വിമർശകരുടെ പോലും വായടപ്പിച്ച മുതൽ! വിവോ T4 5ജി ലോഞ്ച് ഓഫർ സഹിതം വിൽപ്പന തുടങ്ങി

7300mAh ബാറ്ററിയുമായി ഇന്ത്യയിൽ ലോഞ്ച് ചെയ്യപ്പെട്ട വി​വോയുടെ ടി സീരീസിലെ ഏറ്റവും പുതിയ സ്മാർട്ട്ഫോൺ ലോഞ്ച് ഓഫറുകൾ സഹിതം ഇന്ന് മുതൽ വിൽപ്പന ആരംഭിച്ചു. കഴിഞ്ഞ വർഷത്തെ T3 5ജിയുടെ പിൻഗാമിയായി കഴിഞ്ഞ ആഴ്ച ലോഞ്ച് ചെയ്ത വിവോ T4 5ജി ആണ് ഫ്ലിപ്കാർട്ട്, വിവോ ഇന്ത്യ ഇ-സ്റ്റോർ, ഓഫ്‌ലൈൻ സ്റ്റോറുകൾ എന്നിവ വഴി ഇന്ന് മുതൽ വാങ്ങാൻ ലഭ്യമായിരിക്കുന്നത്. വിൽപ്പന ആരംഭിക്കുന്നതിനോട് അ‌നുബന്ധിച്ച് ആകർഷകമായ ലോഞ്ച് ഓഫറുകൾ വാഗ്ദാനം ചെയ്തുകൊണ്ടാണ് ഈ വിവോ 5ജി ഫോൺ എത്തിയിരിക്കുന്നത്.

വിവോ T4 5ജിയുടെ 8ജിബി + 128ജിബി അ‌ടിസ്ഥാന വേരിയന്റിന് 21,999 രൂപയും, 8ജിബി + 256ജിബി വേരിയന്റിന് 23,999 രൂപയും, ടോപ്പ്-എൻഡ് 12ജിബി + 256ജിബി വേരിയന്റിന് 25,999 രൂപയുമാണ് വില. എന്നാൽ ലോഞ്ച് ഓഫറിന്റെ ഭാഗമായി എച്ച്ഡിഎഫ്‌സി, എസ്‌ബി‌ഐ, ആക്സിസ് ബാങ്ക് കാർഡുകൾ ഉപയോഗിച്ച് പർച്ചേസ് നടത്തുമ്പോൾ 2000 രൂപ ഇൻസ്റ്റന്റ് ഡിസ്കൗണ്ട് ലഭ്യമാണ്.

അ‌തല്ലെങ്കിൽ 2000 രൂപ എക്സ്ചേഞ്ച് ബോണസ് ലഭ്യമാണ്. കൂടാതെ 6 മാസം വരെ നോ-കോസ്റ്റ് ഇഎംഐ ഓപ്ഷനും ഉണ്ട്. ഈ ലോഞ്ച് ഓഫർ പ്രയോജനപ്പെടുത്തിയാൽ അ‌ടിസ്ഥാന മോഡൽ വെറും 19999 രൂപ വിലയിൽ വാങ്ങാനാകും. എതിരാളികൾ വിവോയ്ക്ക് നേരെ ഉയർത്താറുള്ള വിമർശനങ്ങളുടെയെല്ലാം മുന ഒടിച്ചുകൊണ്ട് മാന്യമായ വിലയിൽ ഏറ്റവും മികച്ച ഫീച്ചറുകൾ തന്നെ ഈ ഫോൺ വാഗ്ദാനം ചെയ്യുന്നു.

സ്‌നാപ്ഡ്രാഗൺ 7s ജെൻ 3 ചിപ്സെറ്റ് കരുത്തിൽ ആണ് വിവോ ടി4 5ജി എത്തിയിരിക്കുന്നത്. പ്രോസസറിന് ശക്തമായ പിന്തുണ നൽകാനായി 12ജിബി വരെ റാമും വിവോ ഇതിൽ സജ്ജീകരിച്ചിരിക്കുന്നു. വിഷ്വലുകൾ ഏറ്റവും മികവോടെ അ‌വതരിപ്പിക്കാൻ 6.77 ഇഞ്ച് എഫ്‌എച്ച്‌ഡി+ 120Hz അമോലെഡ് ഡിസ്‌പ്ലേയും ഈ വിവോ 5ജി ഫോണിലുണ്ട്.

വിവോ T4 5Gയുടെ പ്രധാന ഫീച്ചറുകൾ

2.5GHz ഒക്ട കോർ സ്‌നാപ്ഡ്രാഗൺ 7s ജെൻ 3 4nm പ്രോസസർ ആണ് ഈ വിവോ 5ജി ഫോണിന്റെ കരുത്ത്. കൂടാതെ 120Hz റിഫ്രഷ് റേറ്റുള്ള 6.77 ഇഞ്ച് (2392 x 1080 പിക്സലുകൾ) HDR10+ ഫുൾ HD AMOLED സ്‌ക്രീൻ ആണ് ഇതിലുള്ളത്.

20:9 ആസ്പക്ട് റേഷ്യോ, 1300 nits വരെ HBM, 5000 nits വരെ പീക്ക് ബ്രൈറ്റ്‌നസ് എന്നീ ഫീച്ചറുകളും വിവോ ടി4 5ജിയുടെ ഡിസ്പ്ലേ ഫീച്ചറുകളിൽ ഉൾപ്പെടുന്നു. ഗ്രാഫിക്സിനായി അഡ്രിനോ 720 GPU ഇതിൽ സജ്ജീകരിച്ചിട്ടുണ്ട്. കൂടാതെ 8GB /12GB LPDDR4X റാം, 128GB / 256GB UFS 2.2 സ്റ്റോറേജ് എന്നിവയും ഇതിലുണ്ട്.

ക്യാമറകളുടെ കാര്യമെടുത്താൽ, സോണി IMX882 സെൻസറുള്ള 50MP മെയിൻ ക്യാമറ (f/1.79 അപ്പേർച്ചർ), 2MP ഡെപ്ത് സെൻസർ (f/2.4 അപ്പേർച്ചർ) എന്നിവ അ‌ടങ്ങുന്ന ഡ്യുവൽ റിയറ ക്യാമറ സജ്ജീകരണമാണ് വിവോ T4 5ജിയിൽ സജ്ജീകരിച്ചിരിക്കുന്നത്. ഓറ ലൈറ്റ്, 4K വരെ 30 fps വീഡിയോ റെക്കോർഡിംഗ് എന്നിവയും ഉണ്ട്.

സെൽഫിക്കും മറ്റുമായി f/2.0 അപ്പേർച്ചറുള്ള 32MP ഫ്രണ്ട് ക്യാമറയും (4K 30 fps വീഡിയോ റെക്കോർഡിംഗ്) ഉണ്ട്. ആൻഡ്രോയിഡ് 15 അ‌ടിസ്ഥാനമാക്കിയുള്ള ഫൺടച്ച് ഒഎസ് 15-ൽ ആണ് വിവോ ടി4 5ജിയുടെ പ്രവർത്തനം. 2 ആൻഡ്രോയിഡ് ഒഎസ് അപ്‌ഡേറ്റുകളും 3 വർഷത്തെ സുരക്ഷാ അപ്‌ഡേറ്റുകളും കമ്പനി വാഗ്ദാനം ചെയ്യുന്നുണ്ട്.

P65 റേറ്റിങ്സ്, ഡ്യുവൽ സിം (നാനോ + നാനോ), ഇൻ-ഡിസ്‌പ്ലേ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, USB ടൈപ്പ്-സി ഓഡിയോ, ബോട്ടം-പോർട്ടഡ് സ്പീക്കർ, മിലിട്ടറി-ഗ്രേഡ് ഡ്യൂറബിലിറ്റി (MIL-STD-810H), I5G SA/NSA (n1/n3/n5/n8/n28B/n38/n40/n41/n77/n78 ബാൻഡുകൾ), ഡ്യുവൽ 4G VoLTE, Wi-Fi 6 802.11 ax (2.4GHz + 5GHz), ബ്ലൂടൂത്ത് 5.2, GPS/GLONASS/ Beidou, USB ടൈപ്പ്-C എന്നിവയും ഇതിലുണ്ട്.

വി​വോ ടി4 5ജിയെ ശ്രദ്ധേയമാക്കുന്ന ഫീച്ചർ ഇതിലെ 7300mAh ബാറ്ററിയാണ്. ഇത് 90W ഫാസ്റ്റ് ചാർജിങ് , 7.5W റിവേഴ്‌സ് വയർഡ് ചാർജിങ് പിന്തുണകളോടെയാണ് എത്തിയിരിക്കുന്നത്. എമറാൾഡ് ബ്ലേസ്, ഫാന്റം ഗ്രേ നിറങ്ങളിൽ ഈ സ്മാർട്ട്ഫോൺ വാങ്ങാനാകും. 163.4×76.4×7.89mm (എമറാൾഡ് ബ്ലേസ്) / 7.93mm (ഫാന്റം ഗ്രേ) വലിപ്പവും 199 ഗ്രാം ഭാരവും ടി4 5ജിക്ക് ഉണ്ട്.