ഈ കിടിലൻ 5ജി സ്മാർട്ട്ഫോണിന് 5000 രൂപ കുറച്ചിട്ടുണ്ട്, ''സന്തോഷിച്ചാട്ടെ''!

മെമ്മറിയുടെ അ‌ടിസ്ഥാനത്തിൽ 8ജിബി, 12 ജിബി എന്നിങ്ങനെ രണ്ട് വേരിയന്റുകളാണ് കമ്പനി പുറത്തിറക്കിയിരിക്കുന്നത്. ഈ രണ്ട് വേരിയന്റുകളുടെ വിലയിലും 5000 രൂപയുടെ വീതം കുറവ് വരുത്തിയിട്ടുണ്ട്. വൺപ്ലസ് 10 പ്രോ 5ജി യുടെ യഥാർത്ഥ വില 8 ജിബി വേരിയന്റിന് 66,900 രൂപയും 12 ജിബി വേരിയന്റിന് 71,900 രൂപയുമാണ്. എന്നാൽ പുതിയ ഡിസ്കൗണ്ട് അ‌നുസരിച്ച് വൺപ്ലസ് ​10 പ്രോ 5ജി 8GB വേരിയന്റിന്റെ വില 61,999 രൂപയായി കുറഞ്ഞു.

ബജറ്റ് സെഗ്മെന്റിലെ ജനപ്രിയർ; കുറഞ്ഞ വിലയിൽ മാന്യമായ പെർഫോമൻസ് നൽകുന്ന റെഡ്മി ഫോണുകൾ

12GB വേരിയന്റിന് ഇതേ രീതിയിൽ വിലകുറഞ്ഞ് 66,999 രൂപയ്ക്ക് ഇപ്പോൾ ലഭ്യമാണ്. വോൾക്കാനിക് ബ്ലാക്ക്, എമറാൾഡ് ബ്ലാക്ക് ഫോറസ്റ്റ് കളർ ഓപ്ഷനുകളിലാണ് ഈ 5ജി സ്മാർട്ട്ഫോൺ ലഭ്യമാകുന്നത്. ഈ വർഷം മാർച്ചിലാണ് വൺപ്ലസിൽനിന്നുള്ള ഈ സ്മാർട്ട്ഫോൺ പുറത്തിറങ്ങിയത്. പ്രീമിയം നിരക്കിൽ എത്തിയിരുന്നതിനാൽ സാധാരണക്കാർക്കും ഇടത്തരക്കാർക്കും വൺപ്ലസ് ഡി​വൈസ് പ്രാപ്യമായിരുന്നില്ല. ഉയർന്ന വിലയ്ക്ക് അ‌നുസരിച്ച് ഉഗ്രൻ ഫീച്ചറുകളും വാഗ്ദാനം ചെയ്യുന്നതാണ് ഈ വൺപ്ലസ് മോഡൽ എന്നാണ് കമ്പനി അ‌വകാശപ്പെട്ടു വരുന്നത്.

സവിശേഷതകൾ

വൺപ്ലസ് 9 പ്രോ എന്ന മുൻഗാമിയുമായി താരതമ്യപ്പെടുത്തുമ്പോൾ വൺപ്ലസ് 10 പ്രോ മികച്ച ഫീച്ചറുകൾ പായ്ക്ക് ചെയ്യുന്നു. മൂന്ന് പിൻ ക്യാമറകളാണ് വൺപ്ലസ് 10 പ്രോ 5ജിയിൽ സജ്ജീകരിച്ചിരിക്കുന്നത്. 48 എംപി പ്രൈമറി സോണി IMX789 സെൻസറും എഫ്/1.8 അപ്പേർച്ചറുള്ള ലെൻസുമാണ് ഇതിലുള്ളത്. ഒഐഎസ് സപ്പോർട്ടും ഈ പ്രൈമറി ക്യാമറയ്ക്ക് ഉണ്ട്. 50 എംപി 150-ഡിഗ്രി വൈഡ് ആംഗിൾ സാംസംഗ് JN1 സെക്കണ്ടറി സെൻസറും എഫ്/2.4 അപ്പർച്ചറും ഒഐഎസ് സപ്പോർട്ടും 3.3x ഒപ്റ്റിക്കൽ സൂമും ഉള്ള 8 എംപി ടെർഷ്യറി ടെലിഫോട്ടോ ക്യാമറയുമാണ് ഈ ഹാസ്സൽബ്ലാഡ് ക്യാമറ സെറ്റപ്പിലെ മറ്റ് ക്യാമറകൾ.

ഐഫോൺ 14 വേണോ? ഐഫോൺ 13 മോഡലും കുറച്ചു കാശും തന്നാൽ മതി, 13 വാങ്ങാനാണോ ബാങ്ക് ഓഫർ തരാമല്ലോ: ഫ്ലിപ്കാർട്ട്

രണ്ടാം തലമുറ ഹാസൽബ്ലാഡ് പ്രോ മോഡ് എല്ലാ പിൻ ക്യാമറകളിൽ നിന്നും 12-ബിറ്റ് റോ ഫോട്ടോഗ്രാഫി സാധ്യമാക്കുന്നു. .32 എംപി സെൽഫി ക്യാമറ സെൻസറും ഇതോടൊപ്പം നൽകിയിരിക്കുന്നു. ഇന്ത്യയിൽ സ്‌നാപ്ഡ്രാഗൺ 8 ജെൻ 1 ചിപ്‌സെറ്റ് ഫീച്ചർ ചെയ്യുന്ന വൺപ്ലസിൽ നിന്നുള്ള ആദ്യത്തെ സ്മാർട്ട്‌ഫോണാണ് വൺപ്ലസ് 10 പ്രോ. ആൻഡ്രോയിഡ് 12 ൽ ആണ് പ്രവർത്തനം.

ഡ്യുവൽ-സെൽ 5,000എംഎഎച്ച് ബാറ്ററിയും 80വാട്ട് ഫാസ്റ്റ് ചാർജറുമാണ് മറ്റു പ്രത്യേകതകൾ. 2 മിനിറ്റിനുള്ളിൽ സ്‌മാർട്ട്‌ഫോൺ 100% വരെ ചാർജ് ചെയ്യാൻ ഈ ഫാസ്റ്റ് ചാർജിങിന് സാധിക്കുമെന്നാണ് കമ്പനി അവകാശപ്പെടുന്നത്. 50വാട്ട് എയർവൂക്ക് വയർലെസ് ഫാസ്റ്റ് ചാർജിങ് സപ്പോർട്ടും ഡിവൈസിൽ ഉണ്ട്. റിവേഴ്സ് വയർലെസ് ചാർജിങും ഈ ഡിവൈസിൽ സാധിക്കും.

ചരിത്ര 'നീക്കം'! നിങ്ങളുടെ പ്രൊ​ഫൈലിലെ മതം, രാഷ്ട്രീയം എന്നിവ ഉൾപ്പെടെ നാല് വിവരങ്ങൾ ഫെയ്സ്ബുക്ക് നീക്കും

128 ജിബി /256 ജിബി ഇന്റേണൽ സ്റ്റോറേജ് വേരിയന്റുകൾ ലഭ്യമാണ്. മാറ്റ് ഫിനിഷുള്ള ഗ്ലാസും 3ഡി നാനോക്രിസ്റ്റലിൻ സെറാമിക് ലെൻസ് കവറുമാണ് വൺപ്ലസ് 10 പ്രോയുടെ മറ്റൊരു സവിശേഷത. മെറ്റൽ മിഡിൽ ഫ്രെയിം 3ഡി നാനോക്രിസ്റ്റലിൻ സെറാമിക് ഉപയോഗിച്ചാണ് നൽകിയിരിക്കുന്നത്. യുഎസ്ബി ടൈപ്പ്-സി പോർട്ട്, സ്റ്റീരിയോ സ്പീക്കറുകൾ, ഡോൾബി അറ്റ്‌മോസ്, വൈഫൈ 6 എന്നിങ്ങനെയുള്ള കണക്റ്റിവിറ്റി ഓപ്ഷനുകളും സജ്ജീകരിച്ചിരിക്കുന്നു.

മസ്കിന്റെയും ബെസോസിന്റെയും വെല്ലുവിളികൾക്കുമേൽ കുതിച്ചുയർന്ന് ഇന്ത്യയുടെ വിക്രം