പോക്കോ എം 3 യുടെ രണ്ട് സ്മാർട്ഫോൺ മോഡലുകൾക്ക് വില വർദ്ധിപ്പിച്ചു

രണ്ട് സ്റ്റോറേജ് വേരിയന്റുകളിലായി പോക്കോ എം 3യുടെ വില 500 രൂപ വർധിപ്പിച്ചു. 6 ജിബി റാമും 64 ജിബി സ്റ്റോറേജുമുള്ള എഡിഷൻ ഇപ്പോൾ 11,499 രൂപയും, 128 ജിബി സ്റ്റോറേജ് വേരിയന്റിന് 12,499 രൂപയുമാണ് വില വരുന്നത്. 4 ജിബി റാമുള്ള ബേസിക് എഡിഷനിൻറെ വിലയിൽ മാറ്റം കാണുന്നില്ല. വില വർധിപ്പിക്കുന്നതിന് പിന്നിലെ കാരണം പോക്കോ വെളിപ്പെടുത്തുന്നില്ല, പക്ഷേ ഫോണിൻറെ പ്രധാനപ്പെട്ട ഭാഗങ്ങൾ തന്നെയായിരിക്കും വിലവർദ്ധനവിന് കാരണമായേക്കാമെന്ന് തോന്നുന്നു. പുതിയ വിലകൾ ഓൺ‌ലൈൻ, ഓഫ്‌ലൈൻ ചാനലുകൾക്ക് ബാധകമാണ്.

പോക്കോ എം 3 ഇപ്പോൾ കൂടുതൽ ചിലവേറിയതാണ്

വിലവർദ്ധനവ് ഈ സ്മാർട്ഫോൺ വിഭാഗത്തിൽ പുതിയതല്ല, പ്രത്യേകിച്ച് ഷവോമി അടിസ്ഥാനമാക്കിയുള്ള ബ്രാൻഡുകൾക്ക്. നേരത്തെ, റെഡ്മി നോട്ട് 10 രണ്ട് സ്റ്റോറേജ് വേരിയന്റുകളിലും വിലവർദ്ധനവ് നടത്തിയപ്പോൾ റെഡ്മി നോട്ട് 10 പ്രോയിൽ 128 ജിബി വേരിയന്റിന് വിലയിൽ വർധനയുണ്ടായി. ഡിവൈസിൻറെ ഭാഗങ്ങളുടെയും ലോജിസ്റ്റിക് ചിലവുകളുടെയും വർദ്ധനവാണ് ഈ വിലക്കയറ്റങ്ങളിൽ ഭൂരിഭാഗവും കാരണം.

വിലവർദ്ധനവ് ഉണ്ടായിരുന്നിട്ടും, പോക്കോ എം 3 ഇപ്പോഴും അതിൻറെ വിഭാഗത്തിലെ മികച്ച സ്മാർട്ഫോൺ ഓപ്ഷനുകളിൽ ഒന്നാണ്. റെഡ്മി 10 പവറിനെ അടിസ്ഥാനമാക്കിയുള്ളതാണ് ഈ സ്മാർട്ട്ഫോൺ. ഇത് സമാനമായ വിലയ്ക്ക് വിൽപ്പന നടത്തുകയും ചെയ്യുന്നു. ഗോറില്ല ഗ്ലാസ് 3 സുരക്ഷയുള്ള 6.5 ഇഞ്ച് ഫുൾ എച്ച്ഡി + ഡിസ്‌പ്ലേയാണ് എം 3 ന് ലഭിക്കുന്നത്. 6 ജിബി റാമും 128 ജിബി സ്റ്റോറേജുമായി ജോടിയാക്കിയ സ്നാപ്ഡ്രാഗൺ 662 ചിപ്‌സെറ്റാണ് പോക്കോ എം 3 യ്ക്ക് മികച്ച പ്രവർത്തനക്ഷമത നൽകുന്നത്. ലോഞ്ച് ചെയ്യുന്ന സമയത്ത് ആൻഡ്രോയിഡ് 10 അടിസ്ഥാനമാക്കി പോക്കോ ഇത് എംഐയുഐ 12 ഉപയോഗിച്ച് പുറത്തിറക്കി. 48 മെഗാപിക്സൽ പ്രധാന ക്യാമറ, 2 മെഗാപിക്സൽ മാക്രോ ക്യാമറ, 2 മെഗാപിക്സൽ ഡെപ്ത് ക്യാമറ എന്നിവ ഉൾക്കൊള്ളുന്നതാണ് സവിശേഷ ക്യാമറ ഹമ്പ് ഡിസൈൻ. മുൻ ക്യാമറ 8 മെഗാപിക്സൽ സെൻസർ നൽകിയിരിക്കുന്നു.

18W ഫാസ്റ്റ് ചാർജിംഗിനുള്ള സപ്പോർട്ടുമായി 6000 എംഎഎച്ച് ബാറ്ററി പോക്കോയിലുണ്ട്. 3.5 എംഎം ഹെഡ്‌ഫോൺ ജാക്കും യുഎസ്ബി-സി പോർട്ടും ഇവിടെയുണ്ട്. ബേസിക് എഡിഷൻ 13,999 രൂപ മുതൽ പോക്കോ എം 3 പ്രോയും അടുത്തിടെ പുറത്തിറക്കി. പ്രോയ്ക്ക് 5 ജി ശേഷിയുള്ള ഡൈമെൻസിറ്റി 700 ചിപ്‌സെറ്റും 90 ഹെർട്സ് റിഫ്രഷ് റേറ്റ് ഡിസ്‌പ്ലേയും ലഭിക്കുന്നു, പക്ഷേ ചെറിയ 5000 എംഎഎച്ച് ബാറ്ററിയാണ് ഇതിൽ വരുന്നത്.