ബജറ്റ് വിലയിൽ 5000 എംഎഎച്ച് ബാറ്ററിയുമായി ടെക്നോ സ്പാർക്ക് 7 പ്രോ അവതരിപ്പിച്ചു

ഉദാഹരണത്തിന്, ടെക്നോ സ്പാർക്ക് 7 പ്രോ 90 ഹെർട്സ് റിഫ്രഷ് റേറ്റും 180 ഹെർട്സ് ടച്ച് സാമ്പിൾ റേറ്റുമുള്ള ഒരു വലിയ ഡിസ്പ്ലേ നൽകുന്നു. 5000 എംഎഎച്ച് ബാറ്ററിയും ഇതിലുണ്ട്. 34 ദിവസത്തെ സ്റ്റാൻഡ്‌ബൈ സമയം നൽകാനാകുമെന്ന് കമ്പനി അവകാശപ്പെടുന്നു. ആൻഡ്രോയിഡ് ഉപയോഗിക്കുന്ന ആളുകൾ അഭിമുഖീകരിക്കുന്ന ഏറ്റവും വലിയ പ്രശ്‌നം അവരുടെ ഫോണിൻറെ ബാറ്ററിയാണ്. എന്നാൽ, ടെക്നോ സ്പാർക്ക് 7 പ്രോ ഈ പ്രശ്‌നം ഒഴിവാക്കാൻ ഇവിടെ ശ്രമിക്കുന്നതായി പറയുന്നു. ടെക്നോ സ്പാർക്ക് 7 പ്രോ ഒരു മികച്ച ബജറ്റ് ഫോണാക്കി ഇവിടെ മാറ്റുന്നു.

ടെക്നോ സ്പാർക്ക് 7 പ്രോ സ്മാർട്ഫോണിൻറെ വില

ടെക്നോ സ്പാർക്ക് 7 പ്രോ സ്മാർട്ഫോൺ രണ്ട് വേരിയന്റുകളിലാണ് വിപണിയിൽ വരുന്നത്. 9,999 രൂപ വിലയിൽ 4 ജിബി റാമും 64 ജിബി സ്റ്റോറേജ് എഡിഷനും, 10,999 രൂപയ്ക്ക് 6 ജിബി റാമും 64 ജിബി സ്റ്റോറേജ് എഡിഷനും വിപണിയിൽ വരുന്നു. എസ്‌ബി‌ഐ ക്രെഡിറ്റ് കാർഡും ക്രെഡിറ്റ് കാർഡ് ഇ‌എം‌ഐ പേയ്‌മെന്റ് ഓപ്ഷനുകളും ഉപയോഗിച്ച് വാങ്ങുകയാണെങ്കിൽ 10 ശതമാനം കിഴിവ് ലഭിക്കുന്നതാണ്. അപ്പോൾ ഈ ബേസിക് മോഡൽ നിങ്ങൾക്ക് 8,999 രൂപയ്ക്കും മറ്റൊന്ന് 9,900 രൂപയ്ക്കും ലഭിക്കുന്നതാണ്. മെയ് 28 മുതൽ ആമസോണിൽ നിന്നും ആൽപ്സ് ബ്ലൂ, സ്പ്രൂസ് ഗ്രീൻ, മാഗ്നെറ്റ് ബ്ലാക്ക് നിറങ്ങളിൽ സ്പാർക്ക് 7 പ്രോ നിങ്ങൾക്ക് സ്വന്തമാക്കാവുന്നതാണ്.

ടെക്നോ സ്പാർക്ക് 7 പ്രോ സ്മാർട്ഫോണിൻറെ സവിശേഷതകൾ

ചില മികച്ച സവിശേഷതകളുള്ള ഒരു ബജറ്റ് സ്മാർട്ട്‌ഫോണാണ് ടെക്നോ സ്പാർക്ക് 7 പ്രോ. 6.6 ഇഞ്ച് എച്ച്ഡി + ഡിസ്‌പ്ലേയാണ് ഫോണിനുള്ളത്. ഡിസ്പ്ലേയ്ക്ക് 90Hz റിഫ്രഷ് റേറ്റുള്ളതിനാൽ സ്ക്രോളിംഗ്, ഗെയിമിംഗ്, മറ്റ് കാര്യങ്ങൾ സുഗമമായി ഉപയോഗിക്കാനാകും. ഈ ഹാൻഡ്‌സെറ്റിന് പിന്നിൽ ഒരു 3ഡി സവിശേഷത ഉപയോഗിച്ചിരിക്കുന്നു. അത് ഈ സ്മാർട്ഫോണിനെ കൂടുതൽ മികച്ചതാക്കുന്നു. 6 ജിബി വരെ റാമുമായി ജോടിയാക്കിയ ടെക്നോ സ്പാർക്ക് 7 പ്രോയ്ക്ക് മികച്ച പ്രവർത്തക്ഷമത നൽകുന്നത് ഒക്ടാകോർ മീഡിയടെക് ഹീലിയോ ജി 80 പ്രോസസറാണ്. 64 ജിബി സ്റ്റോറേജുള്ള ഈ സ്മാർട്ഫോണിൽ കൂടുതൽ സ്റ്റോറേജ് മൈക്രോ എസ്ഡി കാർഡ് ഉപയോഗിച്ച് എക്സ്പാൻഡ് ചെയ്യാവുന്നതാണ്.

ടെക്നോ സ്പാർക്ക് 7 പ്രോ സ്മാർട്ഫോണിൻറെ ക്യാമറ സവിശേഷതകൾ

ക്യാമറ സംവിധാനത്തിൽ 48 മെഗാപിക്സൽ മെയിൻ സെൻസർ, 2 മെഗാപിക്സൽ ഡെപ്ത് സെൻസർ, എഐ ക്യാമറ എന്നിവ ഉൾപ്പെടുന്നു, ഇതിൽ റെസലൂഷൻ ലഭ്യമല്ല. പ്രധാന ക്യാമറയ്ക്ക് 2 കെ ക്യുഎച്ച്ഡി റെസല്യൂഷനിൽ പ്രൊഫഷണൽ ഗ്രേഡ് വീഡിയോകൾ ഷൂട്ട് ചെയ്യാൻ കഴിയുമെന്ന് ടെക്നോ പറയുന്നു. ഈ സ്മാർട്ട്ഫോണിൽ ഒരു കൂട്ടം ക്യാമറ ഫിൽട്ടറുകളും മോഡുകളും ഉണ്ട്. സെൽഫികൾ പകർത്തുവാൻ സ്മാർട്ട്‌ഫോണിന് 8 മെഗാപിക്സൽ ക്യാമറയുണ്ട്. സെൽഫി ക്യാമറയ്‌ക്കായി നിങ്ങൾക്ക് ഡ്യൂവൽ ഫ്ലാഷുകൾ ലഭിക്കുന്നു എന്നതാണ് ഇവിടെ ഏറ്റവും മികച്ച മറ്റൊരു സവിശേഷത. ഒരു ഐ-ട്രാക്കിംഗ് സവിശേഷതയുമുണ്ട്. ഫേഷ്യൽ റെക്കഗ്നിഷനും പിന്നിൽ ഫിംഗർപ്രിന്റ് സെൻസറുമായാണ് ടെക്നോ സ്പാർക്ക് 7 പ്രോ വിപണിയിൽ വരുന്നത്.

ടെക്നോ സ്പാർക്ക് 7 പ്രോയിൽ 5000 എംഎഎച്ച് ബാറ്ററിയാണ് നൽകിയിട്ടുള്ളത്. ഇത് 34 ദിവസം വരെ സ്റ്റാൻഡ്‌ബൈ ടൈം, 35 മണിക്കൂർ കോളിംഗ് ടൈം, 14 മണിക്കൂർ വെബ് ബ്രൗസിംഗ് ടൈം, 7 ദിവസത്തെ മ്യൂസിക് പ്ലേബാക്ക്, 15 മണിക്കൂർ ' ഗെയിം പ്ലേയിംഗും, 23 മണിക്കൂർ വീഡിയോ പ്ലേബാക്കും നിങ്ങൾക്ക് ലഭിക്കുന്നു. കണക്റ്റിവിറ്റി ഓപ്ഷനുകളിൽ ഈ സ്മാർട്ട്ഫോണിന് 3.5 എംഎം ഹെഡ്‌ഫോൺ ജാക്കുമുണ്ട്.