വിവോ വി 20 സീരീസ് ഒക്ടോബറിൽ ഇന്ത്യയിൽ അവതരിപ്പിച്ചേക്കും; പ്രതീക്ഷിക്കുന്ന വില, സവിശേഷതകൾ

91 മൊബൈൽസിന്റെ റിപ്പോർട്ട് അനുസരിച്ച്, ദസറ ഫെസ്റ്റിവലിന് മുന്നോടിയായി വിവോ വി 20 സീരീസ് ഒക്ടോബറിൽ ഇന്ത്യയിൽ വിപണിയിലെത്തും. വിവോ എക്സ് 20 പ്രോയുടെ അതേ ക്യാമറ ലേഔട്ട് വിവോ വി 20 സീരീസിൽ ഉണ്ടായിരിക്കാമെന്ന റിപ്പോർട്ട് അവകാശപ്പെടുന്നു. എക്സ് 50 പ്രോയുടെ ജിംബൽ സ്റ്റെബിലൈസേഷൻ മൊഡ്യൂൾ വിവോ വി 20 സീരീസിൽ സംയോജിപ്പിച്ചിട്ടുണ്ടോ ഇല്ലയോ എന്നത് ഇനിയും അറിയാനുണ്ട്. വിവോ ഈ വർഷം ആദ്യം എക്സ് 50 സീരീസ് പുറത്തിറക്കി.

വിവോ വി സീരീസ്: സവിശേഷതകൾ

എക്സ് 50 പ്രോ പതിപ്പിൽ സവിശേഷമായ ജിംബൽ ക്യാമറ സംവിധാനമുണ്ട്. വി 20 അതിന്റെ മുൻഗാമിയായ വിവോ വി 19 ന് രണ്ട് വേരിയന്റുകളിൽ ലഭ്യമായിരുന്നതും വിപണിയിൽ 28,000 രൂപ വരെ വിലയുള്ളതുമായിരിക്കുമെന്ന് പറയുന്നു. വി 20 സീരീസിൽ പുതിയ സവിശേഷതകൾ സംയോജിപ്പിക്കുമ്പോൾ ഈ ഹാൻഡ്‌സെറ്റിന് 30,000 രൂപയിൽ കൂടുതൽ വില വന്നേക്കാവുന്നതാണ്. സീരീസിലെ എൻട്രി ലെവൽ ഫോണായ വിവോ വി 20 എസ്ഇ ആൻഡ്രോയിഡ് 10 ൽ പ്രവർത്തിക്കുമെന്നും 33W ഫാസ്റ്റ് ചാർജിംഗ് സൊല്യൂഷനുമായി വരാമെന്നും റിപ്പോർട്ട് അവകാശപ്പെടുന്നു. 8 ജിബി റാമുമായി ജോടിയാക്കിയ സ്നാപ്ഡ്രാഗൺ 665 SoC ആണ് ഈ സ്മാർട്ട്ഫോണിന്റെ കരുത്ത്.

വിവോ എക്സ് 50 പ്രോ എഫ് / 1.6 അപ്പേർച്ചറുള്ള 48 മെഗാപിക്സൽ സോണി ഐഎംഎക്സ് 598 സെൻസറാണ് വരുന്നത്. 8 മെഗാപിക്സൽ സൂപ്പർ വൈഡ് ആംഗിൾ ക്യാമറ, 13 മെഗാപിക്സൽ പോർട്രെയിറ്റ് ലെൻസ്, 5x ഒപ്റ്റിക്കൽ സൂം, 60x ഹൈബ്രിഡ് സൂം എന്നിവയ്ക്കായി 8 മെഗാപിക്സൽ പെരിസ്‌കോപ്പ് ലെൻസുമായി ഇത് ജോടിയാക്കുന്നു. ഒരു റിപ്പോർട്ടിൽ, വിവോ വി 20 യുടെ ഒന്നിലധികം റെൻഡറുകൾ മൈസ്മാർട്ട്പ്രൈസ് പങ്കിട്ടു. ഗുളിക ആകൃതിയിലുള്ള പഞ്ച്-ഹോൾ കട്ടൗട്ടിനുളിൽ ഡ്യൂവൽ സെൽഫി ക്യാമറ സെറ്റപ്പ് വരുമെന്ന് പറയുന്നു. പിന്നിൽ, മുകളിൽ ഇടത് കോണിലായി സ്ഥാപിച്ചിരിക്കുന്ന ചതുരാകൃതിയിലുള്ള ക്യാമറ സെറ്റപ്പൊടെയാണ് വിവോ വി 20 വരുന്നത്. ക്യാമറ മൊഡ്യൂളിനുള്ളിൽ മൂന്ന് സെൻസറുകൾ വിവോ എക്സ് 50 പ്രോയ്ക്ക് സമാനമായ രീതിയിൽ സ്ഥാപിച്ചിരിക്കുന്നു.

ഫുൾ എച്ച്ഡി + റെസല്യൂഷനും 90 ഹെർട്സ് റിഫ്രഷ് റേറ്റും വരുന്ന 6.56 ഇഞ്ച് അമോലെഡ് ഡിസ്‌പ്ലേയാണ് വിവോ എക്‌സ് 50 പ്രോയുടെ മറ്റൊരു സവിശേഷത. എക്സ് 50 ന് ഒരു ഫ്ലാറ്റ് അൾട്രാ ഓ പാനൽലും വിവോ എക്‌സ് 50 പ്രോയ്ക്ക് ഒരു 3ഡി കർവ്ഡ് അൾട്രാ ഓ പാനലും ലഭിക്കും. 5 ജി സപ്പോർട്ടുമായി വരുന്ന സ്‌നാപ്ഡ്രാഗൺ 765 ജി SoC പ്രോസസറാണ് വിവോ എക്‌സ് 50 പ്രോയുടെ കരുത്ത്. ഗ്രേ, ബ്ലൂ എന്നീ രണ്ട് ഗ്രേഡിയന്റ് ഓപ്ഷനുകളിലാണ് ഈ സ്മാർട്ട്ഫോൺ ലഭ്യമാകും. വിവോ വി 20 യിൽ 44 മെഗാപിക്സൽ സെൽഫി ക്യാമറയുണ്ടെന്ന് സൂചിപ്പിക്കുന്ന ഒരു പ്രമോഷൻ പോസ്റ്ററിന്റെ ഒരു ചെറിയ ഭാഗവും റിപ്പോർട്ട് പങ്കുവച്ചിട്ടുണ്ട്. വിവോ വി 20 യുടെ മറ്റ് സവിശേഷതകൾ ഇപ്പോൾ വ്യക്തമല്ല.