7,000 എംഎഎച്ച് ബാറ്ററിയുമായി ടെക്നോ പോവ 3 സ്മാർട്ട്ഫോൺ; അറിയേണ്ടതെല്ലാം

ടെക്നോ പോവ 3 സ്പെസിഫിക്കേഷനുകൾ

ഫുൾ എച്ച്ഡി പ്ലസ് റെസല്യൂഷൻ ഉള്ള 6.9 ഇഞ്ച് എൽസിഡി ഡിസ്‌പ്ലെയുമായാണ് ടെക്നോ പോവ 3 സ്മാർട്ട്ഫോൺ ലോഞ്ച് ചെയ്തിരിക്കുന്നത്. 90 ഹെർട്സിന്റെ ഉയർന്ന റിഫ്രഷ് റേറ്റും ടെക്നോ പോവ 3 സ്മാർട്ട്ഫോൺ ഡിസ്പ്ലെ ഫീച്ചർ ചെയ്യുന്നു. ടെക്നോ പോവ 3 സ്മാർട്ട്ഫോണിലെ ഉയർന്ന റിഫ്രഷ് റേറ്റ് സുഗമമായ സ്‌ക്രോളിങിനും ഗെയിമിങിനും സഹായിക്കും.

ആപ്പിൾ ഐഫോണിലെ ഈ അടിപൊളി ഫീച്ചറുകളെക്കുറിച്ച് അറിയാമോ?

ഒക്ടാ കോർ മീഡിയടെക് ഹീലിയോ ജി88 എസ്ഒസിയാണ് ടെക്നോ പോവ 3 സ്മാർട്ട്ഫോണിന് കരുത്ത് പകരുന്നത്. രണ്ട് വേരിയന്റുകളിലാണ് ഫിലിപ്പീൻസിൽ ടെക്നോ പോവ 3 സ്മാർട്ട്ഫോൺ പുറത്തിറക്കിയിരിയ്ക്കുന്നത്. 4 ജിബി റാം + 64 ജിബി ഇന്റേണൽ സ്റ്റോറേജ് കോൺഫിഗറേഷനിലാണ് ടെക്നോ പോവ 3 സ്മാർട്ട്ഫോണിന്റെ ബേസ് മോഡൽ എത്തുന്നത്. 6 ജിബി റാം + 128 ജിബി സ്റ്റോറേജ് കോൺഫിഗറേഷനിലാണ് ടെക്നോ പോവ 3 സ്മാർട്ട്ഫോണിന്റെ ഹൈ എൻഡ് വേരിയന്റ് എത്തുന്നത്.

 

ട്രിപ്പിൾ ക്യാമറ സജ്ജീകരണം

ട്രിപ്പിൾ ക്യാമറ സജ്ജീകരണം ആണ് ടെക്നോ പോവ 3 സ്മാർട്ട്ഫോൺ ഫീച്ചർ ചെയ്യുന്നത്. 50 മെഗാ പിക്സൽ പ്രൈമറി ക്യാമറ സെൻസറാണ് ഈ ട്രിപ്പിൾ ക്യാമറ സംവിധാനത്തിന്റെ ഹൈലൈറ്റ്. 2 മെഗാ പിക്സൽ ശേഷിയുള്ള ഓക്സിലറി സെൻസറുകളും ഈ ട്രിപ്പിൾ ക്യാമറ സജ്ജീകരണത്തിന്റെ ഭാഗമാണ്. സെൽഫികൾക്കും വീഡിയോ കോളുകൾക്കുമായി 8 മെഗാ പിക്സൽ ശേഷിയുള്ള സെൽഫി ക്യാമറ സെൻസറും ടെക്നോ പോവ 3 സ്മാർട്ട്ഫോൺ ഫീച്ചർ ചെയ്യുന്നു.

ട്രന്റിങ് സ്മാർട്ട്ഫോണുകളിൽ ഒന്നാം സ്ഥാനം തിരിച്ച് പിടിച്ച് സാംസങ് ഗാലക്സി എ53 5ജി

സ്റ്റീരിയോ സ്പീക്കറുകളും പവർ ബട്ടണിനുള്ളിൽ ഘടിപ്പിച്ച സൈഡ് മൗണ്ടഡ് ഫിംഗർപ്രിന്റ് സ്കാനറും ടെക്നോ പോവ 3 സ്മാർട്ട്ഫോണിൽ ലഭ്യമാണ്. 3.5 എംഎം ഹെഡ്‌ഫോൺ ജാക്ക്, എഫ്എം റേഡിയോ റിസീവർ എന്നിവയും ടെക്നോ പോവ 3 സ്മാർട്ട്ഫോണിൽ നൽകിയിരിയ്ക്കുന്നു. ആൻഡ്രോയിഡ് 11 ബേസ് ചെയ്ത് എത്തുന്ന എച്ച്ഐഒഎസിലാണ് ടെക്നോ പോവ 3 സ്മാർട്ട്ഫോൺ പ്രവർത്തിക്കുന്നത്.

കരുത്തുറ്റ ബാറ്ററി

ശേഷി കൂടിയ ബാറ്ററി തന്നെയാണ് ടെക്നോ പോവ 3 സ്മാർട്ട്ഫോണിന്റെ ഹൈലൈറ്റ് ഫീച്ചറായി കമ്പനി അവതരിപ്പിക്കുന്നത്. 7,000 എംഎഎച്ച് ബാറ്ററിയാണ് ടെക്നോ പോവ 3 സ്മാർട്ട്ഫോണിന് കരുത്ത് നൽകുന്നത്. ഒരു തവണ ചാർജ് ചെയ്താൽ രണ്ട് ദിവസം വരെ ടെക്നോ പോവ 3 സ്മാർട്ട്ഫോണിൽ ചാർജ് നിൽക്കുമെന്നും കമ്പനി അവകാശപ്പെടുന്നു.

25 വാട്ട് വരെ ചാർജിങ് സ്പീഡിനും ടെക്നോ പോവ 3 സ്മാർട്ട്ഫോൺ സപ്പോർട്ട് നൽകുന്നു. 33 വാട്ട് ചാർജർ ടെക്നോ പോവ 3 സ്മാർട്ട്ഫോണിനൊപ്പം ബോക്സിൽ ബണ്ടിൽ ചെയ്യുകയും ചെയ്യുന്നുണ്ട്. ഇത് കൂടാതെ ചില മികച്ച ഫീച്ചറുകളും പുതിയ ടെക്നോ പോവ 3 സ്മാർട്ട്ഫോണിന്റെ ബാറ്ററി ഡിപ്പാർട്ട്മെന്റിൽ കമ്പനി നൽകിയിരിയ്ക്കുന്നു.

അതിൽ ഒന്നാണ് റിവേഴ്സ് ചാർജിങ് ഫീച്ചർ. ഈ ഫീച്ചർ ഉപയോഗിച്ച് മറ്റ് ഡിവൈസുകൾ ചാർജ് ചെയ്യാൻ സാധിക്കും. 10 വാട്ട് വരെ ചാർജിങ് സ്പീഡും പുതിയ ടെക്നോ പോവ 3 സ്മാർട്ട്ഫോണിലെ റിവേഴ്സ് ചാർജിങ് ഫീച്ചർ ഓഫർ ചെയ്യുന്നു. സൂപ്പർ സേവിങ് മോഡും പുതിയ ടെക്നോ പോവ 3 സ്മാർട്ട്ഫോണിലെ സവിശേഷമായ ബാറ്ററി ഫീച്ചറുകളിൽ ഒന്നാണ്.

2022ൽ ലോകത്തേറ്റവും കൂടുതൽ വിറ്റഴിക്കപ്പെട്ട സ്മാർട്ട്ഫോണുകൾ

ടെക്നോ പോവ 3 വില വിവരങ്ങൾ

ടെക്നോ പോവ 3 സ്മാർട്ട്ഫോൺ മൂന്ന് കളർ വേരിയന്റുകളിലാണ് ഫിലിപ്പീൻസിൽ ലോഞ്ച് ചെയ്തിരിക്കുന്നത്. ഇലക്ട്രിക് ബ്ലൂ, ടെക് സിൽവർ, ഇക്കോ ബ്ലാക്ക് എന്നീ കളർ ഓപ്ഷനുകളിലാണ് ഫിലിപ്പീൻസിൽ ലഭ്യമാകുന്നത്. നേരത്തെ പറഞ്ഞത് പോലെ ടെക്നോ പോവ 3 സ്മാർട്ട്ഫോണിന്റെ രണ്ട് സ്റ്റോറേജ് വേരിയന്റുകളാണ് ഫിലിപ്പീൻസിൽ ലഭ്യമാകുന്നത്. 4 ജിബി റാം + 64 ജിബി സ്റ്റോറേജ്, 6 ജിബി റാം + 128 ജിബി സ്റ്റോറേജ് എന്നിവയാണ് ഈ വേരിയന്റുകൾ.

ഫിലിപ്പീൻസിൽ ടെക്നോ പോവ 3 സ്മാർട്ട്ഫോണിന്റെ ബേസ് മോഡലായ 4 ജിബി റാം + 64 ജിബി ഇന്റേണൽ സ്റ്റോറേജ് കോൺഫിഗറേഷനുള്ള ടെക്നോ പോവ 3 സ്മാർട്ട്ഫോണിന് 8,999 പിഎച്ച്പി ( ഏകദേശം 13,300 ഇന്ത്യൻ രൂപ ) ആണ് വില വരുന്നത്. ടെക്നോ പോവ 3 സ്മാർട്ട്ഫോണിന്റെ ഹൈ എൻഡ് മോഡലായ 6 ജിബി റാം + 128 ജിബി സ്റ്റോറേജ് കോൺഫിഗറേഷൻ മോഡലിന് 9,399 പിച്ച്പിയും ( ഏകദേശം 14,000 രൂപ ) ഫിലിപ്പീൻസിൽ വില വരുന്നു.

ഐഫോൺ 13 പ്രോ മാക്‌സ് കുറഞ്ഞ വിലയിൽ സ്വന്തമാക്കാൻ അവസരം

ഇന്ത്യ ലോഞ്ച്

ടെക്നോ പോവ 3 സ്മാർട്ട്ഫോണിന്റെ ഇന്ത്യ ലോഞ്ച് സംബന്ധിച്ച് ഇപ്പോൾ സ്ഥിരീകരണം ഒന്നും ലഭിച്ചിട്ടില്ല. ടെക്നോ ലക്ഷ്യം വയ്ക്കുന്ന വലിയ വിപണികളിൽ ഒന്നായതിനാൽ തന്നെ അധികം വൈകാതെ ടെക്നോ പോവ 3 സ്മാർട്ട്ഫോൺ ഇന്ത്യയിൽ എത്തും. ടെക്നോ പോവ 3 സ്മാർട്ട്ഫോണിന്റെ ഇന്ത്യയിലെ ലോഞ്ച് തീയതി, വില തുടങ്ങിയ കാര്യങ്ങളെക്കുറിച്ച് കൂടുതൽ വിവരങ്ങൾ ഉടൻ പുറത്ത് വരുമെന്ന് പ്രതീക്ഷിക്കാം.