്യാപ്‌സ്യൂൾ ഫീച്ചറിന് പുറമെ ലൈനപ്പിലെ മറ്റ് ഫോണുകളുടെ അതേ എഐ ഫീച്ചറുകൾ ഇതിന് ലഭിക്കുന്നു. നോക്കിയ N9നെ ബോക്‌സിയും ഷാർപ്പ് അരികുകളോട് അനുസ്മരിപ്പിക്കുന്ന റിപ്പയർ ചെയ്യാവുന്ന രൂപകൽപ്പനയോടെയാണ് HMD സ്കൈലൈൻ ഇന്ത്യയിൽ അവതരിപ്പിച്ചത്. ചില സ്‌ക്രൂകൾ അഴിച്ച് നിങ്ങൾക്ക് ഈ ഫോൺ ഊരി മാറ്റി റിപ്പയർ ചെയ്യാൻ സാധിക്കും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.