ജഗ ജാല കില്ലാഡി തന്നെ! സാംസങ്ങിന്റെ പുതിയ ഇതിഹാസം ഗാലക്‌സി ഇസഡ് ഫ്ലിപ്പ് 6 ലോഞ്ച് ചെയ്തു

പാരീസിൽ നടന്ന അൺപാക്ക്ഡ് ഇവൻ്റിൽ സാംസങ് ഗാലക്‌സി ഇസഡ് ഫ്ലിപ്പ് 6, സാംസങ് ഗാലക്‌സി ഇസഡ് ഫോൾഡ് 6നൊപ്പം അവതരിപ്പിച്ചു. ഗാലക്‌സി ഇസഡ് ഫ്ലിപ്പ് 5ൻ്റെ അതേ ഡിസൈൻ ഈ ഫ്ലിപ്പ് 6 നിലനിർത്തി എങ്കിലും, ഈ പുതിയ ഫോൾഡബിൾ ഫോണിന് ഗാലക്‌സി എഐയും 50 എംപി മെയിൻ ക്യാമറയും ഉൾപ്പെടെ നിരവധി അപ്‌ഗ്രേഡുകൾ ഉണ്ട്. കൂടാതെ, മുൻ മോഡലിനെ അപേക്ഷിച്ച് 4,000mAh ബാറ്ററിയാണ് ഇതിൻ്റെ വേറിട്ട് നിൽക്കുന്ന സവിശേഷത. ഗാലക്‌സി ഇസഡ് ഫ്ലിപ്പ് 6ൻ്റെ സവിശേഷതകളും ലഭ്യതയും നോക്കാം.

സാംസങ് ഗാലക്‌സി ഇസഡ് ഫ്ലിപ്പ് 6,സ്പെസിഫിക്കേഷനുകൾ: ഗാലക്‌സി എസ് 24 സീരീസ് പോലെ, സാംസങ് ഗാലക്‌സി ഇസഡ് ഫ്ലിപ്പ് 6 ഇപ്പോൾ ഗാലക്‌സി എഐയ്‌ക്കൊപ്പം വരുന്നു. ഇത് ട്രാൻസ്‌ലേഷൻ, സമ്മറികൾ, റഫ് സ്കെച്ചുകളെ അടിസ്ഥാനമാക്കി ഇമേജുകൾ സൃഷ്‌ടിക്കുന്നതിന് പുതിയ 'സ്കെച്ച് ടു ഇമേജ്' എന്നിങ്ങനെയുള്ള ഉപകരണത്തിൽ എഐ ജനറേറ്റീവ് സവിശേഷതകൾ കൊണ്ടുവരുന്നു.

ഫീച്ചറുകളുടെ കാര്യത്തിൽ, സാംസങ് ഗാലക്‌സി ഇസഡ് ഫ്ലിപ്പ് 6ന് 6.7-ഇഞ്ച് FHD+ ഡൈനാമിക് AMOLED ഡിസ്‌പ്ലേയും മെയിൻ ഡിസ്‌പ്ലേയിൽ 120Hz റിഫ്രഷ് റേറ്റും 3.4-ഇഞ്ച് സൂപ്പർ AMOLED സെക്കൻഡറി പാനലും 60Hz റിഫ്രഷ് റേറ്റും ഉണ്ട്. 12 ജിബി റാമും 512 ജിബി വരെ ഓൺബോർഡ് സ്റ്റോറേജും സഹിതം സ്‌നാപ്ഡ്രാഗൺ 8 ജെൻ 3 ചിപ്‌സെറ്റിൽ ആണ് ഉപകരണത്തിന് പവർ ലഭിക്കുന്നത്.

ഇസഡ് ഫ്ലിപ്പ് 5ൽ ഫീച്ചർ ചെയ്തിരിക്കുന്ന 12 എംപി സെൻസറിന് വിപരീതമായി സാംസങ് ഗാലക്‌സി ഇസഡ് ഫ്ലിപ്പ് 6ന് 50 എംപി വൈഡ് ആംഗിൾ ക്യാമറ ലഭിക്കുന്നു. 50 എംപി സെൻസറിന് 12 എംപി ക്യാമറയും ഉണ്ട്. സെൽഫികൾക്കായി, 10 എംപി സെൻസർ ഉണ്ട്.

മാത്രമല്ല, ഈ ഫോൾഡബിൾ ഫോണിൽ 25W ഫാസ്റ്റ് ചാർജിംഗ് പിന്തുണയും ഫാസ്റ്റ് വയർലെസ് ചാർജിംഗ് 2.0, വയർലെസ് പവർഷെയർ എന്നിവയുള്ള 4,000mAh ബാറ്ററിയും പായ്ക്ക് ചെയ്യുന്നു. സോഫ്റ്റ്‌വെയറിൻ്റെ കാര്യത്തിൽ, ഫോൺ വൺ യുഐ 6.1.1 ഉള്ള ആൻഡ്രോയിഡ് 14 ഒഎസിലാണ് പ്രവർത്തിക്കുന്നത്. വേപ്പർ കൂളിംഗ് ചേമ്പറോട് കൂടിയ ആദ്യത്തെ ഫ്ലിപ്പ് സീരീസ് ഫോണാണ് സാംസങ് ഗാലക്‌സി ഇസഡ് ഫ്ലിപ്പ് 6. സൈഡ് ഫിംഗർപ്രിൻ്റ് സെൻസറും ഔദ്യോഗിക IP48 റേറ്റിംഗും ഇതിലുണ്ട്.

സാംസങ് ഗാലക്‌സി ഇസഡ് ഫ്ലിപ്പ് 6ന്റെ വിലയും ലഭ്യതയും നോക്കാം. സാംസങ് ഗാലക്‌സി ഇസഡ് ഫ്ലിപ്പ് 6ൻ്റെ വില $1,099 മുതൽ ആണ് ആരംഭിക്കുന്നത്. ബ്രാൻഡിൻ്റെ ഔദ്യോഗിക സൈറ്റിലും ഇന്ത്യയിലെ മറ്റ് ഓൺലൈൻ ഇ-കൊമേഴ്‌സ് പ്ലാറ്റ്‌ഫോമുകളിലും പ്രീ-ബുക്കിംഗിനായി സാംസങ്ങിന്റെ ഈ പുതിയ ഫോൾഡബിൾ ഫോൺ ഇപ്പോൾ ലഭ്യമാണ്.

അതേ സമയം ഗാലക്‌സി ഇസഡ് ഫ്ലിപ്പ് 6, ഗാലക്‌സി ഇസഡ് ഫോൾഡ് 6 ഫോണുകളുടെ വിൽപ്പന ജൂലൈ 24ന് ആണ് ആരംഭിക്കുന്നത്. ഗാലക്‌സി ഇസഡ് ഫ്ലിപ്പ് 6ൻ്റെ ഇന്ത്യയിലെ വില ഇപ്പോഴും പ്രഖ്യാപിച്ചിട്ടില്ല. ഇത് ബ്ലൂ, മിന്റ്, സിൽവർ ഷാഡോ, യെല്ലോ നിറങ്ങളിൽ വാങ്ങാൻ ലഭ്യമാകും. അതേ സമയം സാംസങ്ങിൻ്റെ ഓൺലൈൻ സ്റ്റോറിൽ പീച്ച് കളർവേയിലും വാങ്ങാം.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.