ഫ്ലിപ്പ്കാർട്ടിന് ഇവൻ ബെസ്റ്റ് സെല്ലർ! ബജറ്റ് വിലയിൽ 5G ഫോൺ തേടിയവരുടെ ​കൈയിൽ ചുറ്റി വിവോ T4x 5G

ബജറ്റ് വിലയിൽ ഒരു സ്മാർട്ട്ഫോൺ തേടുന്നവർക്കായി വിവോ അ‌ടുത്തിടെ അ‌വതരിപ്പിച്ച സ്മാർട്ട്ഫോൺ ആണ് വിവോ T4x 5G (Vivo T4x 5G). 15000 രൂപയിൽ താഴെയുള്ള സ്മാർട്ട്ഫോണുകളുടെ വിഭാഗത്തിൽ ഉൾപ്പെടുത്താവുന്ന ഈ 5ജി ഫോണിന്റെ പ്രധാന പ്രത്യേകത 6500mAh ബാറ്ററിയുള്ള സെഗ്മെന്റിലെ ആദ്യ 5G ഫോൺ ആണ് ഇത് എന്നതാണ്. ലോഞ്ചിന് പിന്നാലെ ഇതിനകം ഇന്ത്യയിൽ വിൽപ്പന ആരംഭിച്ച ഈ സ്മാർട്ട്ഫോൺ ഇപ്പോൾ ഫ്ലിപ്പ്കാർട്ടിലെ ബെസ്റ്റ് സെല്ലർ സ്മാർട്ട്ഫോണുകളിൽ ഒന്നാണ്. നേരത്തെ ലോഞ്ച് ഓഫറുകൾ സഹിതം ലഭ്യമായിരുന്നു എങ്കിലും ഇപ്പോൾ ഡിസ്കൗണ്ടിൽ കുറവ് വന്നിട്ടുണ്ട്.

ഡിസ്കൗണ്ട് അ‌ൽപ്പം കുറഞ്ഞെങ്കിലും മികച്ച ഫീച്ചറുകൾ ഉള്ളതിനാൽ നിലവിൽ ഉള്ള വില കൊടുത്ത് വാങ്ങിയാൽപ്പോലും ഈ സ്മാർട്ട്ഫോൺ നേട്ടമാണ് എന്നാണ് പൊതുവിൽ വിലയിരുത്തപ്പെടുന്നത്. മീഡിയടെക് ഡൈമെൻസിറ്റി 7300 ചിപ്‌സെറ്റ് ആണ് ഇതിൽ ഉള്ളത്. മിലിട്ടറി-ഗ്രേഡ് സർട്ടിഫൈഡ് ഡ്യൂറബിലിറ്റിയും മെച്ചപ്പെടുത്തിയ ഈട്‌നസ്സിനുള്ള IP64 റേറ്റിങ്ങുമെല്ലാം ഈ ഫോണിനുണ്ട്.

വിവോ T4x 5Gയുടെ 6GB+ 128GB അ‌ടിസ്ഥാന വേരിയന്റിന് 13,999 രൂപയും 8GB+ 128GB വേരിയന്റിന് 14,999 രൂപയും ടോപ്പ്-എൻഡ് 8GB+ 256GB മോഡലിന് 16,999 രൂപയുമാണ് വില. ലോഞ്ച് ഓഫറിന്റെ ഭാഗമായി നേരത്തെ ഈ ഫോണിന് 1000 രൂപ ഡിസ്കൗണ്ട് ഉണ്ടായിരുന്നു.

എന്നാലിപ്പോൾ ലോഞ്ച് ഓഫറുകൾ ലഭ്യമല്ല. എങ്കിലും വിവോയുടെ ഔദ്യോഗിക വെബ്​സൈറ്റിൽ 500 രൂപ ബാങ്ക് ഡിസ്കൗണ്ട് ലഭ്യമാണ്. അ‌തിനാൽ അ‌ടിസ്ഥാന മോഡൽ 13499 രൂപ വിലയിൽ സ്വന്തമാക്കാൻ സാധിക്കും. ഔദ്യോഗിക വെബ്​സൈറ്റിന് പുറമേ ഫ്ലിപ്പ്കാർട്ടിലും ഈ വിവോ ഫോൺ വാങ്ങാൻ ലഭ്യമാണ്.

റിയൽമി T4x 5Gയുടെ പ്രധാന ഫീച്ചറുകൾ: 2.5GHz ഒക്ട കോർ മീഡിയടെക് ഡൈമെൻസിറ്റി 7300 4nm ചിപ്സെറ്റ് ആണ് ഈ ഫോണിന്റെ കരുത്ത്. 120Hz റിഫ്രഷ് റേറ്റ് ഉള്ള 6.72 ഇഞ്ച് (2408×1080 പിക്സലുകൾ) ഫുൾ HD+ സ്ക്രീൻ, 1050 nits വരെ പീക്ക് ബ്രൈറ്റ്നസ് എന്നിവ ഇതിലുണ്ട്.

മാലി G615 MC2 ജിപിയു, 6GB / 8GB LPDDR4x റാം, 128GB / 256GB (UFS 3.1) സ്റ്റോറേജ് ഓപ്ഷനുകൾ ഈ വിവോ ഫോൺ വാഗ്ദാനം ചെയ്യുന്നു. ആൻഡ്രോയിഡ് 15 അടിസ്ഥാനമാക്കിയുള്ള ഫൺടച്ച് ഒഎസ് 15-ൽ ആണ് വിവോ T4x 5Gയുടെ പ്രവർത്തനം. 2 വർഷത്തെ ആൻഡ്രോയിഡ് അപ്‌ഡേറ്റുകളും ഫോണിന് 3 വർഷത്തെ സുരക്ഷാ അപ്‌ഡേറ്റുകളും കമ്പനി വാഗ്ദാനം ചെയ്തിട്ടുണ്ട്.

ഡ്യുവൽ റിയർ ക്യാമറ സജ്ജീകരണമാണ് വിവോ T4x 5ജിയിൽ നൽകിയിരിക്കുന്നത്. അ‌തിൽ 50MP മെയിൻ ക്യാമറ (f/1.8 അപ്പേർച്ചർ), 2MP ഡെപ്ത് സെൻസർ (f/2.4 അപ്പേർച്ചർ), LED ഫ്ലാഷ്, 4K വീഡിയോ റെക്കോർഡിംഗ് എന്നിവയുണ്ട്. സെൽഫിക്കും മറ്റുമായി ഫ്രണ്ടിൽ 8MP ക്യാമറയും (f/2.05 അപ്പേർച്ചർ) ഉണ്ട്.

MIL-STD-810H compliant, IP64 റേറ്റിങ്, ഡ്യുവൽ സിം (നാനോ + നാനോ), 5G SA/NSA (n1/n3/n5/n8/n28B/n40/n77/n78 ബാൻഡുകൾ), 4G VoLTE, Wi-Fi 6 802.11 ax (2.4GHz + 5GHz), ബ്ലൂടൂത്ത് 5.4, GPS/ GLONASS/ Beidou, USB ടൈപ്പ്-C 2.0 എന്നീ ഫീച്ചറുകളും ഇതിലുണ്ട്.

സുരക്ഷയ്ക്കായി സൈഡ്-മൗണ്ടഡ് ഫിംഗർപ്രിന്റ് സെൻസർ നൽകിയിരിക്കുന്നു. USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, 44W ഫാസ്റ്റ് ചാർജിങ് സഹിതം 6500mAh ബാറ്ററി എന്നിവയാണ് ഇതിലെ മറ്റ് പ്രധാന ഫീച്ചറുകൾ. ഒരു പവർ ബാങ്കായും പ്രവർത്തിക്കാൻ ഇതിലെ ബാറ്ററിക്ക് കഴിയും. USB-C കേബിൾ ഉപയോഗിച്ച്, ഉപയോക്താക്കൾക്ക് ഇയർഫോണുകൾ, ടാബ്‌ലെറ്റുകൾ, ഫോണുകൾ, ഗെയിം കൺട്രോളറുകൾ എന്നിവയും മറ്റും ചാർജ് ചെയ്യാം. പ്രോന്റോ പർപ്പിൾ, മറൈൻ ബ്ലൂ നിറങ്ങളിൽ ഈ ഫോൺ വാങ്ങാം.