144Hz 3D കർവ്ഡ് AMOLED ഡിസ്പ്ലേ സഹിതം ടെക്നോ പോവ കർവ് 5ജി ഇന്ത്യയിൽ; വില വെറും 15999 രൂപ!

ടെക്നോ തങ്ങളുടെ ഏറ്റവും പുതിയ സ്മാർട്ട്ഫോണായി ടെക്നോ പോവ കർവ് 5ജി (ECNO POVA Curve 5G) ഇന്ത്യയിൽ ലോഞ്ച് ചെയ്തു. മീഡിയടെക് ഡൈമെൻസിറ്റി 7300 അൾട്ടിമേറ്റ് പ്രോസസർ കരുത്തിൽ എത്തുന്ന ഈ സ്മാർട്ട്ഫോൺ 15999 രൂപ പ്രാരംഭ വിലയിൽ മികച്ച ഫീച്ചറുകൾ തന്നെ വാഗ്ദാനം ചെയ്യുന്നുണ്ട്. 8GB വരെ റാമും 8GB വരെ വെർച്വൽ റാമും ഇതിൽ സജ്ജീകരിച്ചിരിക്കുന്നു. കൂടാതെ 6.78 ഇഞ്ച് FHD+ 144Hz 3D കർവ്ഡ് AMOLED സ്‌ക്രീൻ അ‌ടക്കമുള്ള ഫീച്ചറുകളും ലഭ്യമാക്കിയിട്ടുണ്ട്.

കണക്ടിവിറ്റിക്കായി അ‌ധികം ബുദ്ധിമുട്ടേണ്ടിവരില്ല എന്നതാണ് ഈ ഫോണിന്റെ ഒരു പ്രത്യേകതയായി കമ്പനി എടുത്തുകാണിക്കുന്നത്. 5G++, VoWiFi ഡ്യുവൽ പാസ്, ഇന്റലിജന്റ് സിഗ്നൽ ഹബ് സിസ്റ്റം തുടങ്ങി മികച്ച നെറ്റ്‌വർക്ക് എക്സ്പീരിയൻസ് ഉപയോക്താവിന് സമ്മാനിക്കാൻ നിരവധി ഫീച്ചറുകൾ ഇതിൽ ഉണ്ട്. സ്റ്റാർഷിപ്പിൽ നിന്ന് പ്രചോദനം ഉൾക്കൊണ്ട ഡി​സൈനാണ് ഇതിന് നൽകിയിരിക്കുന്നത്.

എല്ല എഐ (Ella AI) യുടെ സാന്നിധ്യമാണ് ​ടെക്നോ പോവ കർവ് 5ജിയുടെ മറ്റൊരു പ്രത്യേകത. മൾട്ടിലിംഗ്വൽ സപ്പോർട്ട്, AI കോൾ അസിസ്റ്റന്റ്, AI ഓട്ടോ ആൻസർ, AI വോയ്‌സ്‌പ്രിന്റ് നോയ്‌സ് സപ്രഷൻ എന്നിവയുൾപ്പെടെ നിരവധി AI ഫീച്ചറുകൾ ഇതിൽ അ‌ടങ്ങുന്നുണ്ട്.

ടെക്നോ പോവ കർവ് 5ജിയുടെ പ്രധാന ഫീച്ചറുകൾ: 6.78 ഇഞ്ച് (2436×1080 പിക്സലുകൾ) FHD+ 3D കർവ്ഡ് AMOLED സ്ക്രീൻ, 144Hz വരെ റിഫ്രഷ് റേറ്റ്, 1300 nits വരെ പീക്ക് ബ്രൈറ്റ്നസ്, 2304Hz PWM ഡിമ്മിംഗ്, കോർണിംഗ് ഗൊറില്ല ഗ്ലാസ് 5 പ്രൊട്ടക്ഷൻ എന്നിവ ഇതിലുണ്ട്.

2.5GHz ഒക്ട കോർ മീഡിയടെക് ഡൈമെൻസിറ്റി 7300 അൾട്ടിമേറ്റ് 4nm പ്രൊസസർ ആണ് ഈ ഫോണിന്റെ കരുത്ത്. മാലി-G615 MC2 GPU, 6GB / 8GB റാം, 128GB UFS 2.2 സ്റ്റോറേജ് ഓപ്ഷനുകൾ എന്നിവ​ ടെക്നോ പോവ വാഗ്ദാനം ചെയ്യുന്നുണ്ട്.

ഡ്യുവൽ റിയർ ക്യാമറ സജ്ജീകരണമാണ് ഇതിൽ ഒരുക്കിയിരിക്കുന്നത്. അ‌തിൽ സോണി IMX682 സെൻസറുള്ള 64MP മെയിൻ ക്യാമറ (f/1.7 അപ്പേർച്ചർ), 2MP പോർട്രെയിറ്റ് ക്യാമറ ( f/2.4 അപ്പേർച്ചർ), 4K 30fps വീഡിയോ റെക്കോർഡിംഗ്, LED ഫ്ലാഷ് എന്നിവ അ‌ടങ്ങുന്നു. സെൽഫിക്കും മറ്റുമായി f/2.2 അപ്പേർച്ചറുള്ള 13MP ഫ്രണ്ട് ഫേസിംഗ് ക്യാമറയുണ്ട്. ഇത് 4K 30fps വീഡിയോ റെക്കോർഡിംഗ് പിന്തുണയോടെ എത്തുന്നു.

ആൻഡ്രോയിഡ് 15 അടിസ്ഥാനമാക്കിയുള്ള HiOS 15 ആണ് ഈ ഫോണിന്റെ പ്രവർത്തനം. ആൻഡ്രോയിഡ് 16 അപ്‌ഡേറ്റും 2 വർഷത്തെ സുരക്ഷാ അപ്‌ഡേറ്റുകളും കമ്പനി വാഗ്ദാനം ചെയ്യുന്നുണ്ട്. ഇൻ-ഡിസ്‌പ്ലേ ഫിംഗർപ്രിന്റ് സെൻസർ, IR സെൻസർ, സ്റ്റീരിയോ സ്പീക്കറുകൾ, ഡ്യുവൽ മൈക്രോഫോണുകൾ, ഡോൾബി അറ്റ്മോസ്, ഡസ്റ്റ് ആൻഡ് സ്പ്ലാഷ്-റെസിസ്റ്റന്റ് (IP64) എന്നിവയും ടെക്നോ പോവ കർവ് 5ജി വാഗ്ദാനം ചെയ്യുന്നു.

ഡ്യുവൽ സിം (നാനോ + നാനോ), 5G SA/NSA (n1/n3/n5/n8/n28B/n38/n40/n41/n77/n78 ബാൻഡുകൾ), ഡ്യുവൽ 4G VoLTE, Wi-Fi 802.11 ac (2.4GHz+ 5GHz), ബ്ലൂടൂത്ത് 5.4, GPS/ GLONASS/ Beidou, USB ടൈപ്പ്-C, NFC, 45W ഫാസ്റ്റ് ചാർജിംഗുള്ള 5500mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ. 164.3×74.6×7.45mm വലിപ്പവും 188.5 ഗ്രാം ഭാരവും ഇതിനുണ്ട്.

ടെക്നോ പോവ കർവ് 5Gയുടെ 6GB + 128GB അ‌ടിസ്ഥാന വേരിയന്റിന് 15,999 രൂപയും 8GB + 128GB വേരിയന്റിന് 16,999 രൂപയുമാണ് വില. മാജിക് സിൽവർ, നിയോൺ സിയാൻ, ഗീക്ക് ബ്ലാക്ക് കളർ ഓപ്ഷനുകളിൽ ഇത് വാങ്ങാനാകും. ജൂൺ 5 മുതൽ ആണ് വിൽപ്പന ആരംഭിക്കുക. ഓൺ​ലൈനായി ഫ്ലിപ്കാർട്ടിൽ നിന്ന് വാങ്ങാം. ഓഫ്‌ലൈൻ സ്റ്റോറുകളിൽ 8GB മോഡൽ ലഭ്യമാകും.