ഒരു ലക്ഷം രൂപ വിലയുളള ബ്ലാക്ക്‌ബെറിയുടെ "അത്യാഢംബര ഫോണ്‍" ഇന്ത്യയില്‍...!

1

ഒരു ലക്ഷത്തിന് പത്തു രൂപാ കുറവാണ് ഈ ഫോണിന്റെ വില. അതായത് ഫോണിന്റെ വിലയായി കമ്പനി പ്രഖ്യാപിച്ചിരിക്കുന്നത് 99,990 രൂപയാണ്.

2

കഴിഞ്ഞ വര്‍ഷമാണ് ഈ ഫോണ്‍ ബ്ലാക്ക്‌ബെറി ലോക വിപണിയില്‍ അവതരിപ്പിച്ചത്.

3

ഇന്ത്യയിലെ ഉല്‍സവ സീസണ്‍ മുന്നില്‍ കണ്ടാണ് ബ്ലാക്ക്‌ബെറി ഈ ആഢംബര ഫോണ്‍ ഈ സമയത്ത് ഇറക്കിയതെന്ന് വിലയിരുത്തപ്പെടുന്നു.

4

പോര്‍ഷെ കാര്‍ കമ്പനി ബ്ലാക്ക്‌ബെറിയുമായി സഹകരിച്ചാണ് ഈ ഫോണ്‍ വിപണിയിലെത്തിച്ചിരിക്കുന്നത്. പോര്‍ഷെ കമ്പനിയിലെ ഡിസൈനിങ് ടീമാണ് ഈ ഫോണിന്റെ രൂപകല്‍പ്പനയും നിര്‍വഹിച്ചിരിക്കുന്നത്.

ഇതേ പരമ്പരയിലുളള പോര്‍ഷെ ഡിസൈന്‍ പി9981, പി9982 എന്നീ ഫോണുകളുമായി പല സാമ്യതകളും പിന്‍ഗാമിക്കുണ്ട്.

5

ഈ ഫോണ്‍ നിയന്ത്രിക്കാന്‍ പ്രത്യേക പിന്‍ നമ്പറാണ് ബ്ലാക്ക്‌ബെറി നല്‍കുക.

6

ക്വാള്‍കോം സ്‌നാപ്ഡ്രാഗണ്‍ എസ്4പ്രൊ ഡുവല്‍ കോര്‍ പ്രൊസസ്സറാണ് ഫോണിന് നല്‍കിയിരിക്കുന്നത്.

7

2ജിബി റാമും 64ജിബി ഇന്റേണല്‍ മെമ്മറിയും നല്‍കിയിരിക്കുന്നു. മൈക്രോ എസ്ഡി കാര്‍ഡിലൂടെ മെമ്മറി വികസിപ്പിക്കാവുന്നതാണ്.

8

ക്യുവെര്‍ട്ടി കീബോര്‍ഡുളള ഫോണിന്റെ സ്‌ക്രീന്‍ 3.1ഇഞ്ചാണ്. 720X720 പിക്‌സലുകള്‍ റെസലൂഷനാണ് സ്‌ക്രീനിനുളളത്.

9

2,100എംഎഎച്ച് ബാറ്ററിയുളള ഫോണ്‍ 8എംപി പിന്‍ ക്യാമറയും, 2എംപി മുന്‍ ക്യാമറയും വാഗ്ദാനം ചെയ്യുന്നു.

10

140ഗ്രാം ഭാരമുളള ഫോണിന്റെ ഉയരം 10.1എംഎം ആണ്.