വിവോ എസ്2 ഇന്ത്യയിൽ! 7050mAh ബാറ്ററിയും കിടിലൻ ഡിസൈനും, വിലയും ഫീച്ചറുകളും അറിയാം

വിവോയുടെ ഡിസൈൻ കേന്ദ്രീകൃതമായ 'എസ്' സീരീസ് വീണ്ടും ഇന്ത്യൻ വിപണിയിലേക്ക് തിരിച്ചെത്തുന്നു. ഏറെ കാത്തിരുന്ന വിവോ എസ്2 (Vivo S2) സ്മാർട്ട്ഫോൺ ഇന്ന് ഇന്ത്യയിൽ അവതരിപ്പിക്കും. ഇന്ന് ഉച്ചയ്ക്ക് 12 മണിക്കാണ് ലോഞ്ച് ഇവന്റ് നടക്കുക. ഫോണിനായുള്ള പ്രത്യേക ലാൻഡിംഗ് പേജ് ആമസോണിൽ ഇതിനകം തന്നെ ലൈവായിക്കഴിഞ്ഞു. മികച്ച ഡിസൈനിലുള്ള ഫോണുകൾ ഇഷ്ടപ്പെടുന്നവർക്ക് പറ്റിയ സ്റ്റൈലിഷ് ചോയിസായിരിക്കും വിവോ എസ്2 എന്നാണ് സൂചനകൾ.

ലഭ്യമായ വിവരങ്ങൾ അനുസരിച്ച് രണ്ട് സ്റ്റോറേജ് വേരിയന്റുകളിലാകും ഈ സ്മാർട്ട്ഫോൺ എത്തുക. ഫോണിന്റെ പ്രാരംഭ വില ഏകദേശം 38,000 രൂപയിൽ തുടങ്ങുമെന്നാണ് സൂചന. കൂടുതൽ സ്റ്റോറേജുള്ള പ്രീമിയം പതിപ്പിന് 42,000 രൂപയോളം വിലവരും. ഓഗസ്റ്റ് 11 മുതൽ ഫോണിന്റെ ആദ്യ വിൽപ്പന ആരംഭിക്കുമെന്നാണ് റിപ്പോർട്ടുകൾ. ഈ ഫോണിനെക്കുറിച്ചുള്ള തത്സമയ വിവരങ്ങൾ വേഗത്തിൽ അറിയാൻ ആമസോണിലെ "Notify Me" (ഓർമ്മിപ്പിക്കുക) ഓപ്ഷൻ ക്ലിക്ക് ചെയ്യാവുന്നതാണ്.

വിവോ എസ്2: പ്രതീക്ഷിക്കുന്ന സവിശേഷതകൾ

മീഡിയടെക് ഡൈമൻസിറ്റി 7360 ടർബോ (MediaTek Dimensity 7360 Turbo) പ്രൊസസറാണ് ഈ ഫോണിന് കരുത്തേകുകയെന്നാണ് റിപ്പോർട്ട്. ദൈനംദിന ആവശ്യങ്ങൾക്കും മൾട്ടിടാസ്കിംഗിനും മികച്ച പെർഫോമൻസ് നൽകാൻ ഈ ചിപ്‌സെറ്റിന് സാധിക്കും. കനം കുറഞ്ഞ ഈ ഫോണിൽ 7,050mAh-ന്റെ വമ്പൻ ബാറ്ററിയാണ് കമ്പനി ഉൾപ്പെടുത്തിയിരിക്കുന്നത്. അതുകൊണ്ട് തന്നെ ചാർജ് തീരുന്നതിനെക്കുറിച്ച് പേടിക്കാതെ ഫോൺ ദീർഘനേരം ഉപയോഗിക്കാം. കൂടാതെ, വേഗത്തിൽ ചാർജ് ചെയ്യാൻ സഹായിക്കുന്ന 44W ഫാസ്റ്റ് ചാർജറും ബോക്സിനൊപ്പം ലഭിക്കും.

6.83 ഇഞ്ചിന്റെ പ്രീമിയം കർവ്ഡ് ഡിസ്‌പ്ലേയാണ് ഫോണിൽ പ്രതീക്ഷിക്കുന്നത്. 120Hz റിഫ്രഷ് റേറ്റ് ഉള്ളതിനാൽ ഡിസ്‌പ്ലേ ഉപയോഗം വളരെ സുഗമമായിരിക്കും. ഇതിന് പുറമെ, മികച്ച കണക്റ്റിവിറ്റിക്കായി നിരവധി ഹൈ-സ്പീഡ് 5G ബാൻഡുകളും ഈ ഫോൺ പിന്തുണയ്ക്കുന്നുണ്ട്. വരാനിരിക്കുന്ന ഫ്രീഡം വീക്ക് സെയിലിൽ (Freedom Week sale) ആകർഷകമായ ബാങ്ക് ഓഫറുകളോടെ ഈ സ്റ്റൈലിഷ് ഫോൺ കുറഞ്ഞ വിലയിൽ സ്വന്തമാക്കാൻ സാധിക്കും.

സ്റ്റൈലും മികച്ച ഫീച്ചറുകളും ഒരുപോലെ ആഗ്രഹിക്കുന്നവർക്ക് പറ്റിയൊരു ഫോണായിരിക്കും വിവോ എസ്2. ഇതിന്റെ മികച്ച ബാറ്ററി ലൈഫും മനോഹരമായ ഡിസൈനും തന്നെയാണ് പ്രധാന ആകർഷണം. ഫോണിന്റെ യഥാർത്ഥ വില അറിയാൻ ഇന്ന് ഉച്ചയ്ക്ക് നടക്കുന്ന ഔദ്യോഗിക ലോഞ്ച് ലൈവ് സസ്ട്രീം കാണാം. ഈ ഫോണിന്റെ വിശദമായ റിവ്യൂ ഉടൻ തന്നെ ഞങ്ങൾ നിങ്ങളിലേക്ക് എത്തിക്കുന്നതായിരിക്കും.