ഗില്ലാപ്പികൾ ഇറങ്ങിയിട്ടുണ്ട്, ര​ണ്ടല്ല, മൂന്നെണ്ണം! ക്യാമറകൊണ്ട് താരമായി വിവോ X100 അ‌ൾട്ര

പ്രമുഖ ​ചൈനീസ് സ്മാർട്ട്ഫോൺ ബ്രാൻഡായ വിവോ തങ്ങളുടെ എക്സ്100 സീരീസിൽ പുതിയ സ്മാർട്ട്ഫോൺ പുറത്തിറക്കി. ​സീരീസിലെ ഏറ്റവും മികച്ച മോഡലായി വിവോ X100 അ‌ൾട്ര (Vivo X100 Ultra) മോഡൽ ആണ് പുതിയതായി ​ചൈനയിൽ ലോഞ്ച് ചെയ്തത്. ഇതോടൊപ്പം X100, X100 പ്രോ മോഡലുകൾ പുതുക്കിയിട്ടുമുണ്ട്.

വിവോ X100, X100 പ്രോ മോഡലുകൾ ഇപ്പോൾ മീഡിയടെക് ഡിമെൻസിറ്റി 9300+ ചിപ്സെറ്റ് കരുത്തിൽ വിവോ X100s എന്നും വിവോ X100s പ്രോ എന്നും പുതുക്കി അ‌വതരിപ്പിക്കപ്പെട്ടിരിക്കുന്നു. ഇതോടൊപ്പമാണ് സ്‌നാപ്ഡ്രാഗൺ 8 ജെൻ 3 ചിപ്‌സെറ്റ് കരുത്തിൽ വിവോ X100 അ‌ൾട്ര അ‌വതരിപ്പിച്ചിരിക്കുന്നത്.

വിവോ എക്സ്100 സീരീസിലെ ഏറ്റവും കരുത്തൻ സ്മാർട്ട്ഫോൺ ഇനി പുതിയ അ‌ൾട്ര മോഡലാണ്. കിടിലൻ ക്യാമറ യൂണിറ്റാണ് ഈ മോഡലിന്റെ പ്രധാന ആകർഷണം. 50MP (gimbal OIS)+ 200MP (1/1.4-ഇഞ്ച്, ISOCELL HP9, 3.7x ഒപ്റ്റിക്കൽ സൂം)+ 50MP (അൾട്രാവൈഡ്) ട്രിപ്പിൾ റിയർ ക്യാമറ സജ്ജീകരണം ആണ് ഇതിലുള്ളത്.

ഇതിലെ 200എംപി ടെലിഫോട്ടോ സെൻസർ സാംസങ്ങുമായി സഹകരിച്ചാണ് വിവോ വികസിപ്പിച്ചിരിക്കുന്നത്. 1/1.4 ഇഞ്ചിൽ, ഒരു സ്മാർട്ട്ഫോണിൽ ഇതുവരെ കണ്ടിട്ടുള്ളതിൽ വച്ച് ഏറ്റവും വലിയ ടെലിഫോട്ടോ സെൻസറാണിത്. ഇത് CIPA 4.5-ലെവൽ ടെലിഫോട്ടോ സ്റ്റെബിലൈസേഷനായി സാക്ഷ്യപ്പെടുത്തിയിട്ടുണ്ട്, കൂടാതെ മികച്ച വ്യക്തതയ്ക്കും കുറഞ്ഞ ഫ്രിങ്ങിംഗിനുമായി Zeiss T* കോട്ടിംഗും APO സർട്ടിഫിക്കേഷനുമുണ്ട്. ഇതിലെ ഫ്രണ്ട് ക്യാമറ 50MPയാണ്.

ഫീച്ചറുകൾ കാണു​മ്പോൾ, ക്യാമറ മികവിൽ വളരെ പ്രതീക്ഷ നൽകുന്ന ഒരു സ്മാർട്ട്ഫോൺ എന്ന ഇമേജാണ് ഒറ്റനോട്ടത്തിൽ വി​വോ X100 അ‌ൾട്രയ്ക്ക് ഉള്ളത്. 4K പോർട്രെയ്‌റ്റ് വീഡിയോകൾക്കായുള്ള Vivo V3+ ഇമേജിംഗ് ചിപ്പും ലോ ​ലൈറ്റിൽ മെച്ചപ്പെട്ട ബാക്ക്‌ലൈറ്റിംഗും ഡീറ്റെയിൽസുമുള്ള ഇൻ-ഹൗസ് ബ്ലൂഇമേജ് അൽഗോരിതവും അൾട്രായുടെ ക്യാമറയിൽ സജ്ജീകരിച്ചിരിക്കുന്നു. 8K30 fps വീഡിയോ റെക്കോർഡിങ് പിന്തുണയുമുണ്ട്.

വിവോ എക്സ്100 അ‌ൾട്രയുടെ മറ്റ് പ്രധാന ഫീച്ചറുകൾ: 6.78-ഇഞ്ച് (3200×1440 പിക്സൽ റെസല്യൂഷൻ) LTPO AMOLED സ്ക്രീൻ, 120Hz റിഫ്രഷ് റേറ്റ്, ഡോൾബി വിഷൻ, 3000 nits പീക്ക് ​ബ്രൈറ്റ്നസ്, സ്നാപ്ഡ്രാഗൺ 8 ജെൻ 3 ചിപ്സെറ്റ്, 16GB വരെ റാം, 1TB UFS 4.0 സ്റ്റോറേജ്.

ആൻഡ്രോയിഡ് 14 അടിസ്ഥാനമാക്കിയുള്ള ഒറിജിൻ ഒഎസ് 4, 80W വയർഡ്, 30W വയർലെസ് ചാർജിംഗ് പിന്തുണയുള്ള 5,500mah ബാറ്ററി, IP69 & IP68 റേറ്റിങ്, അൾട്രാസോണിക് ഫിംഗർപ്രിൻ്റ് സ്കാനർ, 5G, 4G, Wi-Fi 7, ബ്ലൂടൂത്ത് 5.4 എന്നീ ഫീച്ചറുകൾക്കൊപ്പം ചൈനയിൽ ഇത് 5.5G, ടു-വേ സാറ്റലൈറ്റ് കണക്റ്റിവിറ്റി പിന്തുണയും വാഗ്ദാനം ചെയ്യുന്നു.

വിവോ X100s, X100s പ്രോ സ്മാർട്ട്ഫോണുകളുടെ പ്രധാന ഫീച്ചറുകൾ: 2800×1260-പിക്‌സൽ റെസല്യൂഷനോടുകൂടിയ 6.78-ഇഞ്ച് LTPO AMOLED സ്‌ക്രീൻ, 120Hz റിഫ്രഷ് റേറ്റ്, 3,000 nits പീക്ക് ​ബ്രൈറ്റ്നസ്, മീഡിയടെക് ഡൈമെൻസിറ്റി 9300+ ചിപ്‌സെറ്റ്, 16GB വരെ റാമും 1TB UFS 4.0 സ്റ്റോറേജും.

ക്യാമറയുടെ കാര്യത്തിലാണ് ഈ സ്മാർട്ട്ഫോണുകൾ പ്രധാനമായും വ്യത്യാസപ്പെട്ടിരിക്കുന്നത്. X100s മോഡലിൽ 50MP (OIS)+ 64MP ( 3x ഒപ്റ്റിക്കൽ സൂം) +50MP (അൾട്രാവൈഡ്) ട്രിപ്പിൾ റിയർ ക്യാമറയും 32MP ഫ്രണ്ട് ക്യാമറയും ഉണ്ട്. മെയിൻ ക്യാമറ 4K60fps വീഡിയോകൾ വരെ പിന്തുണയ്ക്കുന്നു.

വിവോ X100s പ്രോയ്ക്ക് 50MP (OIS)+ 50MP (4.3x ഒപ്റ്റിക്കൽ സൂം)+ 50MP (അൾട്രാവൈഡ്) ട്രിപ്പിൾ റിയർ ക്യാമറയാണുള്ളത്. പിൻ ക്യാമറയിൽ നിന്നുള്ള 8K30 fps വീഡിയോകൾ വരെ ഇത് പിന്തുണയ്ക്കുന്നു. മുൻ ക്യാമറയ്ക്ക് 32MP സെൻസറും 4K60 fps വീഡിയോ പിന്തുണയും ഉണ്ട്. ഫ്രണ്ട് ക്യാമറ 32MP ആണ്.

ബാറ്ററിയുടെ കാര്യത്തിലും ഈ മോഡലുകൾ വ്യത്യാസപ്പെട്ടിരിക്കുന്നു. സ്റ്റാന്റേർഡ് മോഡലിൽ 100W ചാർജിംഗ് പിന്തുണയുള്ള 5,100mAh ബാറ്ററിയാണ് നൽകിയിരിക്കുന്നത്. പ്രോ മോഡലിൽ 100W വയർഡ് ചാർജിംഗും 50W വയർലെസ് ചാർജിംഗ് പിന്തുണയും ഉള്ള 5,400mAh ബാറ്ററിയുണ്ട്. X100s മോഡൽ ടൈറ്റാനിയം, വൈറ്റ്, ബ്ലാക്ക്/ഗ്രേ, ഗ്രീൻ നിറങ്ങളിലും X100s പ്രോ ടൈറ്റാനിയം, വൈറ്റ്, ബ്ലാക്ക്/ഗ്രേ നിറങ്ങളിലും ലഭ്യമാകും.

വില: വിവോ X100 അൾട്രയുടെ 12+256GB വേരിയന്റിന് 6,499 യുവാൻ ആണ് (ഏകദേശം 75,011 രൂപ) വില. 16+512GB വേരിയന്റിന് 7,299 യുവാനും (ഏകദേശം 84,245 രൂപ), 16+1TB വേരിയന്റിന് 7,999 യുവാനും ( ഏകദേശം 94,190 രൂപ) വില വരും.

വിവോ X100s ന്റെ 12+256GB വേരിയന്റിന് 4,000 യുവാൻ (ഏകദേശം 46,168.22 രൂപ) ആണ് വില. 16+256GB: 4,400 യുവാൻ (ഏകദേശം 50,785.05 രൂപ), 16+512GB: 4,700 യുവാൻ (ഏകദേശം 54,247.66 രൂപ), 16+1TB: 5,200 യുവാൻ (ഏകദേശം 60,018.69 രൂപ) വിലകളിൽ ലഭ്യമാകും.

വി​വോ X100s പ്രോയുടെ 12+256GB വേരിയന്റിന് 5,000 യുവാനും (ഏകദേശം 57,710.28 രൂപ), 16+512GB വേരിയന്റിന് 5,600 യുവാനും (ഏകദേശം 64,635.51 രൂപ), 16+1TB വേരിയന്റിന് 6,200 യുവാനും (ഏകദേശം 71,560.75 രൂപ) വില നിശ്ചയിച്ചിരിക്കുന്നു. ഈ ഫോണുകൾ ഇന്ത്യയിൽ ലോഞ്ച് ചെയ്യുമോയെന്ന് കമ്പനി ഇതുവരെ വ്യക്തമാക്കിയിട്ടില്ല.