മെയ് മാസത്തിൽ ഫോൺ വാങ്ങുന്നോ..? 20,000 രൂപയിൽ താഴെയുള്ള ഏറ്റവും മികച്ച സ്‌മാർട്ട്‌ഫോണുകൾ | Top Smartphones

എല്ലാവർക്കും അഫോർഡബിൾ ആയിട്ടുള്ള സ്മാർട്ട്ഫോണുകൾ ലഭ്യമാകുന്ന സെഗ്മെന്റാണ് 20,000 രൂപയിൽ താഴെ വിലവരുന്ന വിഭാഗം. നല്ല ഡിസ്പ്ലെയും കൊള്ളാവുന്ന ക്യാമറകളും മോശമല്ലാത്ത ഹാർഡ്വെയറുമെല്ലാം സെഗ്മെന്റിലെ ഡിവൈസുകളുടെ പ്രത്യേകതയാണ്. ബജറ്റ് ഫോണുകളിൽ നിന്ന് അപ്ഗ്രേഡ് ചെയ്യാൻ ആഗ്രഹിക്കുന്നവർക്കും ഉയർന്ന പ്രൈസ് ടാഗ് താങ്ങാൻ കഴിയാത്തവർക്കും ഡിവൈസ് നല്ലൊരു ഓപ്ഷനാണ്.

20,000 രൂപയിൽ താഴെയുള്ള ബജറ്റ് സെഗ്മെന്റിൽ അവതരിപ്പിക്കപ്പെടുന്ന ഡിവൈസുകൾക്കുള്ള ഡിമാൻഡ് അടുത്ത കാലത്തായി കൂടുന്നുമുണ്ട്. വിപണിയിലെ മത്സരം കടുക്കുന്നതോടെ നേരത്തെ പ്രീമിയം സെഗ്മെന്റിൽ മാത്രം ലഭ്യമായിരുന്ന ഫീച്ചറുകളും സ്പെക്സും എന്തിനേറെ ചിപ്പ്സെറ്റുകൾ വരെ ഈ പ്രൈസ് റേഞ്ചിലെ ഫോണുകളിൽ കമ്പനികൾ ലഭ്യമാക്കുന്നു. നിലവിൽ വിപണിയിൽ വാങ്ങാൻ കിട്ടുന്നതും ജനപ്രീതി നേടിയതുമായ 20,000 രൂപയിൽ താഴെ വില വരുന്ന Top Smartphones നോക്കാം.

റിയൽമി 10 പ്രോ 5ജി വിലയും ഫീച്ചറുകളും : റിയൽമി 10 പ്രോ 5ജി സ്മാർട്ട്ഫോൺ 120ഹെർട്സ് റിഫ്രഷ് റേറ്റുള്ള 6.72 ഇഞ്ച് ഫുൾ എച്ച്‌ഡി പ്ലസ് എൽസിഡി ഡിസ്‌പ്ലെ ഫീച്ചർ ചെയ്യുന്നു. ക്വാൽകോം സ്‌നാപ്പ്ഡ്രാഗൺ 695 ചിപ്പ്സെറ്റും 8 ജിബി വരെയുള്ള റാം കപ്പാസിറ്റിയും ഫോണിലുണ്ട്. 108 എംപി പ്രൈമറി ക്യാമറയും 2 എംപി ഡെപ്ത് സെൻസറുമുള്ള 10 പ്രോ 5ജി ഏകദേശം 19,000 രൂപയ്ക്ക് വാങ്ങാൻ കഴിയും.

വൺപ്ലസ് നോർഡ് സിഇ 3 ലൈറ്റ് 5ജി വിലയും ഫീച്ചറുകളും : ക്വാൽകോം സ്നാപ്പ്ഡ്രാഗൺ 695 5ജി പ്രോസസറാണ് വൺപ്ലസ് നോർഡ് സിഇ 3 ലൈറ്റ് 5ജി സ്മാർട്ട്ഫോണിന് കരുത്ത് നൽകുന്നത്. 120 ഹെർട്സ് റിഫ്രഷ് റേറ്റുള്ള 6.7 ഇഞ്ച് ഫുൾ എച്ച്‌ഡി പ്ലസ് എൽസിഡി ഡിസ്‌പ്ലെയും ട്രിപ്പിൾ റിയർ ക്യാമറ സജ്ജീകരണവും ഫോണിലുണ്ട്. വൺപ്ലസിന്റെ ഏറ്റവും നിരക്ക് കുറഞ്ഞ നോർഡ് സീരീസ് ഫോണിന് 19,999 രൂപയാണ് വില വരുന്നത്.

ഷവോമി റെഡ്മി നോട്ട് 12 5ജി വിലയും ഫീച്ചറുകളും : റെഡ്മി നോട്ട് 12 4ജി, 5ജി വേരിയന്റുകൾ ഇന്ത്യയിൽ ലഭ്യമാണ്. റെഡ്മി നോട്ട് 12 5ജി 120 ഹെർട്സ് റിഫ്രഷ് റേറ്റുള്ള 6.67 ഇഞ്ച് ഫുൾ എച്ച്‌ഡി പ്ലസ് സൂപ്പർ അമോലെഡ് ഡിസ്‌പ്ലെ ഫീച്ചർ ചെയ്യുന്നു. ക്വാൽകോം സ്‌നാപ്പ്ഡ്രാഗൺ 4 ജെൻ 1 ചിപ്പ്സെറ്റിനൊപ്പം 4 ജിബി റാമും ഡിവൈസിലുണ്ട്. ബേസ് വേരിയന്റിന് 18,000 രൂപയിൽ താഴെയാണ് വില.

ഐക്കൂ Z7 5ജി വിലയും ഫീച്ചറുകളും : മിഡ്റേഞ്ചിൽ ചലനം സൃഷ്ടിക്കുന്ന വിവോ സബ് ബ്രാൻഡ് വിപണിയിലെത്തിക്കുന്ന ഫോണാണ് ഐക്കൂ Z7 5ജി. മീഡിയടെക് ഡൈമെൻസിറ്റി 920 ചിപ്പ്സെറ്റാണ് ഐക്കൂ Z7 5ജിയുടെ ഹൃദയം. 6.38 ഇഞ്ച്, 90ഹെർട്സ് അമോലെഡ് സ്ക്രീൻ, 5000 mAh ബാറ്ററി, 44W ഫാസ്റ്റ് ചാർജിങ് എന്നിവയ്ക്കൊപ്പം 64 എംപി ട്രിപ്പിൾ റിയർ ക്യാമറ സെറ്റപ്പും 16 എംപി സെൽഫി ക്യാമറയുമുള്ള ഫോൺ18,999 രൂപയ്ക്ക് ലഭ്യമാകും.

വിവോ ടി2 5ജി വിലയും ഫീച്ചറുകളും : വിവോയുടെ പുതിയ ടി2 സീരീസിൽ രണ്ട് സ്മാർട്ട്‌ഫോണുകളുണ്ട്, വിവോ ടി2 5ജിയും വിവോ ടി2എക്സ് 5ജിയും. വിവോ ടി2 5ജി ക്വാൽകോം സ്‌നാപ്പ്ഡ്രാഗൺ 695 ചിപ്പ്സെറ്റ് ഫീച്ചർ ചെയ്യുന്നു. ആമസോൺ, വിവോ റീട്ടെയ്ൽ ഔട്ട്ലെറ്റുകൾ എന്നിവിടങ്ങളിലെല്ലാം വിവോ ടി2 5ജി വാങ്ങാൻ കിട്ടും. പുത്തൻ ആൻഡ്രോയിഡ് സ്മാർട്ട്‌ഫോൺ നിലവിൽ 18,999 രൂപയ്ക്കാണ് വിറ്റഴിക്കുന്നത്.