സോണി എക്‌സ്പീരിയ പി സ്മാര്‍ട്‌ഫോണ്‍ അവതരിപ്പിച്ചു

ഏറെ ഊഹാപോഹങ്ങള്‍ക്കൊടുവില്‍ സോണിയില്‍ നിന്നും എക്‌സ്പീരിയ പി സ്മാര്‍ട്‌ഫോണ്‍ ഔദ്യോഗികമായി എത്തി. ബാര്‍സിലോണയില്‍ നടക്കുന്ന മൊബൈല്‍ വേള്‍ഡ് കോണ്‍ഗ്രസില്‍ വെച്ചാണ് ഇത് അവതരിപ്പിച്ചത്. എംഡബ്ല്യുസിയില്‍ വെച്ച് ഈ ഹാന്‍ഡ്‌സെറ്റിനെ കമ്പനി പുറത്തിറക്കുമെന്ന്  തന്നെയായിരുന്നു വാര്‍ത്തകള്‍ പ്രചരിച്ചിരുന്നത്.

4 ഇഞ്ച് വരുന്ന ക്യുഎച്ച്ഡി ഡിസ്‌പ്ലെയുള്ള എക്‌സ്പീരിയ പിയുടെ റെസലൂഷന്‍ 540*960 പിക്‌സലാണ്. ഇത് കൂടാതെ കമ്പനിയുടെ തന്നെ വൈറ്റ്മാജിക്  ടെക്‌നോളജിയില്‍ അധിഷ്ഠിതമാണ് ഈ ഹാന്‍ഡ്‌സെറ്റ്. ഇന്ന് വിപണിയില്‍ ലഭ്യമായ ഏതൊരു ഫോണിനേക്കാളും മികച്ച ബ്രൈറ്റ്‌നസ് ആണ് സ്‌ക്രീനിന് ഈ ടെക്‌നോളജി  ലഭ്യമാക്കുകയെന്ന് കമ്പനി വ്യക്തമാക്കി.

നിലവില്‍ ആന്‍ഡ്രോയിഡ് ജിഞ്ചര്‍ബ്രഡ് വേര്‍ഷനിലാണ് പ്രവര്‍ത്തനമെങ്കിലും ഏറെ വൈകാതെ ഐസ്‌ക്രീം സാന്‍ഡ്‌വിച്ച് അപ്‌ഡേഷന്‍ ഫോണിന്  ലഭിക്കുമെന്നാണ് അറിയുന്നത്.

സവിശേഷതകള്‍

• 4 ഇഞ്ച് ക്യുഎച്ച്ഡി എല്‍സിഡി മള്‍ട്ടിടച്ച് ഡിസ്‌പ്ലെ

• ടൈംസ്‌കേപ് യൂസര്‍ ഇന്റര്‍ഫേസ്

• 8എംപി ക്യാമറ, വിജിഎ ക്യാമറ (ഫ്രന്റ് ഫേസിംഗ്)

• ഗൂഗിള്‍ ഓണ്‍ലൈന്‍ സര്‍വ്വീസുകള്‍

• 16 ജിബി ഇന്റേണല്‍ മെമ്മറി

• 1ജിബി റാം

• ആന്‍ഡ്രോയിഡ് 2.3 ജിഞ്ചര്‍ബ്രഡ് പതിപ്പ്

• നോവതോര്‍ യു8500 ചിപ്‌സെറ്റ്

• ഡ്യുവല്‍കോര്‍ 1 ജിഗാഹെര്‍ട്‌സ് സിപിയു

• എച്ച്ടിഎംഎല്‍5, അഡോബി ഫഌഷ് പിന്തുണ

2ജി, 3ജി നെറ്റ്‌വര്‍ക്ക് പിന്തുണയോടെ എത്തുന്ന എക്‌സ്പീരിയ പിയില്‍ ഗൂഗിളിന്റെ ഓണ്‍ലൈന്‍ സേവനങ്ങളായ സെര്‍ച്ച്, മാപ്‌സ്, ജിമെയില്‍, യുട്യൂബ്, കലണ്ടര്‍, ഗൂഗിള്‍ ടോക്ക് എന്നിവ ആക്‌സസ് ചെയ്യാനാകും. സ്റ്റീരിയോ എഫ്എം റേഡിയോയും ഓഡിയോ, വീഡിയോ പ്ലെയര്‍ പിന്തുണയും ഈ ഫോണിലുണ്ട്.

ഹാന്‍ഡ്‌സെറ്റിന്റെ വിലയെക്കുറിച്ച് അറിവായിട്ടില്ല. എന്നാല്‍ ഈ വര്‍ഷത്തിന്റെ പകുതിയോടെ എക്‌സ്പീരിയ പി വിപണിയിലെത്തുമെന്നാണ് സൂചനകള്‍.