90 ഹെർട്സ് ഡിസ്പ്ലേ, ഹീലിയോ ജി 85 ചിപ്പ്സെറ്റുമായി ടെക്നോ കാമൺ 17 അവതരിപ്പിച്ചു: വില, സവിശേഷതകൾ

ടെക്നോ കാമൺ 17 സ്മാർട്ഫോണിൻറെ വിലയും ലഭ്യതയും

ഫ്രോസ്റ്റ് സ്ലൈവർ, ഡീപ് സീ, ട്രാൻക്വിൽ ഗ്രീൻ എന്നീ മൂന്ന് കളർ ഓപ്ഷനുകളിൽ ഈ ഹാൻഡ്‌സെറ്റ് വിപണിയിൽ നിന്നും വാങ്ങാൻ ലഭ്യമാകും. കാമൺ 17 ൻറെ ഹൈ-എൻഡ് 6 ജിബി റാം + 128 ജിബി റോം മോഡലിന് 22,799 രൂപയാണ് വില വരുന്നത്. അതേസമയം, ബേസിക് 4 ജിബി റാം + 128 ജിബി റോം മോഡലിന് 15,750 രൂപയാണ് വില വരുന്നത്.

ടെക്നോ കാമൺ 17: സവിശേഷതകൾ

ടെക്നോ കാമൺ 17 ഹാൻഡ്‌സെറ്റിന് 6.55 ഇഞ്ച് എച്ച്ഡി + ഡിസ്പ്ലേയാണ് നൽകിയിരിക്കുന്നത്. ഈ സ്മാർട്ഫോണിൻറെ മുൻഗാമിക്ക് 60 ഹെർട്സ് സ്റ്റാൻഡേർഡ് റിഫ്രഷ് റേറ്റിന് പകരം 90 ഹെർട്സ് റിഫ്രഷ് റേറ്റാണ് വരുന്നത്. ഫ്രണ്ട് ക്യാമറ സെൻസറിനായി ഒരേ പഞ്ച്-ഹോൾ കട്ട്ഔട്ടും ഇതിലുണ്ട്. 6 ജിബി റാമും 128 ജിബി നേറ്റീവ് സ്റ്റോറേജുമായി ജോടിയാക്കിയ മീഡിയടെക് ഹീലിയോ ജി 85 SoC പ്രോസസറാണ് ഈ ഹാൻഡ്‌സെറ്റിന് മികച്ച പ്രവർത്തനക്ഷമത നൽകുന്നത്. കൂടുതൽ സ്റ്റോറേജ് എക്സ്പാൻഡ് ചെയ്യുവാൻ ഒരു പ്രത്യേക മൈക്രോ എസ്ഡി സ്ലോട്ടിനെയും ഈ ഹാൻഡ്‌സെറ്റ് സപ്പോർട്ട് ചെയ്യുന്നുണ്ടെന്ന് പറയുന്നു.

ടെക്നോ കാമൺ 17 സ്മാർട്ഫോൺ ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ HiOS കസ്റ്റമൈസ് സ്‌കിനുമായി പ്രവർത്തിക്കുന്നു. മാത്രമല്ല, 18W ഫാസ്റ്റ് ചാർജിംഗ് സപ്പോർട്ടുള്ള 5,000 എംഎഎച്ച് ബാറ്ററിയാണ് ഈ ഹാൻഡ്‌സെറ്റിന് നൽകിയിട്ടുള്ളത്. മാത്രമല്ല, ടെക്നോ കാമൺ 16 ലെ ക്വാഡ് ക്യാമറ സവിശേഷതകൾക്ക് പകരമായി ഈ ഹാൻഡ്‌സെറ്റിന് പിന്നിൽ ഒരു ട്രിപ്പിൾ ക്യാമറ സെറ്റപ്പ് ലഭിക്കുന്നു. ഈ സ്മാർട്ട്ഫോണിൻറെ മുൻഗാമിയേക്കാൾ മെച്ചപ്പെട്ട സെൻസറുകൾ പുതിയതിൽ ഉൾപ്പെടുന്നു. ഇപ്പോൾ നിങ്ങൾക്ക് 48 എംപി പ്രൈമറി ക്യാമറ, 16 എംപി അൾട്രാവൈഡ് ക്യാമറ, 2 എംപി ടെർഷ്യറി സെൻസർ എന്നിവ ലഭിക്കുന്നു. സെൽഫികൾക്കും വീഡിയോകൾക്കും മുൻവശത്ത് 16 എംപി ക്യാമറയുണ്ട്. 3.5 എംഎം ഹെഡ്‌ഫോൺ ജാക്ക്, യുഎസ്ബി-സി കണക്റ്റർ, പിൻവശത്ത് ഫിംഗർപ്രിന്റ് സെൻസർ എന്നിവ കാമൺ 17 സപ്പോർട്ട് ചെയ്യുന്നു.

ഇന്ത്യയിൽ ടെക്നോ കാമൺ 17 സ്മാർട്ഫോൺ

രാജ്യത്ത് ഈ ഹാൻഡ്‌സെറ്റ് എപ്പോൾ പുറത്തിറക്കുമെന്നതിനെ കുറിച്ച് ഒരു വിവരവുമില്ല. ഈ മാസം ആദ്യം ബ്രാൻഡ് രാജ്യത്ത് എൻട്രി ലെവൽ സ്പാർക്ക് 7 ഹാൻഡ്‌സെറ്റ് അവതരിപ്പിച്ചു. 16 എംപി ഡ്യുവൽ ക്യാമറ സെറ്റപ്പ്, 6,000 എംഎഎച്ച് ബാറ്ററി, മീഡിയടെക് ഹെലിയോ എ 20 ചിപ്‌സെറ്റ് തുടങ്ങിയ സവിശേഷതകൾ വരുന്ന ഈ ഹാൻഡ്‌സെറ്റ് 6,999 രൂപയ്ക്കാണ് അവതരിപ്പിച്ചത്.