ടെക്നോ പോവ ബജറ്റ് ഗെയിമിംഗ് ഫോൺ ഇന്ത്യയിൽ ഡിസംബർ 4 ന് അവതരിപ്പിക്കും

ടെക്നോ പോവ സവിശേഷതകൾ

ഒരു വലിയ ബാറ്ററി, ഗെയിമിംഗ്-സെൻട്രിക്ക് പ്രോസസർ എന്നിവ ഉൾപ്പെടുന്ന ആകർഷകമായ ചില സവിശേഷതകൾ ഈ ബജറ്റ് ഹാൻഡ്‌സെറ്റിനുണ്ട്. 3 ഡി മൾട്ടി-ലെയർ ഗ്രാഫൈറ്റ് വരുന്ന ഹീറ്റ്-ഡിസിപേഷൻ മെറ്റീരിയലാണ് ഈ ഹാൻഡ്‌സെറ്റിന്റെ പ്രധാന പ്രത്യേകത. ഈ സവിശേഷത വിപണിയിൽ വരുന്ന മറ്റു ചില മിഡ് റേഞ്ച് സ്മാർട്ഫോണുകൾക്കെതിരെ മത്സരിക്കാൻ ഈ ഹാൻഡ്‌സെറ്റിനെ സഹായിക്കും.

ടെക്നോ പോവ 6.8 ഇഞ്ച് എച്ച്ഡി + ഡോട്ട്-ഇൻ ഡിസ്‌പ്ലേയ്ക്ക് 1600 x 720 പിക്‌സൽ സ്‌ക്രീൻ റെസലൂഷൻ വരുന്നു. 8 എംപി സെൽഫി ക്യാമറ നിർമ്മിക്കുന്നതിനായി പഞ്ച്-ഹോൾ കട്ട്ഔട്ടും ഉണ്ട്. മൈക്രോ എസ്ഡി കാർഡ് സ്ലോട്ട് വഴി 256 ജിബി വരെ എക്സ്പാൻഡ് ചെയ്യുവാൻ കഴിയുന്ന 6 ജിബി റാമും 64 ജിബി ഇന്റേണൽ സ്റ്റോറേജുമായി ജോടിയാക്കിയ മീഡിയടെക് ഹീലിയോ ജി 80 ചിപ്‌സെറ്റാണ് ഈ ഹാൻഡ്‌സെറ്റിന് കരുത്ത് നൽകുന്നത്.

18W ഡ്യുവൽ ഐസി ഫ്ലാഷ് ചാർജിംഗിനെ സപ്പോർട്ട് ചെയ്യുന്ന 6,000 mAh ബാറ്ററിയാണ് ആൻഡ്രോയിഡ് 10ൽ പ്രവർത്തിപ്പിക്കുന്നത്. 10 മിനിറ്റ് ചാർജിൽ 20 മണിക്കൂർ വരെ മ്യൂസിക് പ്ലേയ്‌ബാക്ക് ചെയ്യുന്നതിനായുള്ള സമയം ലഭിക്കുമെന്ന്‌ കമ്പനി അവകാശപ്പെടുന്നു. 13 എംപി പ്രൈമറി ലെൻസ്, 2 എംപി സെക്കൻഡ് സെൻസർ, 2 എംപി തേർഡ് ലെൻസ്, എഐ എച്ച്ഡി ലെൻസ് എന്നിവയാണ് ടെക്‌നോ പോവയിൽ വരുന്ന ക്വാഡ് ക്യാമറ സെറ്റപ്പ്.

ഡ്യുവൽ 4 ജി വോൾട്ട്, ബ്ലൂടൂത്ത്, വൈ-ഫൈ, എഫ്എം റേഡിയോ, ഒടിജി, ജിപിഎസ്, ഡ്യുവൽ സിം, യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു.185 ഗ്രാം ഭാരമാണ് ഈ ഹാൻഡ്‌സെറ്റിന് വരുന്നത്.