ടെക്നോ സ്പാർക്ക് ഗോ 2020 നാളെ അവതരിപ്പിക്കും; പ്രതീക്ഷിക്കുന്ന വില, സവിശേഷതകൾ

ടെക്നോ സ്പാർക്ക് ഗോ 2020: ലോഞ്ച്, പ്രതീക്ഷിക്കുന്ന വില

ടെക്നോ സ്പാർക്ക് ഗോ 2020 സെപ്റ്റംബർ ഒന്നിന് അതായത് ചൊവ്വാഴ്ച ഇന്ത്യയിൽ വിപണിയിലെത്തുമെന്ന് സ്ഥിരീകരിച്ചു. ഈ ഫോണിന്റെ ഫ്രണ്ട് ഡിസ്പ്ലേ ഡിസൈൻ ഫ്ലിപ്പ്കാർറ്റിൻറെ പേജിൽ വെളിപ്പെടുത്തുന്നു. സെൽഫി ക്യാമറ സെറ്റപ്പും, ഫോണിൻറെ കീഴിലായി വളരെ ചെറിയ ചിന്നും വാട്ടർ ഡ്രോപ്പ് ശൈലിയിൽ കാണാം. ഈ സ്മാർട്ട്ഫോണിന് ചുവടെ യുഎസ്ബി ടൈപ്പ്-സി പോർട്ടും 3.5 എംഎം ഓഡിയോ ജാക്കും വരുന്നു. വോളിയവും പവർ ബട്ടണുകളും സ്‌ക്രീനിന്റെ വലതുവശത്തായി സ്ഥാപിച്ചിരിക്കുന്നു.

ടെക്നോ സ്പാർക്ക് ഗോ 2020 ഒരു നീല നിറത്തിലുള്ള ഫിനിഷാണ് കാണിക്കുന്നത്. ചിലപ്പോൾ ഈ ഹാൻഡ്‌സെറ്റ് അവതരിപ്പിക്കുമ്പോൾ കൂടുതൽ കളർ ഓപ്ഷനുകളിൽ വന്നേക്കാം. ഫ്ലിപ്കാർട്ട് ടീസർ ഇ-കൊമേഴ്‌സ് വെബ്സൈറ്റിലെ ലഭ്യത സ്ഥിരീകരിക്കുന്നുണ്ട്. ടെക്നോ സ്പാർക്ക് ഗോ 2020 ന്റെ വില ഇപ്പോൾ വ്യക്തമായി അറിയില്ല, പക്ഷേ എല്ലാ വിശദാംശങ്ങളും നാളെ അവതരിപ്പിക്കുമ്പോൾ നിങ്ങൾക്ക് ലഭിക്കുന്നതാണ്. ടെക്നോ സ്പാർക്ക് ഗോ കഴിഞ്ഞ വർഷം 5,499 രൂപ വിലയിൽ അവതരിപ്പിച്ചിരുന്നു.

ടെക്നോ സ്പാർക്ക് ഗോ 2020: പ്രതീക്ഷിക്കുന്ന സവിശേഷതകൾ

ടെക്നോ സ്പാർക്ക് ഗോ 2020 ന് ഒരു വലിയ ബാറ്ററി ലഭിക്കുമെന്ന് ഫ്ലിപ്പ്കാർട്ട് ലിസ്റ്റിംഗ് കാണിക്കുന്നു, പക്ഷേ കൃത്യമായ ശേഷി ഇപ്പോൾ അറിയില്ല. 6.52 ഇഞ്ച് എച്ച്ഡി + ഡിസ്‌പ്ലേയും ഹാൻഡ്‌സെറ്റിനുണ്ട്. കഴിഞ്ഞ വർഷം പുറത്തിറക്കിയ ടെക്നോ സ്പാർക്ക് ഗോയിലെ 6.1 ഇഞ്ച് ഡിസ്‌പ്ലേയേക്കാൾ വളരെ വലുതാണ് ഈ പുതിയ ഹാൻഡ്‌സെറ്റിന് ലഭിക്കുന്നത്. ഇതിനുപുറമെ, ടെക്നോ സ്പാർക്ക് ഗോ 2020 ലെ എന്റർടൈൻമെന്റ്-സെൻട്രിക് സവിശേഷതകൾ ഫ്ലിപ്പ്കാർട്ട് പേജിൽ കാണിക്കുന്നു. ക്യാമറ വിശദാംശങ്ങൾ ഉൾപ്പെടെ മറ്റ് സവിശേഷതകളെല്ലാം ഇപ്പോൾ ലഭ്യമല്ല. എന്നിരുന്നാലും, എല്ലാ വിശദാംശങ്ങളും ചൊവ്വാഴ്ച ഉച്ചയ്ക്ക് ഔദ്യോഗികമായി ലഭ്യമാകും.