ഡ്യുവൽ സെൽഫി ക്യാമറയുമായി ടെക്നോ കാമൺ 16 പ്രീമിയർ അവതരിപ്പിച്ചു; സവിശേഷതകൾ, ലഭ്യത

ടെക്നോ കാമൺ 16 പ്രീമിയറിന്റെ വിശദാംശങ്ങൾ ലോഞ്ച് പരിപാടിയിൽ അവതരിപ്പിച്ചിരുന്നു. എന്നാൽ, മറ്റ് രണ്ട് ഫോണുകളെക്കുറിച്ച് ഒരു വിവരവും ഇതുവരെ കമ്പനി നൽകിയിട്ടില്ല. ഈ ഹാൻഡ്സെറ്റിനെ മുമ്പിലായി വരുന്ന 48 മെഗാപിക്സലിന്റെ പ്രധാന ക്യാമറ ഡ്യുവൽ സെൽഫി ക്യാമറ സെറ്റപ്പൊടെയാണ് വരുന്നത്. പിന്നിൽ ഒരു ക്വാഡ് ക്യാമറ സെറ്റപ്പും കൂടാതെ 4,500 എംഎഎച്ച് ബാറ്ററിയും ഉൾപ്പെടുത്തിയിരിക്കുന്നു.

ടെക്നോ കാമൺ 16 പ്രീമിയർ: വില, ലഭ്യത

കെനിയയിൽ 8 ജിബി + 128 ജിബി സ്റ്റോറേജ് മോഡൽ ടെക്നോ കാമൺ 16 പ്രീമിയറിന് കെഇഎസ് 28,499 ആണ് വില വരുന്നത്. ഗ്ലേഷ്യൽ സിൽവർ കളർ ഓപ്ഷനിൽ വരുന്ന ഈ ഫോൺ ഇതിനകം തന്നെ ജുമിയ.കോ.കെ എന്ന ഔദ്യോഗിക സ്റ്റോർ വഴി രാജ്യത്ത് വിൽപ്പനയ്‌ക്കെത്തിക്കുന്നു. ആമുഖ ഓഫറിന്റെ ഭാഗമായി ടെക്നോ സൗജന്യ എച്ച് 2 ഹൈപോഡ്സ് ടിഡബ്ല്യുഎസ് ഇതോടപ്പം ലഭ്യമാക്കുന്നു.

ടെക്നോ കാമൺ 16 പ്രീമിയർ: സവിശേഷതകൾ

ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ടെക്നോ കാമൺ 16 പ്രീമിയർ 6.9 ഇഞ്ച് ഫുൾ എച്ച്ഡി + (1,080x2,460 പിക്‌സൽ) ഡിസ്‌പ്ലേയാണ് വരുന്നത്. ഈ സ്‌ക്രീനിന്റെ മുകളിൽ ഇടത് കോണിലായി ഗുളിക ആകൃതിയിലുള്ള ഒരു പഞ്ച്-ഹോൾ കട്ട്ഔട്ട് വരുന്നു. 8 ജിബി റാമുമായി ജോടിയാക്കിയ മീഡിയടെക് ഹീലിയോ ജി 90 ടി SoC പ്രോസസറാണ് ഈ സ്മാർട്ഫോണിന് പ്രവർത്തനക്ഷമത നൽകുന്നത്. 128 ജിബി ഓൺബോർഡ് സ്റ്റോറേജ് വരുന്ന ഈ ഹാൻഡ്‌സെറ്റ് മൈക്രോ എസ്ഡി സ്ലോട്ട് ഉപയോഗിച്ച് 512 ജിബി വരെ വിപുലീകരിക്കാൻ കഴിയും.

ടെക്നോ കാമൺ 16 പ്രീമിയർ: ക്യാമറ

64 മെഗാപിക്സൽ പ്രധാന ക്യാമറ, 8 മെഗാപിക്സൽ അൾട്രാ-വൈഡ് ക്യാമറ, 2 മെഗാപിക്സൽ ഡെപ്ത് സെൻസർ, ക്വാഡ്-എൽഇഡി ഫ്ലാഷുള്ള 2 മെഗാപിക്സൽ ലോ-ലൈറ്റ് സെൻസർ എന്നിവ ഉൾപ്പെടുന്ന ക്വാഡ് റിയർ ക്യാമറ സെറ്റപ്പാണ് കമ്പനി ടെക്നോ കാമൺ 16 പ്രീമിയറിൽ നൽകിയിരിക്കുന്നത്. ഡ്യൂവൽ ഫ്രണ്ട് ക്യാമറ സെറ്റപ്പിൽ 48 മെഗാപിക്സൽ മെയിൻ സെൻസറും 8 മെഗാപിക്സൽ സെക്കൻഡറി ഷൂട്ടറും ഉൾപ്പെടുന്നു. ക്രമീകരിക്കാവുന്ന ഡ്യുവൽ ഫ്രണ്ട് ഫ്ലാഷും ഈ സ്മാർട്ട്ഫോണിലുണ്ട്.

കൂടാതെ, ടെക്നോ കാമൺ 16 പ്രീമിയറിൽ 4,500 എംഎഎച്ച് ബാറ്ററിയും 33W ഫാസ്റ്റ് ചാർജിംഗും ഉണ്ട്. ഈ ഡിവൈസിലെ കണക്റ്റിവിറ്റി ഓപ്ഷനുകളിൽ ബ്ലൂടൂത്ത് വി 5, വൈ-ഫൈ 802.11 എസി, 3.5 എംഎം ഓഡിയോ ജാക്ക്, ജിപിഎസ് എന്നിവ ഉൾപ്പെടുന്നു. മറ്റൊരു പ്രധാന ഫീച്ചർ എന്നുപറയുന്നത് സൈഡ് മൗണ്ട് ചെയ്ത ഫിംഗർപ്രിന്റ് സ്‌കാനറാണ്.