12 ജിബി റാം വരുന്ന സോണി എക്സ്പീരിയ 1 II ഉടൻ അവതരിപ്പിക്കും: പ്രതീക്ഷിക്കുന്ന സവിശേഷതകൾ

ഗ്ലോബൽ ലോഞ്ചിന് മുന്നോടിയായി, സോണി എക്സ്പീരിയ 1 II ന്റെ 12 ജിബി റാം എഡിഷൻ ജനപ്രിയ ബെഞ്ച്മാർക്ക് പ്ലാറ്റ്ഫോം ഗീക്ക്ബെഞ്ച് സന്ദർശിച്ച് സ്മാർട്ട്‌ഫോണിനെക്കുറിച്ച് ഏതാനും ചില വിവരങ്ങൾ ലഭിച്ചു. ഗീക്ക്ബെഞ്ച് ലിസ്റ്റിംഗിനെ അടിസ്ഥാനമാക്കി, സോണി എക്സ്ക്യു-എടി 42 മോഡൽ നമ്പറുമായി ഈ ഡിവൈസ് വരുന്നു, ഇതിൽ 12 ജിബി റാം വരുന്നുണ്ടെന്നും അവകാശപ്പെടുന്നു. ഇതിൽ ക്വാൽകോം സ്‌നാപ്ഡ്രാഗൺ 865 ചിപ്‌സെറ്റും,'കോന' എന്ന മദർബോർഡും വരുന്നു.

ആൻഡ്രോയിഡ് 10 ഓപ്പറേറ്റിംഗ് സിസ്റ്റമായാണ് ഈ ഹാൻഡ്‌സെറ്റ് വിപണിയിൽ വരുന്നത്. സോണി എക്സ്പീരിയ 1 II ന്റെ 12 ജിബി റാം എഡിഷനെ 8 ജിബി റാം എഡിഷനുമായി താരതമ്യപ്പെടുത്തുമ്പോൾ മികച്ച പ്രകടനമുണ്ടെന്ന് ഗീക്ക്ബെഞ്ച് വെളിപ്പെടുത്തുന്നു. ലിസ്റ്റിംഗ് അനുസരിച്ച്, സിംഗിൾ കോർ, മൾട്ടി കോർ ടെസ്റ്റുകളിൽ യഥാക്രമം 895 ഉം 3,225 ഉം നേടിയ 8 ജിബി റാം വേരിയന്റുമായി താരതമ്യപ്പെടുത്തുമ്പോൾ പുതിയ മോഡലിന് സിംഗിൾ കോറിൽ 908 ഉം മൾട്ടി കോർ ടെസ്റ്റിൽ 3387 ഉം സ്കോർ ചെയ്യാൻ കഴിഞ്ഞു.

 

സോണി എക്സ്പീരിയ 1 II സവിശേഷതകൾ

റാം അപ്‌ഗ്രേഡ് പരിഗണിക്കാതെ തന്നെ, എക്സ്പീരിയ 1 II ന്റെ പുതിയ എഡിഷൻ സമാനമായിരിക്കുമെന്ന് പറയുന്നു. 4 കെ എച്ച്ഡിആർ റെസല്യൂഷൻ വാഗ്ദാനം ചെയ്യുന്ന ഈ 6.5 ഒ‌എൽ‌ഇഡി പാനൽ ചെയ്തുകൊണ്ട് 21: 9 എന്ന ഉയർന്ന ആസ്പെക്ടറ്റ് റേഷിയോ ഇപ്പോഴും നിലനിർത്തുന്നു. 90Hz റിഫ്രഷ് റേറ്റിനെ സപ്പോർട്ട് ചെയ്ത്കൊണ്ട് ഗോറില്ല ഗ്ലാസ് 6 ഇതിൽ ഉൾപ്പെടുത്തിയിരിക്കുന്നു. മോഷൻ ബ്ലർ റിഡക്ഷൻ, സെൽഫികളും വീഡിയോ കോളുകൾക്കുമായി 8 മെഗാപിക്സൽ ക്യാമറയും ഇതിൽ വരുന്നു.

ഡ്യുവൽ പിഡി എഎഫ്, ഒഐഎസ് സപ്പോർട്ട് ചെയ്യുന്ന 12 മെഗാപിക്സൽ പ്രൈമറി ക്യാമറയും പിന്നിലുണ്ട്. 12 മെഗാപിക്സൽ അൾട്രാവൈഡ് ക്യാമറ, 12 മെഗാപിക്സൽ ടെലിഫോട്ടോ, 3 ഡി ടോഫ് സെൻസർ എന്നിവയുമായാണ് ഇത് ജോടിയാക്കുന്നത്. അതേസമയം, 4,000 mAh ശേഷിയുള്ള ബാറ്ററിയും കമ്പനി ഇതിന് നൽകിയിരിക്കുന്നു.