Used Smartphone: ഐഫോണോ? ആൻഡ്രോയിഡോ? പഴയ ഫോൺ വാങ്ങുമ്പോൾ ഇക്കാര്യങ്ങൾ അറിഞ്ഞിരിക്കണം

|

സെക്കൻഡ് ഹാൻഡ് ഡിവൈസുകൾ വാങ്ങുന്ന നിരവധി പേർ നമ്മുടെ നാട്ടിലുണ്ട്. പ്രത്യേകിച്ചും ഫ്ലാഗ്ഷിപ്പ് ഡിവൈസുകൾ. സെക്കൻഡ് ഹാൻഡ് ഫോണുകൾ വാങ്ങുമ്പോൾ ഏറെ ശ്രദ്ധയും കരുതലും വേണം. പലപ്പോഴും ഏതെങ്കിലും ഒരു ഡിവൈസിൽ മനസുറപ്പിച്ച് നിൽക്കാനും കഴിയില്ല. എപ്പോൾ വേണമെങ്കിലും കുറയാവുന്ന പ്രൈസ് ടാഗുകൾ, വിലപേശലിനും മികച്ച ഡീലുകൾക്കുമുള്ള സാധ്യത. അങ്ങനെ ഉപയോഗിച്ച സ്മാർട്ട്ഫോണുകൾ വാങ്ങുമ്പോൾ പരിഗണിക്കേണ്ട നിരവധി വിഷയങ്ങളുണ്ട്. ഐഫോണോ ആൻഡ്രോയിഡോ? കൂടുതൽ അറിയാൻ തുടർന്ന് വായിക്കുക (Used Smartphone).

 

സെക്കൻഡ് ഹാൻഡ് ഡിവൈസുകൾ

സെക്കൻഡ് ഹാൻഡ് ഡിവൈസുകൾ വാങ്ങുമ്പോൾ ഉള്ള എക്കാലത്തെയും ഏറ്റവും വലിയ തർക്കങ്ങളിൽ ഒന്നാണ് ആൻഡ്രോയിഡ് ഡിവൈസുകൾ വാങ്ങണമോ അതോ ഐഫോണുകൾ വാങ്ങണമോ എന്നത്. ഉപയോഗിച്ച ഐഫോണുകളും, അവയുമായി താരതമ്യം ചെയ്യാവുന്ന ആൻഡ്രോയിഡ് (സെക്കൻഡ് ഹാൻഡ്) ഫ്ലാഗ്ഷിപ്പ് സ്മാർട്ട്ഫോണുകളും വാങ്ങുമ്പോൾ വിലയിൽ അടക്കം പരിഗണിക്കേണ്ട വലിയ വ്യത്യാസങ്ങൾ ഉണ്ട്.

കഴിഞ്ഞ ഒരാഴ്ചയ്ക്കിടെ പുറത്തിറങ്ങിയത് ഈ 8 കിടിലൻ സ്മാർട്ട്ഫോണുകൾകഴിഞ്ഞ ഒരാഴ്ചയ്ക്കിടെ പുറത്തിറങ്ങിയത് ഈ 8 കിടിലൻ സ്മാർട്ട്ഫോണുകൾ

അന്തരം

സോഫ്റ്റ്വെയറിലും ഈ അന്തരം പ്രകടമായി കാണാൻ കഴിയും. മൂന്നോ നാലോ വർഷം പഴക്കമുള്ള ഐഫോണിന്റെ സോഫ്റ്റ്വെയർ ആയിരിക്കുമോ അതോ, അതേ പഴക്കമുള്ള ആൻഡ്രോയിഡ് സ്മാർട്ട്ഫോൺ ആയിരിക്കുമോ മികച്ച പെർഫോമൻസ് കാഴ്ച വയ്ക്കുകയെന്നതും ചർച്ചയ്ക്ക് പറ്റുന്ന വിഷയങ്ങളാണ്. പഴയ ഡിവൈസുകളുടെ കാര്യത്തിൽ ആക്സസറി സപ്പോർട്ട് പോലെയുള്ളവയിൽ വരെ വലിയ മാറ്റങ്ങൾ ഉണ്ടാകും.

ഡിവൈസ്
 

എന്ത് കൊണ്ടാണ് ശ്രദ്ധയും ജാഗ്രതയും അനിവാര്യമാണെന്ന് നേരത്തെ പറഞ്ഞതെന്ന് ഇപ്പോൾ മനസിലായിക്കാണുമല്ലോ. ഒരു സെക്കൻഡ് ഹാൻഡ് ഡിവൈസ് വാങ്ങുമ്പോൾ ശ്രദ്ധിക്കേണ്ട കാര്യങ്ങൾ ചുവടെ നൽകിയിരിക്കുന്നു. പഴയ ഐഫോൺ, അല്ലെങ്കിൽ അതേ ഗണത്തിൽ പെടുത്താവുന്ന പഴയ ആൻഡ്രോയിഡ് ഡിവൈസ് വാങ്ങണോ എന്നുള്ള സംശയത്തിന് മറുപടി നൽകാൻ വേണ്ടിയാണ് ഈ താരതമ്യം. കൂടുതൽ അറിയാൻ തുടർന്ന് വായിക്കുക.

WiFi Calling: വൈഫൈ കോളിങ് സിമ്പിളാണ്, പിന്നെ പവർഫുൾ ആണ്; അറിയാം അടിപൊളി ഫീച്ചറിനെക്കുറിച്ച്WiFi Calling: വൈഫൈ കോളിങ് സിമ്പിളാണ്, പിന്നെ പവർഫുൾ ആണ്; അറിയാം അടിപൊളി ഫീച്ചറിനെക്കുറിച്ച്

 സെക്കൻഡ് ഹാൻഡ് ഡിവൈസുകളുടെ വില കുറഞ്ഞ് കൊണ്ടിരിക്കും

സെക്കൻഡ് ഹാൻഡ് ഡിവൈസുകളുടെ വില കുറഞ്ഞ് കൊണ്ടിരിക്കും

സെക്കൻഡ് ഹാൻഡ് ഡിവൈസുകൾ വാങ്ങുമ്പോൾ പരിഗണിക്കേണ്ട ഏറ്റവും പ്രധാനപ്പെട്ട കാര്യം അതിന്റെ വില തന്നെയാണ്. പഴയ ആൻഡ്രോയിഡ് ഫ്ലാഗ്ഷിപ്പ് ഡിവൈസുകളുടെയും ഐഫോൺ മോഡലുകളുടെയും വിലയിൽ പൊതുവായുള്ള ട്രെൻഡുകളെക്കുറിച്ച് ഒരു ധാരണ ഉണ്ടാക്കിയെടുക്കേണ്ടതുണ്ട്. ഇത് വൻ വില കൊടുത്ത് സെക്കൻഡ് ഹാൻഡ് ഡിവൈസുകൾ വാങ്ങുന്ന സാഹചര്യം ഒഴിവാക്കാൻ സഹായിക്കും.

ഡീലർ

വാങ്ങുന്നയാൾ, ഡീലർ എന്നിവരെയെല്ലാം അടിസ്ഥാനമാക്കി ചെറിയ വ്യത്യാസങ്ങളും വിലയിൽ ഉണ്ടാകും. പഴയ ഐഫോണുകളുടെ വില സാവധാനത്തിൽ ഇടിയുന്ന കാഴ്ചയാണ് കണ്ട് വരുന്നത്. ഇത് കാരണം ഒരേ സ്റ്റോറേജ്, ക്ലാസ് സെഗ്മെന്റുകളിൽ വരുന്ന പഴയതും പുതിയതുമായ ഐഫോൺ മോഡലുകൾ തമ്മിലുള്ള പ്രൈസ് ഡിഫറൻസ് ഏപ്പോഴും വളരെ കുറവായിരിക്കും.  

ഇനി വല്ല ബിരിയാണിയും കൊടുക്കുന്നുണ്ടോ? വോഡാഫോൺ ഐഡിയയിലേക്ക് പോർട്ട് ചെയ്യാൻ പതിനായിരങ്ങൾഇനി വല്ല ബിരിയാണിയും കൊടുക്കുന്നുണ്ടോ? വോഡാഫോൺ ഐഡിയയിലേക്ക് പോർട്ട് ചെയ്യാൻ പതിനായിരങ്ങൾ

വില

എന്നാൽ ആൻഡ്രോയിഡ് ഡിവൈസുകളുടെ വില താരതമ്യേനെ വേഗത്തിൽ ആണ് കുറയുക. സിമ്പിളായി പറഞ്ഞാൽ സെക്കൻഡ് ഹാൻഡ് ആൻഡ്രോയിഡ് ഡിവൈസുകൾ, സെക്കൻഡ് ഹാൻഡ് ഐഫോണുകളെക്കാൾ കുറഞ്ഞ വിലയിൽ വിപണിയിൽ എത്തുന്നു. ദിവസവും എന്നോണം പുതിയ ആൻ‍ഡ്രോയിഡ് ഡിവൈസുകൾ വിപണിയിൽ എത്തുന്നതാണ് ഇതിനുള്ള പ്രധാന കാരണവും.

സോഫ്റ്റ്വെയർ

സോഫ്റ്റ്വെയർ

വില കഴിഞ്ഞാൽ ഏറ്റവും പരിഗണന നൽകേണ്ട കാര്യം ഡിവൈസിന്റെ സോഫ്റ്റ്വെയറും ശേഷികളുമാണ്. ആൻഡ്രോയിഡ് ഡിവൈസുകളെ അപേക്ഷിച്ച് ആപ്പിൾ ഐഫോണുകൾക്ക് സോഫ്റ്റ്വെയർ സൈക്കിൾ കൂടുതലാണ്. അതിനാൽ തന്നെ കൂടുതൽ കാലത്തേക്കുള്ള പ്രധാനപ്പെട്ട സോഫ്റ്റ്വെയർ അപ്ഡേറ്റുകൾ എല്ലാം ഐഫോണുകളിൽ കിട്ടും. എന്നാൽ ആൻഡ്രോയിഡ് ഡിവൈസുകളിൽ രണ്ടോ മൂന്നോ വർഷത്തേക്കുള്ള സിസ്റ്റം അപ്ഡേറ്റുകൾ മാത്രമാണ് ലഭിക്കുക.

Washing Machine: വാഷിങ് മെഷീൻ വാങ്ങുകയാണോ? നിങ്ങൾ ഇക്കാര്യങ്ങൾ അറിഞ്ഞിരിക്കണംWashing Machine: വാഷിങ് മെഷീൻ വാങ്ങുകയാണോ? നിങ്ങൾ ഇക്കാര്യങ്ങൾ അറിഞ്ഞിരിക്കണം

വിപണി

ഉദാഹരണമായി 2015ൽ വിപണിയിൽ അവതരിപ്പിച്ച ഐഫോൺ 6എസിനെ തന്നെ നോക്കാം. ഐഫോൺ 6എസിന് ഐഒഎസ് 15 വരെ റൺ ചെയ്യാൻ കഴിയും. എന്നാൽ ആൻഡ്രോയിഡ് ഡിവൈസുകൾ സോഫ്റ്റ്വെയർ സൈഡിൽ വളരെപ്പെട്ടെന്ന് തന്നെ പഴഞ്ചനാകുന്നത് കാണാം. രണ്ട് വർഷത്തിൽ കൂടുതൽ പഴക്കമുള്ള ആൻഡ്രോയിഡ് ഡിവെസ് വാങ്ങുകയാണെങ്കിൽ അതിന്റെ ഒഎസ് അപ്ഡേറ്റ് സാധ്യതയൊക്കെ അവസാനിച്ചതായി തന്നെ കണക്കാക്കി വേണം പർച്ചേസ് നടത്താൻ. എന്നാൽ അതേ പഴക്കമുള്ള ഐഫോണുകൾ കുറച്ച് കാലം കൂടി അപ്ഡേറ്റുകൾ നൽകും.

റീസെയിൽ വാല്യൂ

റീസെയിൽ വാല്യൂ

സെക്കൻഡ് ഹാൻഡ് സ്മാർട്ട്ഫോണുകൾ വാങ്ങി വീണ്ടും വിൽക്കുന്ന കാര്യം എല്ലാവരും ചിന്തിക്കണമെന്നില്ല. ആഗ്രഹിക്കുന്ന വിലയും ലഭിക്കണമെന്നില്ല. ഇങ്ങനെ ചെയ്യുമ്പോൾ ഡിവൈസ് വീണ്ടും പഴയതാകുകയാണ്. സെക്കൻഡ് ഡിവൈസ് വീണ്ടും വിൽക്കുമ്പോൾ കുറഞ്ഞ വില മാത്രമാണ് കിട്ടുക. ബ്രാൻഡുകൾക്ക് അനുസരിച്ച് ഇതിലും മാറ്റങ്ങൾ ഉണ്ടാകും.

റീസെയിൽ

ഐഫോണുകളുടെ കാര്യത്തിൽ റീസെയിൽ വാല്യൂ എപ്പോഴും ഉണ്ടാകുമെന്നത് ഒരു വലിയ സത്യമാണ്. ആപ്പിൾ ഐഫോണുകൾ വാങ്ങാൻ ആഗ്രഹമുള്ളവരെ എപ്പോഴും കണ്ടെത്താനും കഴിയും. നേരിട്ട് വിൽക്കാൻ കഴിഞ്ഞില്ലെങ്കിൽ ഇതിന് സഹായിക്കുന്ന cex, cashify പോലെയുള്ള പ്ലാറ്റ്ഫോമുകളും ഐഫോൺ വാങ്ങാൻ തയ്യാറാകുന്ന ഓഫ്ലൈൻ സ്റ്റോറുകളും കാണാൻ കഴിയും.

ആൻഡ്രോയിഡ്

പഴയ ആൻഡ്രോയിഡ് സ്മാർട്ട്ഫോണിന്റെ കാര്യത്തിൽ ഇത്തരം ഒരു പരിഗണന ലഭിക്കില്ല. സ്മാർട്ട്ഫോൺ വിപണിയിൽ എത്രയധികം ബ്രാൻഡുകളാണ് ആൻഡ്രോയിഡ് ഡിവൈസുകൾ പുറത്തിറക്കുന്നത് എന്ന് അറിയാമല്ലോ. കമ്പനികളുടെ എണ്ണം കൂടുന്തോറും മത്സരവും കൂടുന്നു. ഇതിനാൽ തന്നെ സെക്കൻഡ് ഹാൻഡ് മാർക്കറ്റിലും ഇഷ്ടം പോലെ ആൻഡ്രോയിഡ് ഓപ്ഷനുകൾ ലഭിക്കും. ലഭ്യത കൂടുന്നതിന് അനുസരിച്ച് ഡിമാൻഡും കുത്തനെ കുറയുന്നു.

ആക്സസറികൾ

ആക്സസറികൾ

ആക്സസറി വിപണിയിലും പഴയ ആൻഡ്രോയിഡ് ഡിവൈസുകളേക്കാൾ മുൻതൂക്കം പഴയ ഐഫോണുകൾക്ക് തന്നെയാണ്. പഴയ ഐഫോണുകൾക്ക് ചേരുന്ന ധാരാളം ആക്സസറികൾ വിപണിയിൽ ലഭ്യമാകും. ഫോൺ കേസുകൾ, സ്കിന്നുകൾ, സ്ക്രീൻ ഗാർഡുകൾ അങ്ങനെ മിക്കവാറും എല്ലാത്തരം ഐഫോൺ ആക്സസറികളും ( പഴയ ഐഫോണുകളുടെ ) നിങ്ങൾക്ക് കണ്ടെത്താൻ കഴിയും.

കേസുകൾ

പല പ്രീമിയം കേസ് മേക്കേഴ്സും ഐഫോണുകൾക്ക് മാത്രമായി നൂതനമായ കേസുകൾ നിർമിക്കുന്നതായി കാണാം. എന്നാൽ ആൻഡ്രോയിഡ് ഡിവൈസുകളുടെ കാര്യത്തിൽ ഇതൊരു ശോകം പിടിച്ച അവസ്ഥയാണ്. ഓൺലൈനിലും നാട്ടിലെ കടകളിലും ഒക്കെ കയറിയിറങ്ങി പരതി നടന്ന് മാത്രമായിരിക്കും പഴയ ആൻഡ്രോയിഡ് ഡിവൈസുകൾക്കുള്ള ആക്സസറികൾ കണ്ടെത്താൻ കഴിയുക. അല്ലാതെ കിട്ടിയവർ ഭാഗ്യമുള്ളവരെന്ന് പറയാം.

രണ്ട് വർഷം

ചിലപ്പോഴൊക്കെ രണ്ട് വർഷം പഴക്കമുള്ള ആൻഡ്രോയിഡ് ഡിവൈസുകൾക്ക് പോലും ആക്സസറികൾ കിട്ടാത്ത സാഹചര്യം ഉണ്ടാകാറുണ്ട്. ആൻഡ്രോയിഡ് ഫ്ലാഗ്ഷിപ്പ് ഡിവൈസുകളുടെ കാര്യത്തിലും സമാനമായ സാഹചര്യം തന്നെയാണ്. പഴയ ആൻഡ്രോയിഡ് സ്മാർട്ട്ഫോണുകൾ വാങ്ങുന്നവർ ഇക്കാര്യം മനസിൽ വച്ച് വേണം പർച്ചേസ് നടത്താൻ.

Most Read Articles
Best Mobiles in India

English summary
There are many people in our country who buy second-hand flagship devices. A lot of care and attention should be taken while buying second-hand phones. It is not always possible to have faith in a single device. Price tags that can drop at anytime indicate the potential for bargains and great deals. So there are many issues to consider.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X