തേങ്ങ ഒടക്ക് സ്വാമി...! കൈ നിറയെ ഫീച്ചറുകളുമായി വിവോ ടി3 ലൈറ്റ് ഇന്ന് ഇന്ത്യയിൽ വിൽപ്പന ആരംഭിക്കും

വിവോ ടി3 ലൈറ്റ് 5ജി (Vivo T3 Lite 5G) ഇന്ത്യയിൽ ആദ്യമായി വിൽപ്പനക്ക് എത്താൻ ഒരുങ്ങുന്നു. ഡൈമൻസിറ്റി 6300 SoC, 90Hz ഡിസ്‌പ്ലേ, 50 എംപി ഡ്യുവൽ ബാക്ക് ക്യാമറകൾ എന്നിവയോട് കൂടി കഴിഞ്ഞ ആഴ്ചയാണ് സ്‌മാർട്ട്‌ഫോൺ ലോഞ്ച് ആയത്. ഇന്ന് (ജൂലൈ 4) ഇന്ത്യൻ സമയം ഉച്ചയ്ക്ക് 12 മണിക്ക് ഓൺലൈൻ ഷോപ്പിംഗ് സൈറ്റ് ആയ ഫ്ലിപ്പ്കാർട്ട് വഴി സ്മാർട്ട്ഫോൺ വാങ്ങാൻ സാധിക്കും. വിവോ ടി3 ലൈറ്റ് 5ജിയുടെ ഓഫറുകളും സവിശേഷതകളും എന്തൊക്കെ ആണെന്ന് പരിശോധിക്കാം .

വിവോ ടി3 ലൈറ്റ് 5ജി ഇന്ത്യയിലെ വിലയും ഓഫറുകളും: വിവോ ടി3 ലൈറ്റ് 5ജിയുടെ അടിസ്ഥാന 4 ജിബി/128 ജിബി മോഡലിന് 10,499 രൂപയിൽ ആരംഭിക്കുന്നു. 6 ജിബി /128 ജിബി വേരിയൻ്റിന് ഇന്ത്യയിൽ 11,499 രൂപയാണ് വില. വൈബ്രൻ്റ് ഗ്രീൻ, മജസ്റ്റിക് ബ്ലാക്ക് എന്നീ നിറങ്ങളിലാണ് ഫോൺ എത്തുന്നത്.

വിവോ ടി3 ലൈറ്റ് വിവോയുടെ ഇ-സ്റ്റോർ വഴിയും മറ്റ് പാർട്ണർ റീട്ടെയിലർമാർ വഴിയും ഇന്ന് (ജൂലൈ 4) ഉച്ചയ്ക്ക് 12 മണി മുതൽ വാങ്ങാം. ഫ്ലിപ്കാർട്ട് ആക്സിസ് ബാങ്ക് കാർഡ് ഉടമകൾക്ക് 1000 രൂപ ഇൻസ്റ്റന്റ് ഡിസ്‌കൗണ്ട് ഉണ്ട്. കൂടാതെ, വിവോ അതിൻ്റെ 'ഡേ 1' ഓഫറിൻ്റെ ഭാഗമായി വിവോ ടി3 ലൈറ്റ് 5ജിയ്‌ക്കൊപ്പം 10W ചാർജറും സൗജന്യമായി വാഗ്ദാനം ചെയ്യുന്നു.

വിവോ ടി3 ലൈറ്റ് 5ജി സവിശേഷതകൾ:വിവോ ടി3 ലൈറ്റ് 5ജി 6.56-ഇഞ്ച് HD+ LCD സ്‌ക്രീനുമായി ആണ് എത്തുന്നത്. അത് 90Hzൻ്റെ റീഫ്രഷ് റേറ്റും 840 nitsൻ്റെ പീക്ക് ബ്രൈറ്റ്നസ്സും സപ്പോർട്ട് ചെയ്യുന്നു. 4 ജിബി വരെ LPDDR4X റാം, 128 ജിബി eMMC 5.1 സ്റ്റോറേജ് എന്നിവയുമായി ജോടിയാക്കിയ MediaTek Dimensity 6300 SoC ആണ് ഈ ഉപകരണം നൽകുന്നത്.

ഇത് മൈക്രോ എസ്ഡി കാർഡ് വഴി 1 ടിബി വരെ അധിക സ്റ്റോറേജ് എക്സ്പാൻഷനും പിന്തുണയ്ക്കുന്നു. ഇമേജിംഗിനായി, വിവോ ടി3 ലൈറ്റ് 5ജിക്ക് 50 എംപി പ്രൈമറി സെൻസറും f/1.8 അപ്പേർച്ചറും 2 എംപി ഡെപ്ത് സെൻസറും ഉൾപ്പെടെ ഡ്യൂവൽ ക്യാമറ സജ്ജീകരണമുണ്ട്. ഹാൻഡ്‌സെറ്റിന്റെ ഫ്രണ്ടിൽ, 8 എംപി സെൽഫി ക്യാമറ ആണ് വാഗ്ദാനം ചെയ്യുന്നത്.

കൂടാതെ, വിവോ ടി3 ലൈറ്റ് 5ജി 15W ഫാസ്റ്റ് ചാർജിംഗ് പിന്തുണ നൽകുന്ന 5,000 mAh ബാറ്ററി പായ്ക്ക് ചെയ്യുന്നു. എന്നിരുന്നാലും, ചാർജിംഗ് അഡാപ്റ്റർ ഫോണിന്റെ ബോക്സിൽ ഉൾപ്പെടുത്തിയിട്ടില്ല. പൊടിയും വെള്ളവും പ്രതിരോധിക്കാൻ സജ്ജീകരിച്ചിരിക്കുന്ന IP64 റേറ്റിംഗും ഫോണിൻ്റെ മറ്റൊരു സവിശേഷതയാണ്.

ഹാൻഡ്‌സെറ്റിന് 8.39 എംഎം കനവും 185 ഗ്രാം ഭാരവുമുണ്ട്. കൂടാതെ എഐ കഴിവുകളോടെയായിരിക്കും ക്യാമറ പ്രവർത്തിക്കുക. പോർട്രെയിറ്റ് ഫോട്ടോഗ്രാഫിക്കായി 2എംപി സെക്കൻഡറി സെൻസർ നൽകിയിരിക്കുന്നത് ക്യാമറയുടെ മറ്റൊരു സവിശേഷതയാണ്. റിയൽമി നർസോ N65, റിയൽമി C65 5ജി എന്നിവയുൾപ്പെടെ ബജറ്റ് സെഗ്‌മെൻ്റിലെ മറ്റ് സ്മാർട്ട്‌ഫോണുകൾക്കും ടി3 ലൈറ്റ് സ്മാർട്ഫോണിന്റെ അതേ ചിപ്‌സെറ്റ് ആണ് നൽകിയിരിക്കുന്നത്. ഇത് ആൻഡ്രോയിഡ് 14 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന വിവോയുടെ Funtouch OS 14-ൽ പ്രവർത്തിക്കുന്നു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.