എല്ലാം സെറ്റാണ്; മോട്ടോ ജി72 ​ഒക്ടോബർ 3 ന് ഇന്ത്യയിലെത്തും

മോട്ടോ ജി72 (Moto G72 ) എന്ന പേരിൽ പുറത്തിറങ്ങാനിരിക്കുന്ന ഈ സ്മാർട്ട്ഫോണിനായുള്ള കാത്തിരിപ്പിന്റെ നാളുകൾ അ‌വസാനിക്കാറായി എന്നാണ് ഇപ്പോൾ പുറത്തു വന്നിരിക്കുന്ന വാർത്ത. മോട്ടോ ജി72 ഇന്ത്യയിൽ പുറത്തിറക്കുന്ന തീയതി ഔദ്യോഗികമായി പ്രഖ്യാപിച്ചുകൊണ്ട് കമ്പനിതന്നെ ആണ് ആരാധകരുടെ കാത്തിരിപ്പിന് വിരാമമാകാറായി എന്ന് അ‌റിയിച്ചത്. ഒക്ടോബർ 3 ന് മോട്ടോ ജി72 ഫ്ലിപ്പ്കാർട്ട് വഴി ഇന്ത്യയുടെ കരങ്ങളിലേക്ക് എത്തും എന്നാണ് സാമൂഹികമാധ്യമങ്ങളിലെ പേജുകൾ വഴി മോട്ടറോള അ‌റിയിച്ചിരിക്കുന്നത്.

മോട്ടോ ജി72 -ന്റെ ഫീച്ചറുകൾ സംബന്ധിച്ച് ഇതുവരെ ഔദ്യോഗിക പ്രഖ്യാപനങ്ങൾ കാര്യമായി ഉണ്ടായിട്ടില്ലെങ്കിലും ഇപ്പോൾ ഫ്ലിപ്കാർട്ടിൽ ലിസ്റ്റ് ചെയ്തതോടെ ഏതാനും സൂചനകൾ ലഭ്യമായിട്ടുണ്ട്. വിൽപ്പനയുടെ പരസ്യത്തിനായി ഫ്ലിപ്കാർട്ട് പുറത്തിറക്കിയ ചിത്രങ്ങളിൽ നിന്നാണ് മോട്ടറോള ജി72 വിന്റെ ചില ​സ്പെസിഫിക്കേഷനുകളുടെ വിവരങ്ങൾ ലഭ്യമായിരിക്കുന്നത്.

'രണ്ടു​കൈയും' നോക്കാൻ നോക്കിയ; പുത്തൻ ടി10 ടാബ്ലെറ്റ് ഇന്ത്യയിൽ പുറത്തിറക്കി

 

ഒക്ടാകോർ മീഡിയടെക് ഹീലിയോ G99 പ്രൊസസറിന്റെ കരുത്തിലാണ് ഈ 5ജി സ്മാർട്ട്ഫോൺ പ്രവർത്തിക്കുക. 5000 എംഎഎച്ചിന്റെ ബാറ്ററി കപ്പാസിറ്റിയും കൂടെ ഉണ്ടാകും എന്ന് ഉറപ്പായിട്ടുണ്ട്. മോട്ടറോളയും ഫ്ലിപ്കാർട്ടും മോട്ടോ ജി72 ന്റെ ലോഞ്ച് സംബന്ധിച്ച പ്രഖ്യാപനം നടത്തുന്നതിന് മുമ്പ് തന്നെ ചില ടിപ്സർമാർ ഈ മോട്ടറോള ഫോൺ സംബന്ധിച്ച ചില വിവരങ്ങൾ പുറത്തുവിട്ടിരുന്നു.

ഡി​സൈൻ സംബന്ധിച്ചുള്ള ഈ വിവരങ്ങൾ ശരിവയ്ക്കുന്നതാണ് ഇപ്പോൾ പുറത്തുവന്നിട്ടുള്ള ചിത്രങ്ങൾ. മോട്ടോ ജി72 വിന്റെ മുകളിൽ മധ്യഭാഗത്തായി ഒരു പഞ്ച് ഹോൾ കട്ട് ഔട്ട് നൽകിയിട്ടുണ്ട്. മൂന്നു സെൻസറുകൾ അ‌ടങ്ങിയ റിയർ ക്യാമറയും ഡിസ്​പ്ലെയിൽ ഫിംഗർ പ്രിന്റ് സെൻസറും നൽകിയിരിക്കുന്നു എന്നാണ് വ്യക്തമാകുന്നത്.

ചെറുതായൊന്ന് പണിപാളി; ഫോണിലെ രഹസ്യങ്ങൾ പുറത്താകേണ്ടെങ്കിൽ വാട്സ്ആപ്പ് വേഗം അ‌പ്ഡേറ്റ് ചെയ്തോ

പുറത്തുവന്ന വിവരങ്ങളും ചിത്രങ്ങളും പ്രകാരം 10 - ബിറ്റ് ഒഎൽഇഡി ഡിസ്പ്ലെ ആണ് മോട്ടോ ജി72 ന് ഉണ്ടാകുക. 120 ഹെർട്സ് എന്ന ഉയർന്ന റിഫ്രഷ് റേറ്റും 1300 നിറ്റ്സ് എന്ന മികച്ച ​ബ്രൈറ്റ്നെസും ഒപ്പമുണ്ടാകും. എന്നാൽ സ്ക്രീൻ ​സൈസ് സംബന്ധിച്ച വിവരങ്ങൾ ഇപ്പോഴും അ‌ജ്ഞാതമാണ്. എങ്കിലും എച്ച്ഡിആർ 10 സപ്പോർട്ടും ഡിസിഐ-പി3 കളർ ഗാമറ്റ് (DCI-P3 color gamut) ഫീച്ചറും പ്രതീക്ഷിക്കപ്പെടുന്നുണ്ട്.

ഹാർഡ്വെയറിന്റെ കാര്യത്തിലേക്ക് വന്നാൽ, 6എൻഎം നിർമാണപ്രക്രിയയെ അ‌ടിസ്ഥാനമാക്കി, ഒക്ടാ- കോർ മീഡിയ ടെക് ഹീലിയോ ജി99 എസ്ഒസി ചിപ്സെറ്റ് ആണ് മോട്ടോ ജി72 വിൽ പ്രവർത്തിക്കുന്നത്. 6 ജിബി റാം 128 ജിബി ഇന്റേണൽ സ്റ്റോറേജ് എന്നിവയും നൽകിയിരിക്കുന്നു. 33 വാട്ട് ഫാസ്റ്റ് ചാർജിങ് സപ്പോർട്ടോടു കൂടിയതാണ് ഇതിലെ 5000 എംഎഎച്ച് ബാറ്ററി. ആൻഡ്രോയിഡ് 12 ൽ ആണ് മോട്ടോ ജി72 പ്രവർത്തിക്കുക.

സുരക്ഷ മറന്നാൽ കളി കാര്യമാകും; വാട്സ്ആപ്പ് ഉപയോഗിക്കുമ്പോൾ അ‌റിഞ്ഞിരിക്കേണ്ട ട്രിക്സ് ഇതാ..

ക്യാമറ സെക്ഷനിലേക്ക് വന്നാൽ, പിൻ വശത്തായി ട്രിപ്പിൾ ക്യാമറ സെറ്റ്പ്പ് ആണ് നൽകിയിരിക്കുന്നത് എന്ന് ഇതിനകം വ്യക്തമായിക്കഴിഞ്ഞ കാര്യമാണ്. 108 എംപി ​പ്രൈമറി സെൻസർ, ഒരു അ‌ൾട്രാ​- വൈഡ് ആംഗിൾ ലെൻസ്, ഒരു ​മാക്രോ ലെൻസ് എന്നിവ ഉൾപ്പെടുന്നതാകും ഈ ക്യാമറ ത്രയങ്ങൾ. മറ്റൊരു സവിശേഷത ഡോൾബി അ‌റ്റ്മോസോടു കൂടിയ സ്റ്റീരിയോ സ്പീക്കർ സെറ്റപ്പും ഐപി52 റേറ്റിങ് വാട്ടർ റസിസ്റ്റൻസും ജി72 വിന് ഉണ്ടാകും എന്നതാണ്.

എന്തായാലും മോട്ടറോള അ‌ണിയിച്ചൊരുക്കിയ ഈ 5ജി സ്മാർട്ട്ഫോൺ നമ്മുടെ ​കൈകളിലെത്താൻ ഇനി ദിവസങ്ങൾ മാത്രമാണ് അ‌വശേഷിക്കുന്നത്. മോട്ടോ ജി72 വിന്റെ വിലയും മറ്റ് വിവരങ്ങളും വരുംദിവസങ്ങളിൽ പുറത്തുവരും എന്നുതന്നെ പ്രതീക്ഷിക്കാം. ബിഗ് ബില്യൺ ഡേ സെയിലിനോട് അ‌നുബന്ധിച്ചാണ് ഈ ​മോട്ട​റോള ഫോണിന്റെ വരവ് എന്നതിനാൽ കാര്യമായ ഡിസ്കൗണ്ടുകളോടെ ഈ മോട്ടോ ജി72 സ്വന്തമാക്കാം എന്ന പ്രതീക്ഷയിലാണ് മോട്ട​റോള ഫാൻസ്.

ഉഗ്രൻ സെഞ്ച്വറിക്കാർ ; 108 എംപി പ്രൈമറി ക്യാമറ ഫീച്ചർ ചെയ്യുന്ന സ്മാർട്ട്ഫോണുകൾ