ടെക്നോ സ്പാർക്ക് 7 ഏപ്രിൽ 9 ന് അവതരിപ്പിക്കും: പ്രധാന സവിശേഷതകളറിയാം

മുകളിൽ സൂചിപ്പിച്ചതുപോലെ ടെക്നോ സ്പാർക്ക് 7 ഔദ്യോഗികമായി 2021 ഏപ്രിൽ 9 ന് ഇന്ത്യയിൽ വിപണിയിലെത്താൻ പോകുന്നു, കൂടാതെ ഈ സ്മാർട്ട്ഫോൺ ആമസോൺ ഇന്ത്യ വഴി പ്രത്യേകമായി വിൽപ്പനയ്‌ക്കെത്തും. എന്നാൽ, ലോഞ്ച് സമയം കമ്പനി ഇതുവരെ വെളിപ്പെടുത്തിയിട്ടില്ല. പക്ഷേ, ഇത് കൃത്യം 12:00 മണിക്ക് ആയിരിക്കുമെന്ന് പ്രതീക്ഷിക്കാം. ഈ സ്മാർട്ട്‌ഫോണിന്റെ വിലയെക്കുറിച്ച് ഒരു വിവരവും ഇതുവരെ കമ്പനി ലഭ്യമാക്കിയിട്ടില്ല.

6,000 എംഎഎച്ച് ബാറ്ററിയാണ് ഈ ഹാൻഡ്‌സെറ്റിന് ലഭിക്കുന്നതെന്ന് ആമസോൺ ടീസർ പേജ് വെളിപ്പെടുത്തുന്നു. ഇത് 41 ദിവസം വരെ നിൽക്കുമെന്ന് അവകാശപ്പെടുന്ന സ്റ്റാൻഡ്‌ബൈ ടൈമുണ്ട്. ഈ ഹാൻഡ്‌സെറ്റ് ഫാസ്റ്റ് ചാർജിംഗ് അവതരിപ്പിക്കുമോ ഇല്ലയോ എന്ന് വെളിപ്പെടുത്തിയിട്ടില്ല. കപ്പാസിറ്റീവ് ഫിംഗർപ്രിന്റ് സെൻസറിനൊപ്പം ഡ്യുവൽ ക്യാമറ സെറ്റപ്പുമായാണ് ഈ ഹാൻഡ്‌സെറ്റ് വരുന്നത്. മുൻവശത്ത്, മുൻ ക്യാമറയെ ഉൾപ്പെടുത്തുന്നതിനായി വാട്ടർ ഡ്രോപ്പ്-സ്റ്റൈൽ നോച്ച് ഡിസ്പ്ലേ അവതരിപ്പിക്കും.

എന്നാൽ, ടീസർ പേജ് ക്യാമറ സെൻസറുകൾക്കായുള്ള സവിശേഷതകൾ വെളിപ്പെടുത്തുന്നില്ല. ടൈം-ലാപ്‌സ് വീഡിയോകൾ, വീഡിയോ ബോക്കെ, സ്ലോ-മോ വീഡിയോ റെക്കോർഡിംഗ് പോലുള്ള സവിശേഷതകളുമായി ക്യാമറകൾ വരുമെന്ന് ആമസോൺ പേജ് വിശദീകരിക്കുന്നു. ഫ്രണ്ട് ക്യാമറ മൊഡ്യൂളിനെ രണ്ട് ഫിസിക്കൽ എൽഇഡി ഫ്ലാഷുകളും സപ്പോർട്ട് ചെയ്യുന്നു. ഇത് സ്മാർട്ട്‌ഫോണിന്റെ ടോപ്പ് ബെസലിൽ ഉൾപ്പെടുത്തിയിട്ടുണ്ട്.

മൈക്രോസൈറ്റിൽ പ്രദർശിപ്പിച്ചിരിക്കുന്ന പ്രമോഷണൽ ഇമേജുകൾ പച്ച, നീല കളർ ഓപ്ഷനുകളിൽ ഈ ഹാൻഡ്‌സെറ്റ് ലഭ്യമാക്കുമെന്ന് വെളിപ്പെടുത്തുന്നു. ജിഎസ്മറീനയുടെ നേരത്തെ റിപ്പോർട്ട് അനുസരിച്ച്, കമ്പനി ഒരു ബ്ലാക്ക് കളർ ഓപ്ഷനും രാജ്യത്ത് അവതരിപ്പിക്കും. ഇതുകൂടാതെ, വരാനിരിക്കുന്ന ഹാൻഡ്സെറ്റിനെ കുറിച്ച് കമ്പനി കൂടുതൽ കാര്യങ്ങൾ വെളിപ്പെടുത്തിയിട്ടില്ല. ഏപ്രിൽ 9 ന് ഈ ഹാൻഡ്‌സെറ്റ് ലോഞ്ച് ചെയ്യുമ്പോൾ നിങ്ങൾക്ക് മുഴുവൻ സവിശേഷതകളും അറിയുവാൻ സാധിക്കും.