മീഡിയടെക് ഡൈമെൻസിറ്റി 820 ചിപ്സെറ്റുമായി വിവോ എസ് 7 ടി സ്മാർട്ഫോൺ ഉടനെ അവതരിപ്പിച്ചേക്കും

വിവോ എസ് 7 ടിയുടെ ഓൺ‌ലൈനിൽ ചോർന്ന രൂപകൽപ്പനയും സവിശേഷതകളും

ചൈന ടെലികോമിലെ വിവോ എസ് 7 ടി സ്മാർട്ഫോണിൻറെ ലിസ്റ്റിംഗ് ഒരു വെഡ്ജ് ആകൃതിയിലുള്ള നോച്ചിനുള്ളിൽ സ്ഥാപിച്ചിരിക്കുന്ന ഡ്യൂവൽ സെൽഫി ക്യാമറ സെറ്റപ്പ് സവിശേഷത വരുമെന്ന് സ്ഥിരീകരിക്കുന്നു. നോച്ചിൻറെ രൂപകൽപ്പന ഐഫോൺ എക്‌സിന് സമാനമാണ്. കൂടാതെ, രണ്ട് സെൽഫി സ്‌നാപ്പറുകളും ഇതിൽ വരുന്നു. വോളിയവും പവർ കീകളും വലത് പാനലിൽ സ്ഥാപിച്ചിരിക്കുന്നു. പവർ, വോളിയം കീകൾക്കൊപ്പം സിം കാർഡ് ട്രേയുടെ സാന്നിധ്യം ചിത്രങ്ങൾ കൂടുതൽ സ്ഥിരീകരിക്കുന്നു.

വിവോ എസ് 7 ടിൻറെ പിന്നിലായി മുകളിൽ ഇടത് വശത്ത് ചതുരാകൃതിയിലുള്ള ക്യാമറ സെറ്റപ്പും ചുവടെ വിവോ ബ്രാൻഡിംഗും ഉണ്ട്. ഇപ്പോൾ, ചൈന ടെലികോം വെബ്സൈറ്റിൽ പട്ടികപ്പെടുത്തിയിരിക്കുന്ന സവിശേഷതകൾ നമുക്ക് നോക്കാം. ലിസ്റ്റിംഗ് അനുസരിച്ച്, വിവോ എസ് 7 ടി മീഡിയടെക് ഡൈമെൻസിറ്റി 820 പ്രോസസറുമായി അവതരിപ്പിക്കും. ഈ വിവരം മുമ്പത്തെ ചോർച്ച പരിശോധിച്ചപ്പോൾ സ്ഥിരീകരിക്കുകയുണ്ടായി. 8 ജിബി റാമും 128 ജിബി സ്റ്റോറേജ് കോൺഫിഗറേഷനുമായി ഈ ഹാൻഡ്‌സെറ്റ് വിപണിയിൽ അവതരിപ്പിക്കും. നിലവിലെ കണക്കനുസരിച്ച് മറ്റ് വേരിയന്റുകളുടെ ലഭ്യത ഇതുവരെ വ്യക്തമല്ല.

വിവോ എസ് 7 ടി ക്യാമറ സവിശേഷതകൾ

1080 x 2400 പിക്‌സൽ എഫ്‌എച്ച്‌ഡി + റെസല്യൂഷനോടുകൂടിയ 6.44 ഇഞ്ച് ഡിസ്‌പ്ലേയാണ് വിവോ എസ് 7 ടി കാണിക്കുന്നത്. പാനലിന് 408PPI പിക്സൽ ഡെൻസിറ്റി ഉണ്ടായിരിക്കും. ഡ്യൂവൽ സെൽഫി ക്യാമറ സെറ്റപ്പിൽ 44 എംപി പ്രൈമറി സെൻസറും 8 എംപി അൾട്രാ-വൈഡ് ആംഗിൾ സെൽഫി സ്‌നാപ്പറും ഉൾപ്പെടും. പിന്നിൽ 64 എംപി പ്രധാന ക്യാമറയും 8 എംപി അൾട്രാ വൈഡ് ആംഗിൾ സെൻസറും 2 എംപി മോണോക്രോം ലെൻസും ഉണ്ടാകും. 33W ഫാസ്റ്റ് ചാർജിംഗ് സപ്പോർട്ടുള്ള 4,000 എംഎഎച്ച് ബാറ്ററി യൂണിറ്റാണ് ഈ ഹാൻഡ്‌സെറ്റിൽ ഉപയോഗിച്ചിരിക്കുന്നത്.

ഈ ഹാൻഡ്‌സെറ്റിന് ഏകദേശം ഇന്ത്യയിൽ 32,000 രൂപയാണ് വില വരുന്നത്. ഈ വില മുമ്പ് ടിപ്പ് ചെയ്തതിനേക്കാൾ വ്യത്യസ്തമായിട്ടാണ് വന്നിരിക്കുന്നത്. എന്നാൽ, കളർ ഓപ്‌ഷനുകൾ‌ മുൻ‌കാലത്തെ ചോർച്ചകൾ‌ കാണിച്ചിരിക്കുന്നതു പോലെയാണ് വന്നിരിക്കുന്നത്, അതായത് മോനെറ്റ്, ജാസ് ബ്ലാക്ക് കളർ ഓപ്ഷനുകളിൽ.