ബാറ്ററിക്കരുത്തിൽ എതിരാളിയില്ലാത്ത വിവോ 5G ഫോൺ ഡിസ്കൗണ്ട് സഹിതം ഇന്ന് മുതൽ വിൽപ്പനയ്ക്ക്

ബാറ്ററിക്കരുത്തിൽ സെഗ്മെന്റിൽ എതിരാളികളില്ല എന്ന് വിവോ അ‌വകാശപ്പെടുന്ന വിവോ T4x 5G (Vivo T4x 5G) ഇന്ന് മുതൽ ഇന്ത്യയിൽ വിൽപ്പന ആരംഭിച്ചിരിക്കുന്നു. 15000 രൂപയിൽ താഴെ വിലയുള്ള സ്മാർട്ട്ഫോണുകളുടെ സെഗ്മെന്റിലാണ് ഈ ഫോൺ ഉൾപ്പെടുന്നത്. ഈ മാസം 5ന് ആണ് വിവോ Tx3 5G യുടെ പിൻഗാമിയായി വിവോ T4x 5G ഇന്ത്യയിൽ ലോഞ്ച് ചെയ്തത്. vivo.com, ഫ്ലിപ്പ്ർട്ട്, ഓഫ്‌ലൈൻ സ്റ്റോറുകൾ എന്നിവയിലൂടെ ഇന്ന് മുതൽ ഇത് വാങ്ങാനാകും. വിൽപ്പന ആരംഭിക്കുന്നതിനോട് അ‌നുബന്ധിച്ച് ആകർഷകമായ ലോഞ്ച് ഓഫർ ഈ 5ജി ഫോണിന് ലഭ്യമായിട്ടുണ്ട്.

ഇന്ത്യയിൽ വിവോ T4x 5Gയുടെ 6GB+ 128GB അ‌ടിസ്ഥാന വേരിയന്റിന് 13,999 രൂപയും 8GB+ 128GB വേരിയന്റിന് 14,999 രൂപയും ടോപ്പ്-എൻഡ് 8GB+ 256GB മോഡലിന് 16,999 രൂപയുമാണ് വില. എന്നാൽ ലോഞ്ച് ഓഫറിന്റെ ഭാഗമായി HDFC, SBI, Axis ബാങ്ക് കാർഡുകൾ ഉപയോഗിച്ചാൽ 1000 രൂപ ഡിസ്കൗണ്ട് ലഭിക്കും. അ‌തിനാൽ 12999 രൂപ മുതൽ വിലയിൽ ഇത് തുടക്കത്തിൽ വാങ്ങാനാകും.

പരിമിത കാലത്തേക്ക് മാത്രമാണ് ലോഞ്ച് ഓഫർ ലഭ്യമാകുക എന്നകാര്യം പ്രത്യേകം ശ്രദ്ധിക്കുക. മികച്ച ഫീച്ചറുകളും മിലിട്ടറി-ഗ്രേഡ് സർട്ടിഫൈഡ് ഡ്യൂറബിലിറ്റിയും മെച്ചപ്പെടുത്തിയ ഈട്‌നസ്സിനുള്ള IP64 റേറ്റിംഗും ഈ ഫോണിനുണ്ട് എന്ന് വിവോ വ്യക്തമാക്കുന്നുണ്ട്. വിവോയുടെ T4 സീരീസിലെ ആദ്യത്തെ സ്മാർട്ട്‌ഫോൺ എന്ന പ്രത്യേകതയും വിവോ T4x 5Gക്ക് ഉണ്ട്.

ഒരു പവർ ബാങ്കായും പ്രവർത്തിക്കാൻ കഴിയുന്ന 6500 mAh ബാറ്ററിയാണ് ഇതിന്റെ മുഖ്യ ആകർഷണം. USB-C വരെ കേബിൾ ഉപയോഗിച്ച്, ഉപയോക്താക്കൾക്ക് ഇയർഫോണുകൾ, ടാബ്‌ലെറ്റുകൾ, ഫോണുകൾ, ഗെയിം കൺട്രോളറുകൾ എന്നിവയും മറ്റും ചാർജ് ചെയ്യാൻ കഴിയും. 44W ഫാസ്റ്റ് ചാർജിങ് സഹിതമാണ് ഇതിലെ 6500mAh ബാറ്ററി എത്തുന്നത്. 5 വർഷത്തെ ബാറ്ററി ഹെൽത്ത് ഇതിന് ഉണ്ടെന്ന് കമ്പനി അ‌വകാശപ്പെടുന്നു.

റിയൽമി T4x 5Gയുടെ പ്രധാന ഫീച്ചറുകൾ: 2.5GHz ഒക്ട കോർ മീഡിയടെക് ഡൈമെൻസിറ്റി 7300 4nm ചിപ്സെറ്റ് ആണ് ഈ ഫോണിന്റെ കരുത്ത്. 120Hz റിഫ്രഷ് റേറ്റ് ഉള്ള 6.72 ഇഞ്ച് (2408×1080 പിക്സലുകൾ) ഫുൾ HD+ സ്ക്രീൻ, 1050 nits വരെ പീക്ക് ബ്രൈറ്റ്നസ് എന്നിവ ഇതിലുണ്ട്.

6GB / 8GB LPDDR4x റാം, 128GB / 256GB (UFS 3.1) സ്റ്റോറേജ് ഓപ്ഷനുകൾ ഇതിലുണ്ട്. മാലി G615 MC2 ജിപിയു ഈ വിവോ ഫോണിലുണ്ട്. ഏറ്റവും പുതിയ ആൻഡ്രോയിഡ് 15 അടിസ്ഥാനമാക്കിയുള്ള ഫൺടച്ച് ഒഎസ് 15-ൽ ആണ് ഈ 5ജി ഫോണിന്റെ പ്രവർത്തനം. 2 വർഷത്തെ ഒഎസ് അപ്‌ഡേറ്റുകളും 3 വർഷത്തെ സുരക്ഷാ അപ്‌ഡേറ്റുകളും ലഭിക്കും.

ക്യാമറകളുടെ കാര്യമെടുത്താൽ, ഡ്യുവൽ റിയർ ക്യാമറ സജ്ജീകരണമാണ് വിവോ T4x 5ജിയിൽ ഉള്ളത്. 50MP മെയിൻ ക്യാമറ (f/1.8 അപ്പേർച്ചർ), 2MP ഡെപ്ത് സെൻസർ (f/2.4 അപ്പേർച്ചർ), LED ഫ്ലാഷ്, 4K വീഡിയോ റെക്കോർഡിംഗ് എന്നിവ ഇതിലുണ്ട്. സെൽഫിക്കും മറ്റുമായി 8MP ഫ്രണ്ട് ക്യാമറയും (f/2.05 അപ്പേർച്ചർ) ഉണ്ട്.

IP64 റേറ്റിങ്, MIL-STD-810H compliant, സൈഡ്-മൗണ്ടഡ് ഫിംഗർപ്രിന്റ് സെൻസർ, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഡ്യുവൽ സിം (നാനോ + നാനോ), 5G SA/NSA (n1/n3/n5/n8/n28B/n40/n77/n78 ബാൻഡുകൾ), 4G VoLTE, USB ടൈപ്പ്-C 2.0 എന്നിവയാണ് മറ്റ് പ്രധാന ഫീച്ചറുകൾ. പ്രോന്റോ പർപ്പിൾ, മറൈൻ ബ്ലൂ നിറങ്ങളിൽ ആണ് ഈ ഫോൺ വാങ്ങാൻ ലഭ്യമാകുക.