ഡൈമെൻസിറ്റി 1100 ചിപ്‌സെറ്റുമായി വിവോ എസ് 9 5 ജി സ്മാർട്ഫോൺ മാർച്ചിൽ അവതരിപ്പിച്ചേക്കും

വിവോ എസ് 9 5 ജി സവിശേഷതകൾ

വിവോ എസ് 9 5 ജിക്ക് അതിൻറെ മുൻഗാമിയുമായി ഹാൻഡ്സെറ്റുകളിൽ നൽകിയിരുന്ന രണ്ട് സമാന സവിശേഷതകളുണ്ട്. വിവോ എസ് 7 5 ജിയ്ക്ക് സമാനമായ 6.44 ഇഞ്ച് അമോലെഡ് ഡിസ്പ്ലേ വൈഡ് നോച്ചയിരിക്കും ഈ പുതിയ ഹാൻഡ്‌സെറ്റിന് വരുന്നത്. വിവോ എസ് 9 5 ജിയിലെ ഡ്യുവൽ സെൽഫി ക്യാമറ സെറ്റപ്പാണ് വരുന്നത്. അതിൽ 44 എംപി അൾട്രാ വൈഡ് ആംഗിൾ സെൻസർ വരുമെന്നും റിപ്പോർട്ടുകൾ നിർദ്ദേശിക്കുന്നു.

എന്നാൽ, ഈ പുതിയ ഹാൻഡ്‌സെറ്റിൽ ഏതാനും കുറച്ച് പുതിയ അപ്ഗ്രേഡുകൾ വരുന്നു. വരാനിരിക്കുന്ന വിവോ എസ് 9 5 ജി ഗൂഗിൾ പ്ലേ കൺസോൾ ലിസ്റ്റിംഗിൽ വിവോ വി 2072 എ മോഡൽ നമ്പറിനൊപ്പം പ്രത്യക്ഷപ്പെട്ടു. ഈ ഹാൻഡ്‌സെറ്റിന് മികച്ച പ്രവർത്തനക്ഷമത നൽകുന്നത് ഡൈമെൻസിറ്റി 1100 ചിപ്‌സെറ്റാണെന്ന് സ്ഥിരീകരിച്ചു. ഈ പുതിയ പ്രോസസർ ലഭ്യമാകുന്ന ലോകത്തിലെ ആദ്യത്തെ സ്മാർട്ട്‌ഫോണുകളിൽ ഒന്നായി വിവോ എസ് 9 5 ജി മാറും. 12 ജിബി റാമും 256 ജിബി വരെ സ്റ്റോറേജും വരുന്നതായിരിക്കും ഈ സ്മാർട്ഫോണെന്ന് ലിസ്റ്റിംഗ് സ്ഥിരീകരിച്ചു. ഫൺ ടച്ച് കസ്റ്റമൈസ്ഡ് സ്‌കിൻ ഉപയോഗിച്ച് ഈ സ്മാർട്ട്ഫോൺ ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കും.

ഈ പുതിയ സ്മാർട്ഫോണിൻറെ കൂടുതൽ വിശദാംശങ്ങൾ ഇപ്പോഴും ലഭ്യമായിട്ടില്ല. വിവോ എസ് 9 5 ജി യുടെ ക്യാമറ സവിശേഷതകളും, ബാറ്ററി വിശദാംശങ്ങളും ഇപ്പോഴും ഒരു രഹസ്യമായി തന്നെ തുടരുന്നു. ടിപ്പ്സ്റ്റർ പറയുന്ന കാര്യങ്ങൾ വിശ്വസിക്കണമെങ്കിൽ ഈ സ്മാർട്ട്‌ഫോണിൻറെ കൂടുതൽ വിശദാംശങ്ങൾ ലോഞ്ച് ചെയ്യുന്നതിന് മുൻപായി അറിയുവാൻ സാധിക്കും.

വിവോ എസ് 9 5 ജി ലോഞ്ച്: എന്താണ് പ്രതീക്ഷിക്കുന്നത് ?

വിവോ എസ് 7 5 ജി ഒരു സെൽഫി കേന്ദ്രീകൃത സ്മാർട്ട്‌ഫോണായി അവതരിപ്പിച്ചു. ഈ ഹാൻഡ്‌സെറ്റിൻറെ പിൻഗാമിയായി വരുന്ന പുതിയ ഫോണിനും ഈ സവിശേഷത പ്രതീക്ഷിക്കാവുന്നതാണ്. ക്യാമറയെ പ്രധാന സവിശേഷതയായി എസ് 7 5 ജിയിൽ 64 എംപി പ്രൈമറി ഷൂട്ടർ വരുന്ന ട്രിപ്പിൾ ക്യാമറ സെറ്റപ്പ് ഉൾപ്പെടുത്തിയിട്ടുണ്ട്. ഈ പുതിയ ഹാൻഡ്സെറ്റിനായി കുറച്ച് അപ്‌ഗ്രേഡുകളുള്ള സമാന സെറ്റപ്പ് പ്രതീക്ഷിക്കാം. വിവോ എസ് 7 ടി 5 ജിയിൽ ഡൈമെൻസിറ്റി 820 ചിപ്‌സെറ്റ് വരുമെന്ന് അഭ്യൂഹമുണ്ട്. ഇതും ഉടൻ തന്നെ അവതരിപ്പിക്കുമെന്ന് സംസാരമുണ്ട്. ഈ പുതിയ വിവോ എസ് സീരീസിലേക്ക് പുതിയ അപ്‌ഗ്രേഡുകളും കമ്പനി നൽകുന്നു.

കൂടുതൽ വായിക്കുക: പോക്കോ എം3 സ്മാർട്ട്ഫോൺ ഇന്ന് ഇന്ത്യൻ വിപണിയിലെത്തും: പ്രതീക്ഷിക്കുന്ന വില, സവിശേഷതകൾ