മാർച്ച് 3ന് അവതരിപ്പിക്കുന്ന വിവോ എസ് 9 സ്മാർട്ഫോണിൻറെ പ്രീ-ബുക്കിംഗ് ആരംഭിച്ചു

വിവോ ചൈന വെബ്സൈറ്റിലെ പ്രീ-ബുക്കിംഗ് പേജ് വിവോ എസ് 9 ൻറെ ഒരു വ്യക്തമായ രൂപം കാണിക്കുന്നു. ഐഫോൺ 12 സീരീസിന് സമാനമായ ഈ സ്മാർട്ട്ഫോണിന് പരന്ന അരികുകളുണ്ടെന്ന് തോന്നുന്നു. വിവോ എക്സ് 60, മറ്റ് ചില വിവോ ഫോണുകൾ എന്നിവയിലെ ക്യാമറ മൊഡ്യൂളിന് സമാനമായി കാണപ്പെടുന്ന ചതുരാകൃതിയിലുള്ള മൊഡ്യൂളിൽ ട്രിപ്പിൾ റിയർ ക്യാമറകളുമുണ്ട് ഇതിൽ. വിവോ എസ് 9 ഗ്രേഡിയന്റ് ഫിനിഷുള്ള മൂന്ന് വ്യത്യസ്ത കളർ ഓപ്ഷനുകളിൽ വിവോ എസ് 9 വിപണിയിൽ നിന്നും ലഭ്യമാകുമെന്ന് പറയുന്നു.

വിവോ എസ് 9: ക്യാമറ സവിശേഷതകൾ

ഈ സീരീസിലെ വിവോ എസ് 9 ന് പുറമേ വിവോ എസ് 9 ലോഞ്ച് ചെയ്യുമെന്ന് സ്ഥിരീകരിച്ച വിവോ വെയ്ബൊയിൽ ഒരു ടീസർ പ്രസിദ്ധികരിച്ചിരുന്നു. വിവോ എസ് 9 ഹാൻഡ്‌സെറ്റിന് 44 മെഗാപിക്സൽ സെൽഫി ക്യാമറ ഉണ്ടാകുമെന്നും വിവോ എസ് 9 ഇയിൽ 32 മെഗാപിക്സൽ ക്യാമറയാണെന്നും ടീസർ കാണിക്കുന്നു. വിവോ എസ് 9, വിവോ എസ് 9 ഇ എന്നിവയെക്കുറിച്ചുള്ള മറ്റ് വിവരങ്ങൾ ഇതുവരെ ഔദ്യോഗികമായി വെളിപ്പെടുത്തിയിട്ടില്ല.

വിവോ എസ് 9: പ്രതീക്ഷിക്കുന്ന സവിശേഷതകൾ

മുമ്പത്തെ റിപ്പോർട്ടുകൾ പരിശോധിച്ചാൽ, സാധാരണ വിവോ എസ് 9 ന് 12 ജിബി റാമും 256 ജിബി ഓൺബോർഡ് സ്റ്റോറേജും ഉണ്ടായിരിക്കുമെന്ന് മനസിലാക്കാവുന്നതാണ്. ഈ സ്മാർട്ട്ഫോണിൽ ഡ്യൂവൽ സെൽഫി ക്യാമറകളും ഉൾപ്പെടുത്തിയേക്കും. വിവോ എസ് 9 ഒക്ടാകോർ മീഡിയടെക് ഡൈമെൻസിറ്റി 1100 SoC പ്രോസസറുമായി വരുന്നതായും അഭ്യൂഹമുണ്ട്. 44 മെഗാപിക്സൽ പ്രൈമറി ക്യാമറ സെൻസറും ഈ ഫോണിനുണ്ട്. കൂടാതെ, 6.Hz ഇഞ്ച് ഡിസ്‌പ്ലേയോടൊപ്പം 90Hz റിഫ്രഷ് റേറ്റും ലഭിച്ചേക്കാം. 33W ഫാസ്റ്റ് ചാർജിംഗ് സവിശേഷതയുമായി വരുന്ന 4,000 എംഎഎച്ച് ബാറ്ററിയും ഈ ഫോണിലുണ്ടായേക്കുമെന്നാണ് അനുമാനിക്കുന്നത്.

വിവോ എസ് 9 ഇ: പ്രതീക്ഷിക്കുന്ന സവിശേഷതകൾ

അടുത്തിടെ വിവോ എസ് 9 ഇ സ്മാർട്ഫോണും കമ്പനിയിൽ വികസനത്തിലാണെന്ന് പറയുന്നു. ഈ ഹാൻഡ്‌സെറ്റിന് 6.44 ഇഞ്ച് അമോലെഡ് ഡിസ്പ്ലേ, 90 ഹെർട്സ് റിഫ്രഷ് റേറ്റ്, ഒക്ടാകോർ മീഡിയടെക് ഡൈമെൻസിറ്റി 820 SoC പ്രോസസർ എന്നിവയും ഉൾപ്പെടുത്തിയേക്കും. ഇതിൽ 4,100 എംഎഎച്ച് ബാറ്ററിയും 33W ഫ്ലാഷ് ചാർജിങും വരുന്നുണ്ട്.