മീഡിയടെക് ഹീലിയോ പി 35 SoC പ്രോസസ്സറുള്ള സോണി എക്സ്പീരിയ എസ് 2 അവതരിപ്പിച്ചു: വിലയും, സവിശേഷതകളും

സോണി എക്‌സ്പീരിയ ഏസ് 2 സ്മാർട്ഫോണിൻറെ വില

സോണി എക്സ്പീരിയ ഏസ് 2 യുടെ 4 ജിബി റാം + 64 ജിബി സ്റ്റോറേജ് മോഡലിന് ജെപിവൈ 22,000 (ഏകദേശം 14,800 രൂപ) വില നൽകിയിരിക്കുന്നു. കറുപ്പ്, നീല, വെള്ള തുടങ്ങിയ നിറങ്ങളിൽ ഇത് വിപണിയിൽ ലഭ്യമാകും. നിലവിൽ, സോണി എക്സ്പീരിയ ഏസ് 2 ൻറെ അന്താരാഷ്ട്ര ലഭ്യതയെക്കുറിച്ച് ഇതുവരെ ഒരു വിവരവുമില്ല.

സോണി എക്സ്പീരിയ എസ് 2 സ്മാർട്ഫോണിൻറെ സവിശേഷതകൾ

സോണി എക്സ്പീരിയ ഏസ് 2 ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിപ്പിക്കുന്നു. 5.5 ഇഞ്ച് എച്ച്ഡി + (720x1,496 പിക്‌സൽ) ഡിസ്‌പ്ലേയുള്ള ഈ ഫോണിലെ ഒരു നോച്ചിൽ ഒരു സെൽഫി ക്യാമറയും നൽകിയിട്ടുണ്ട്. മീഡിയടെക്ക് ഹീലിയോ പി 35 SoC പ്രോസസറിൽ പ്രവർത്തിക്കുന്ന എക്സ്പീരിയ എസ് 2 ന് 4 ജിബി റാമുണ്ട്. 64 ജിബി ഓൺബോർഡ് സ്റ്റോറേജ് വരുന്ന ഈ ഹാൻഡ്സെറ്റിൽ മൈക്രോ എസ്ഡി കാർഡ് വഴി 1 ടിബി വരെ എക്സ്പാൻഡ് ചെയ്യാവുന്നതാണ്. ഫോട്ടോകൾ എടുക്കുവാനും വീഡിയോകൾ പകർത്തുവാനുമായി 13 മെഗാപിക്സൽ പ്രൈമറി സെൻസറും 2 മെഗാപിക്സൽ ഡെപ്ത് സെൻസറും ഉൾപ്പെടുന്ന ഡ്യുവൽ റിയർ ക്യാമറ സംവിധാനം സോണി എക്സ്പീരിയ ഏസ് 2ൽ ഉൾപ്പെടുത്തിയിരിക്കുന്നു. മുൻവശത്ത് 8 മെഗാപിക്സൽ സെൽഫി ഷൂട്ടറുമുണ്ട്.

വൈ-ഫൈ, ബ്ലൂടൂത്ത് വി 5.0, ജിപിഎസ്, 4 ജി, 3.5 എംഎം ഹെഡ്‌ഫോൺ ജാക്ക്, ചാർജ്ജിംഗിനായി യുഎസ്ബി ടൈപ്പ്-സി പോർട്ട് എന്നിവ സോണി എക്സ്പീരിയ ഏസ് 2 ലെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ആംബിയന്റ് ലൈറ്റ് സെൻസർ, പ്രോക്‌സിമിറ്റി സെൻസറുകൾ, ആക്‌സിലറോമീറ്ററുകൾ എന്നിവ ബോർഡിലെ സെൻസറുകളിൽ വരുന്നു. ഒരു വശത്ത് നൽകിയിരിക്കുന്ന ഫിംഗർപ്രിന്റ് സ്കാനർ പവർ ബട്ടണായും പ്രവർത്തിക്കുന്നു. 4,500 എംഎഎച്ച് ബാറ്ററിയുള്ള സോണി എക്സ്പീരിയ എസ് 2 ന് ഐപിഎക്സ് 8 വാട്ടർ റെസിസ്റ്റൻസ് റേറ്റിംഗുണ്ട്. ഈ സ്മാർട്ഫോണിന് 159 ഗ്രാം ഭാരമുണ്ട്.