ചെറിയ വിലയും വലിയ ഫീച്ചറുമുള്ള മുതൽ! ടെക്‌നോ പോവാ 6 നിയോ 5ജി ഇന്ത്യയിൽ ലോഞ്ച് ചെയ്തു

ടെക്‌നോ പോവാ 6 നിയോ 5ജി (Tecno Pova 6 Neo 5G) ഇന്ത്യയിൽ ഔദ്യോഗികമായി ലോഞ്ച് ചെയ്തു. ടെക്‌നോ പോവാ 6 5ജി, പോവാ 6 പ്രോ 5ജി എന്നിവയെ പിന്തുടരുന്ന പോവാ 6 നിയോ, സീരിസിലെ മൂന്നാമത്തെ സ്മാർട്ട്‌ഫോണായി ആണ് ലോഞ്ച് ആയത്. മീഡിയടെക് ചിപ്‌സെറ്റ്, 120 ഹെർട്‌സ് ഡിസ്‌പ്ലേ, ഉയർന്ന റെസ് റിയർ ക്യാമറ, സ്റ്റീരിയോ സ്പീക്കറുകൾ, വലിയ ബാറ്ററി, ഫാസ്റ്റ് ചാർജിംഗ് പിന്തുണ എന്നിവയുള്ള താങ്ങാനാവുന്ന 5 ജി സ്‌മാർട്ട്‌ഫോണായി ആണ് ടെക്‌നോ പോവ 6 നിയോ 5 ജി അരങ്ങേറ്റം കുറിച്ചത്.

മാത്രമല്ല, ഇത് ചില എഐ കഴിവുകളുമായാണ് വരുന്നത്. ടെക്‌നോ പോവാ 6 നിയോ 5ജിയുടെ ഇന്ത്യയിലെ വില, ലഭ്യത എന്നിവയെ കുറിച്ചുള്ള വിവരങ്ങൾ നോക്കാം. അടിസ്ഥാന 6 ജിബി/ 128 ജിബി മോഡലിന് 13,999 രൂപ മുതലാണ് വില. കൂടാതെ, 8 ജിബി/ 256 ജിബി വേരിയൻ്റിന് 14,999 രൂപയാണ് വില.

അസ്യൂർ സ്‌കൈ, മിഡ്നൈറ്റ് ഷാഡോ, ഔറോറാ ക്ലൗഡ് എന്നീ കളർ ഓപ്ഷനുകളിലാണ് ടെക്‌നോ പോവാ 6 നിയോ 5ജി വാങ്ങാൻ സാധിക്കുന്നത്. പോവാ 6 നിയോ സെപ്തംബർ 14 മുതൽ ആമസോൺ വഴി ഇന്ത്യയിൽ വിൽപ്പനയ്‌ക്ക് എത്തും. ഫോൺ വാങ്ങുന്ന ഉപഭോക്താക്കൾക്ക് 27 ഒടിടി പ്ലാറ്റ്‌ഫോമുകളിലേക്ക് ആക്‌സസ് നൽകിക്കൊണ്ട് 6,271 രൂപയുടെ വാർഷിക ഒടിപിപ്ലേ സബ്‌സ്‌ക്രിപ്‌ഷൻ സൗജന്യമായി ലഭിക്കുമെന്ന് ടെക്‌നോ പറയുന്നു.

ടെക്‌നോ പോവാ 6 നിയോ 5ജിയുടെ സവിശേഷതകൾ എന്തൊക്കെ ആണെന്ന് നോക്കാം. ടെക്‌നോയുടെ ഏറ്റവും പുതിയ താങ്ങാനാവുന്ന 5ജി സ്മാർട്ട്‌ഫോൺ, ആം മാലി-G57 MC2 GPU-മായി ജോടിയാക്കിയ MediaTek Dimensity 6300 SoC ആണ് നൽകുന്നത്. 8 ജിബി വരെ LPDDR4x റാമും 256 ജിബി വരെ UFS 2.2 സ്റ്റോറേജുമായാണ് ഫോൺ വരുന്നത്.

കൂടാതെ, മൈക്രോ എസ്ഡി കാർഡ് സ്ലോട്ട് വഴി സ്റ്റോറേജ് വികസിപ്പിക്കാൻ കഴിയും. പോവാ 6 നിയോ 6.67-ഇഞ്ച് HD+ LCD സ്‌ക്രീനും 120Hz റിഫ്രഷ് റേറ്റും ഇൻ്ററാക്ടീവ് ഡൈനാമിക് പോർട്ടും ആണ് നൽകുന്നത്. ടെക്‌നോയുടെ ഏറ്റവും പുതിയ ബജറ്റ് സ്മാർട്ട്‌ഫോണിൽ 18W ഫാസ്റ്റ് ചാർജിംഗ് പിന്തുണയുള്ള വലിയ 5,000 mAh ബാറ്ററിയുണ്ട്.

AIGC പോർട്രെയ്‌റ്റ്, എഐ കട്ടൗട്ട്, എഐ മാജിക് ഇറേസർ, ആസ്ക് എഐ എന്നിവയും മറ്റും ഉൾപ്പെടെ നിരവധി എഐ സവിശേഷതകളുമായി വരുന്ന ആൻഡ്രോയിഡ് 14 അടിസ്ഥാനമക്കി ഉള്ള HiOS 14.5 ഹാൻഡ്‌സെറ്റ് ആണ് ടെക്‌നോ പോവാ 6 നിയോ 5ജിയിൽ പ്രവർത്തിക്കുന്നത്.

ഒപ്‌റ്റിക്‌സിനായി, ടെക്‌നോ പോവാ 6 നിയോ 5ജിൽ 108 എംപി പ്രൈമറി റിയർ ക്യാമറ സെൻസറും f/1.89 അപ്പേർച്ചറും ഒരു സെക്കൻഡറി എഐ ലെൻസും ഉണ്ട്. ഫ്രണ്ടിൽ, f/2.0 അപ്പേർച്ചറുള്ള 8 എംപി സെൽഫി ക്യാമറയാണ് ഫോണിൽ ഉപയോഗിക്കുന്നത്. 3.5 എംഎം ഓഡിയോ ജാക്ക്, സൈഡ് മൗണ്ടഡ് ഫിംഗർപ്രിൻ്റ് റീഡർ, സ്റ്റീരിയോ സ്പീക്കറുകൾ എന്നിവയും ടെക്‌നോ പോവ 6 നിയോയുടെ സവിശേഷതയാണ്. വെള്ളവും പൊടിയും പ്രതിരോധിക്കാൻ IP54 റേറ്റ് ചെയ്തിരിക്കുന്നു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.