നിവർത്തണോ, തുറക്കണോ എന്തുവേണേൽ ആവാം! ഫാന്റം V ഫോൾഡ് 2, V ഫ്ലിപ്പ് 2 എന്നിവ പുറത്തിറക്കി ടെക്നോ

പ്രമുഖ ​സ്മാർട്ട്ഫോൺ ബ്രാൻഡായ ടെക്നോ തങ്ങളുടെ ഫോൾഡബിൾ സ്മാർട്ട്ഫോണുകളുടെ നിര നൂതന എഐ ഫീച്ചറുകൾ സഹിതം എത്തുന്ന ഫാന്റം V ഫോൾഡ് 2 (TECNO PHANTOM V Fold 2), ഫാന്റം V ഫ്ലിപ്പ് 2 (TECNO PHANTOM V Flip2) എന്നിവ അ‌വതരിപ്പിച്ചുകൊണ്ട് കൂടുതൽ വിപുലപ്പെടുത്തിയിരിക്കുന്നു. 2024 സെപ്റ്റംബർ 23 മുതൽ ആഫ്രിക്കയിൽ ഈ ഫോണുകൾ ലഭ്യമാകും. തെക്കുകിഴക്കൻ ഏഷ്യ, മിഡിൽ ഈസ്റ്റ്, ലാറ്റിൻ അമേരിക്ക എന്നിവിടങ്ങളിൽ 2024 സെപ്റ്റംബർ അവസാനത്തിലും ഒക്‌ടോബറിലുമായി ഈ ഫോണുകൾ ലോഞ്ച് ചെയ്യും. ടെക്നോ എഐ ഫീച്ചറുകൾ സഹിതമാണ് ഈ രണ്ട് ഫോണുകളും എത്തുന്നത്.

ടെക്നോ ഫാന്റം V ഫോൾഡ് 2 5Gയുടെ പ്രധാന ഫീച്ചറുകൾ: 7.85 ഇഞ്ച് AMOLED, 2296 x 2000 2K+, 120Hz LTPO ഇന്റേണൽ ഡിസ്പ്ലേ, 6.42″ AMOLED, 2550 x 1080 FHD+, 120Hz LTPO എക്സ്റ്റേണൽ ഡിസ്പ്ലേ എന്നിവ ഇതിലുണ്ട്. LOEWEയുടെ എയ്‌റോസ്‌പേസ്-ഗ്രേഡ് പ്രൊപ്രൈറ്ററി ഹിഞ്ച് ഡിസൈൻ ആണ് ഇതിന് നൽകിയിരിക്കുന്നത്.

മീഡിയടെക് ഡൈമെൻസിറ്റി D9000+ ചിപ്സെറ്റ് ആണ് ഈ ഫോൾഡ് ഫോണിന്റെ കരുത്ത്. 24GB റാം (12GB വെർച്വൽ റാം സഹിതം) + 512GB റോം പിന്തുണയും ഇതിലുണ്ട്. 50MP + 50MP + 50MP ട്രിപ്പിൾ റിയർ ക്യാമറ സജ്ജീകരണമാണ് ​വി ഫോൾഡ് 2 5ജിയിൽ നൽകിയിരിക്കുന്നത്. ഫ്രണ്ടിൽ 32MP + 32MP ഡ്യുവൽ ക്യാമറയും നൽകിയിട്ടുണ്ട്.

70W അൾട്രാ ചാർജ്ജ് വയർഡ്, 15W വയർലെസ് ചാർജിങ് പിന്തുണകളുള്ള 5750mAh എയർസെൽ ബാറ്ററിയാണ് ഫോൾഡ് 2വിൽ ഉള്ളത്. ഡോൾബി അറ്റ്‌മോസ്, ​ഹൈ-റെസ് ഓഡിയോ, ​വൈ​ഫൈ 6E, ബ്ലൂടൂത്ത് v5.3, ജിയോമാഗ്നറ്റിക്, അണ്ടർസ്ക്രീൻ ആംബിയൻ്റ് ലൈറ്റ്, പ്രോക്സിമിറ്റി, ആക്സിലറോമീറ്റർ, ഹാൾ, ഗൈറോ, ഫ്ലിക്ക് തുടങ്ങിയ ഫീച്ചറുകൾ ഇതിലുണ്ട്.

IP54 റേറ്റിങ്ങും (IP68-ഗ്രേഡ് വാട്ടർപ്രൂഫ് ടൈപ്പ്-സി ഘടകങ്ങൾ, വാട്ടർ & ഡസ്റ്റ്പ്രൂഫ് സൈഡ് കീ സീൽ ഘടന, 360° വാട്ടർപ്രൂഫ് മിഡ് ഫ്രെയിം), 1-മീറ്റർ ഡ്രോപ്പ് ടെസ്റ്റ് സർട്ടിഫിക്കറ്റും ഈ ഫോണിനുണ്ട്. TUV SUD 60-മാസം ഗ്രേഡ് എ മാർക്ക് സർട്ടിഫിക്കേഷനും ഇതിലുണ്ട്. 249 ഗ്രാം ആണ് ഭാരം.

ആൻഡ്രോയിഡ് 14 അടിസ്ഥാനമാക്കിയുള്ള HiOS അ‌ടിസ്ഥാനമാക്കിയാണ് പ്രവർത്തനം. രണ്ട് വർഷത്തെ ഒഎസ് അ‌പ്ഡേറ്റുകളും 3 വർഷത്തെ സുരക്ഷാ പാച്ചുകളും ഇതിന് ലഭിക്കും. ഡ്യുവൽ സിം - 2G / 3G / 4G / 5G ഫീച്ചറും ഇതിലുണ്ട്. കാർസ്റ്റ് ഗ്രീൻ, റിപ്ലിംഗ് ബ്ലൂ എന്നീ നിറങ്ങളിലാണ് ഇത് ലഭ്യമാകുക.

ടെക്നോ ഫാന്റം വി ഫോൾഡ് 2 സ്മാർട്ട്ഫോണിനൊപ്പം ഫാന്റം വി പെന്നും ലഭ്യമാകും. വിലയും ലഭ്യതയും: ഫാന്റം വി ഫോൾഡ് 2 5ജിയുടെ വില 1,099 യുഎസ് ഡോളറാണ് (ഏകദേശം 92,210 രൂപ). 2024 സെപ്റ്റംബർ 23 മുതൽ ആഫ്രിക്കയിൽ ഈ ഫോൺ ലഭ്യമാകും. ഇന്ത്യയടക്കമുള്ള വിപണികളിലേക്ക് പിന്നാലെയെത്തും.

ടെക്നോ ഫാന്റം V ഫ്ലിപ് 2 5ജിയുടെ പ്രധാന ഫീച്ചറുകൾ: ഡബിൾ-ഹെലിക്കൽ സ്റ്റാർ-ട്രാക്ക് ഡ്രോപ്പ് ആകൃതിയിലുള്ള ഹിഞ്ച് ഡി​സൈനാണ് ഈ ഫ്ലിപ് ഫോണിനുള്ളത്. ഇതിലെ 6.9 ഇഞ്ച് AMOLED ഇന്റേണൽ ഡിസ്പ്ലേ 120Hz റിഫ്രഷ് റേറ്റ്, LTPO, FHD+ 1080 x 2640, ഐ-കെയർ സ്ക്രീൻ 2160Hz PWM ഡിമ്മിംഗ്, 100% P3 കളർ ഗാമറ്റ് ഫീച്ചറുകളോടെയാണ് എത്തുന്നത്.

ഈ ഫ്ലിപ് ഫോണിന്റെ എക്സ്റ്റേണൽ ഡിസ്പ്ലേ 3.64 ഇഞ്ച് (1056 x 1066) AMOLED ഡിസ്പ്ലേ സഹിതം എത്തുന്നു. മീഡിയടെക് ഡൈമെൻസിറ്റി D8020 ചിപ്സെറ്റ് ആണ് ഈ സ്മാർട്ട്ഫോണിന്റെ കരുത്ത്. 16GB (8GB വെർച്വൽ) റാം + 256GB സ്റ്റോറേജ് സഹിതമാണ് ഈ ഫ്ലിപ് 2 ഫോൺ എത്തുന്നത്.

50MP (മെയിൻ) + 50MP (അൾട്രാ വൈഡ്) ഡ്യുവൽ റിയർ ക്യാമറയാണ് ഈ ഫോണിൽ ടെക്നോ നൽകിയിരിക്കുന്നത്. ഫ്രണ്ടിൽ ബിൽറ്റ്-ഇൻ ഫ്ലാഷ് ഉള്ള 32MP (AF) ക്യാമറയും ഉണ്ട്. 70W അൾട്രാ ചാർജ് ഉള്ള 4720mAh ബാറ്ററി സഹിതമാണ് ടെക്നോ വി ഫ്ലിപ് 2 5ജി എത്തുന്നത്.

ജിയോമാഗ്നറ്റിക്, അണ്ടർസ്ക്രീൻ ആംബിയൻ്റ് ലൈറ്റ്, അൾട്രാസോണിക് പ്രോക്സിമിറ്റി, ആക്സിലറോമീറ്റർ, ഹാൾ, ഗൈറോ, ഫ്ലിക് സെൻസറുകൾ, ഡോൾബി അറ്റ്‌മോസുള്ള ഡ്യുവൽ സ്പീക്കറുകൾ, ​ഹൈ-റെസ് ഓഡിയോ, TÜV ബ്ലൂ ലൈറ്റ് പ്രൊട്ടക്ഷൻ, ഡ്യുവൽ സിം, 2G / 3G / 4G / 5G എന്നീ ഫീച്ചറുകളും ഈ ഫോൺ വാഗ്ദാനം ചെയ്യുന്നു.

ആൻഡ്രോയിഡ് 14 അടിസ്ഥാനമാക്കിയുള്ള HiOS ഒഎസിൽ ആണ് ഈ ഫോണിന്റെയും പ്രവർത്തനം. ട്രാവെർട്ടൈൻ ഗ്രീൻ, മൂൺഡസ്റ്റ് ഗ്രേ നിറങ്ങളിൽ ഈ ഫ്ലിപ് ഫോൺ ലഭ്യമാകും. ടെക്നോ ഫാന്റം V ഫ്ലിപ് 2 5ജിയുടെ വില 699 ഡോളർ (ഏകദേശം. 58,650 രൂപ) ആണ്. 2024 സെപ്റ്റംബർ 23 മുതൽ ആഫ്രിക്കയിലും തുടർന്ന് മറ്റ് രാജ്യങ്ങളിലും ഈ ഫോൺ ലഭ്യമാകും.